भारतमा थप ४४ हजार ६५८ व्यक्ति कोभिड–१९ संक्रमित

भदौ १३, नयाँदिल्ली । भारतमा कोभिड–१९ संक्रमितको संख्या पछिल्लो एक दिनमा ४४ हजार ६५८ पुगेको संघीय स्वास्थ्य मन्त्रालयले बताएको छ ।            यससँगै भारतमा अहिलेसम्म कोरोनाभाइरसबाट संक्रमित भएका व्यक्तिको संख्या ३ करोड ४४ हजार ८९९ पुगेको छ ।            मन्त्रालयको तथ्यांक अनुसार भारतमा कोभिड–१९ संक्रमित ४ लाख ३६ हजार ८६१ जनाको मृत्यु भइसकेको छ । अहिले सक्रिय संक्रमितको संख्या १ दशमलव शून्य ३ प्रतिशत रहेको छ भने ९७ दशमलव ६३ प्रतिशत संक्रमित निको भइसकेका छन् ।            भारतमा दैनिक संक्रमण दर २ दशमलव ४५ प्रतिशत रहेको र संक्रमितको संख्या दैनिक १० हजारभन्दा बढीले वृद्धि भइरहेको छ ।            मन्त्रालयका अनुसार कोभिड–१९ निको भएका व्यक्तिहरूको संख्या ३ करोड १८ लाख २१ हजारभन्दा बढी पुगेको छ । अहिले संक्रमित अवस्थामा रहेका विरामीमध्ये १ दशमलव ३४ प्रतिशतको अवस्था गम्भीर भएको र उनीहरूले देशको विभिन्न अस्पताल तथा स्वास्थ्य संस्थाहरूमा उपचार सेवा लिइरहेको बताइएको छ ।रासस/ पीटीआई