काठमाडौं। अमेरिकाले नेपाललाई केही समयभित्रै कोभिड १९ विरुद्धको खोप उपलब्ध गराउँदैछ। नेपालका लागि अमेरिकी राजदूत र्याण्डी बेरीले आउँदा केही दिनमा अमेरिकाले १५ लाखभन्दा बढी नेपालीलाई पुग्नेगरी कोभिडविरुद्धको खोप निःशुल्क उपलब्ध गराउने बताएका छन्। “नेपाल–अमेरिका साझेदारीको ७३ वर्ष लामो यात्रामा मेरो लागि यो अत्यन्तै खुशीको क्षण हो। अमेरिका सदैव नेपालीहरूको साथमा छ र नेपालीको जीवनस्तर सुधारमा निरन्तर काम गरिरहनेछ,”उनले भने।
