चैत १४, काठमाडौं । एनआईसी एशिया क्यापिटल लिमिटेडले शुरु गरेको आइडिया टु आईपीओ सेवामा बुद्धनगर एग्रो फार्म कम्पनी सहभागी भएको छ ।
क्यापिटलले यो सेवा अन्तर्गत कुनै पनि क्षेत्रका कम्पनीहरुलाई कम्पनीको स्थापनाकालदेखि आईपीओ जारी गर्ने चरणसम्म पुर्याउन आवश्यक सम्पूर्ण काम गर्नेछ ।
सोही सेवा अन्तर्गत रू. १०० अंकित दरको ५ लाख कित्ता आईपीओ सामूहिक लगानीकोष तथा कर्मचारीहरु सहित सर्वसाधारणमा जारी गर्नका लागि बुद्धनगर एग्रो फार्म र एनआईसी एशिया क्यापिटलबिच विक्री प्रबन्धकमा नियुक्त गर्ने सम्झौता भएको छ ।
नेपालको धितोपत्र बजारको इतिहासमा पहिलो पटक एग्रो फार्म कम्पनीले आईपीओ जारी गर्न लागेको क्यापिटलले जानकारी दिएको छ ।