आरएसडिसी लघुवित्तले सार्वजनिक गर्‍यो तेस्रो त्रैमासिक वित्तीय विवरण, नाफा ८.८१ प्रतिशत घट्यो

काठमाडौं । आरएसडिसी लघुवित्त वित्तीय संस्था लिमिटेडले चालू आर्थिक वर्षको तेस्रो त्रैमासिक वित्तीय विवरण सार्वजनिक गरेको छ । विवरणअनुसार कम्पनीको खुद नाफा गत आवको तेस्रो त्रैमासको तुलनामा चालू आवको सोही अवधिमा ८ दशमलव ८१ प्रतिशत घटेको छ । कम्पनीले गत आवमा रू. ९ करोड ४३ लाख नाफा कमाएकोमा चालू आवमा रू. ८ करोड ६० लाखमा सीमित भएको छ । चालू आवमा कम्पनीको निष्क्रिय कर्जा बढ्दा इम्पेरिमेन्ट चार्ज बढेर खुद नाफा घट्न पुगेको हो ।  गत आवमा शून्य दशमलव ४० प्रतिशत रहेकोमा कम्पनीको निष्क्रिय कर्जा चालू आवमा १ दशमलव ३७ प्रतिशत पुग्दा गत आवमा रू. १ करोड ९३ लाख रहेको कम्पनीको इम्पेरिमेन्ट चार्ज चालू आवमा रू. ७ करोड ३७ लाख पुगेको छ । इम्पेरिमेन्ट चार्ज बढेसँगै कम्पनीको सञ्चालन नाफा ८ दशमलव ८१ प्रतिशत घटेको छ ।  गत आवको तुलनामा कम्पनीको खुद ब्याज आम्दानी भने चालू आवमा २९ प्रतिशत वृद्धि भएको छ । गत आवमा रू. १६ करोड ५६ लाख खुद ब्याज आम्दानी गरेको कम्पनीले चालू आवमा रू. २१ करोड ४० लाख ब्याज आम्दानी गरेको छ । नाफा घटेसँगै कम्पनीको प्रतिशेयर आम्दानी पनि घटेको छ । गत आवमा प्रतिशेयर आम्दानी रू. १५ दशमलव ६२ रहेको कम्पनीको चालू आवमा रू. १३ दशमलव १९ मा झरेको छ ।  कम्पनीको चुक्तापूँजी रू. ८६ करोड ९५ लाख रहेको छ । कम्पनीले चालू आवको तेस्रो त्रैमाससम्म रू. ९ करोड ३३ लाख जगेडामा र रिटेन्ड अर्निङमा रू. ६ करोड ८४ लाख सञ्चित गरेको छ । त्यस्तै कम्पनीको मूल्य आम्दानी अनुपात ३८ दशमलव ५१ गुणा, तरलता अनुपात ३ दशमलव ७२ प्रतिशत र प्रतिशेयर नेटवर्थ रू. ११८ दशमलव ६० रहेको छ ।  रिपोर्ट हेर्न यहाँ क्लिक गर्नुहोस्