काठमाण्डौ – नवनियुक्त प्रधानमन्त्री पुष्पकमल दाहाल प्रचण्ड र मन्त्रीहरूको शपथ ग्रहण कार्यक्रममा आज साेमवार धेरै रमाइला दृष्य देखिए । व्यवस्थापकीय कमजोरीदेखि उदघोषकले ढङ्ग नपुर्याउँदा कार्यक्रम खल्लोजस्तो पनि देखियो । प्रधानमन्त्री पुष्पकमल दाहाल प्रचण्डको शपथ ग्रहण कार्यक्रम ४ बजे भए पनि चहलपहल भने दिउँसैदेखि थियो । छिन–छिनमा प्रहरीका गाडी साइरन बजाउँदै शीतल निवासमा प्रवेश गरिरहन्थे, विशिष्ट व्यक्तिहरू जाममा नपरून् भनेर ट्राफिक व्यवस्थापनका लागि शीतल निवासबाहिर खटिएका ट्राफिक प्रहरीलाई भ्याइनभ्याइ भय...
