पेट्रोलियम पदार्थको भाउ फेरि बढ्यो, पेट्रोल अब लिटरकै करिब डेढ सय

६ वटा प्रदेशले अझै गाडी भाडा घटाएनन्

काठमाण्डाै - डिजलको भाउ घटेपछि लामो दूरी र बाग्मती प्रदेशमा भाडादर घटेको छ । तर अझै ६ वटा प्रदेशमा छोटो दूरीको गाडी भाडा घटेको छैन । सुदूरपश्चिम, कोशी, मधेस, गण्डकी, लुम्बिनी र कर्णाली प्रदेशमा अन्तर पालिका भाडादर अहिलेसम्म समायोजन हुन नसकेको हो । वैज्ञानिक भाडादर प्रणाली अनुसार पेट्रोल र डिजलको मूल्यमा ५ प्रतिशत तलमाथि भएमा भाडादर समायोजन गर्नुपर्ने हुन्छ । भाडादर समायोजन गर्दा ३५ प्रतिशत पेट्रोलियम पदार्थ र ६५ प्रतिशत बाँकी पक्षलाई आधार मान्नुपर्ने यातायात व्यवस्था विभागले जनाएको छ । विभागका महानिर्देशक नाराय...

उज्यालो अनलाइन बैशाख २०८०

भाउ घटेपछि बागलुङमा पेट्रोलियम पदार्थ अभाव

बागलुङ : नेपाल आयल निगमले तेलको मूल्य घटाएपछि बागलुङमा पेट्रोलियम पदार्थ अभाव भएको छ। आयल निगमले जेठ १९ गते देखि लागु हुनेगरी १० रुपैयाँ घटाउँदै पेट्रोलको प्रतिलिटर १७० र मट्टितेलको मूल्य १५३ कायम गरेपछि जिल्लाका पेट्रोल पम्पमा डिजेल तथा पेट्रोल अभाव भएको हो। सदरमुकाममा रहेका दुई पेट्रोल पम्प आइतबार दिउँसोदेखि बन्द छन्। इन्धन नभएर पम्प बन्द गरेको सञ्चालक बताउँछन्। आइतबार समेत सार्वजनिक विदा हुन थालेपछि तेलको आपूर्ति आधा मात्रै भएको न्यू ध्रुव पेट्रोल पम्पका सञ्चालक

थाहा खबर बैशाख २०७९

एक हप्तामै लिटरमा २० रुपैयाँ मूल्य बढाएपछि भारतमा भन्दा नेपालमा इन्धन महँगो

जेठ ९, वीरगञ्ज । एक समय सरकारका उच्च पदस्थ अधिकारीहरू नेपालभन्दा भारतमा पेट्रोलियम पदार्थ महँगो भएकाले पनि मूल्यवृद्धि गर्नु परेको बताउँथे । भारतमा इन्धन महँगो भएकाले नेपालका सीमावर्ती क्षेत्रबाट ठूलो परिमाणमा भारततर्फ अवैध निकासी भइरहेको दाबी उनीहरूको थियो । तर, अहिले अवस्था उल्टो भएको छ । अब सीमावर्ती भारतीय बजारभन्दा नेपालमा पेट्रोलियम पदार्थ महँगिएको छ । नेपाल आयल निगमले आइतबार मध्यरातदेखि लागू हुने गरी पेट्रोलियम पदार्थको मूल्य बढाएसँगै अब भारतभन्दा नेपालमा मूल्य बढी भएको हो । भारत सरकारले कोरोना महामारी र मूल्यवृद्धिका कारण समस्यामा परेका न्यून आयस्तर भएका जनतालाई राहत दिन मूल्य घटाएपछि नेपालको इन्धन महँगो भएको हो । गत शनिवार भारतले पेट्रोल र डिजेलमा अन्तशुल्क घटाएपछि यी दुवै इन्धनको मूल्य क्रमशः भारू ९.५ र ७ ले घटेको छ । भारत सरकारको यो निर्णयसँगै त्यहाँको इन्धन नेपालको तुलनामा सस्तिएको हो । यता नेपाल आयल निगमले घाटा बढेको भन्दै निरन्तर मूल्य बढाउँदै आएको छ । निगमले एक सातामै २ पटक भाउ बढाएको छ । नेपालमा अब पेट्रोलको मूल्य प्रतिलिटर १८० रुपैयाँ पुगेको छ । त्यस्तै डिजेल र मट्टीतेलको मूल्य प्रतिलिटर १६३ तोकिएको छ । भारतीय आयल निगमका अनुसार छिमेकी भारतको बिहार राज्यमा पेट्रोल डिजेल र मट्टीतेलको भाउ क्रमशः भारू १०९.०१, ९४.४ र ७०.६८ छ । यो नेपाली रुपैयाँ क्रमशः १७४.४, १५१.०४ र ११३.९ हुन्छ । भारतमा त्यहाँका जनताले सहुलियत दरको मट्टीतेल भारू २९ (४६.४ रुपैयाँ)मा पाउँछन् । नेपाल आयल निगमले खाना पकाउने एलपीजी प्रतिसिलिण्डर (१४.२ किलो) को मूल्य एकै पटक २०० रुपैयाँ बढाएर १८ सय रुपैयाँ पुर्याएको छ । भारतको बिहारमा यही परिमाणको ग्यास भारू १०९२.५ (१ हजार ७४८ रुपैयाँ) मा उपलब्ध हुन्छ ।

Aarthik Abhiyan बैशाख २०७९

हप्तामा २ दिन सार्वजनिक बिदा दिँदा कति घट्छ पेट्रोल र डिजेलको खपत ? (हिसाबसहित)

अहिले हप्तामा २ दिन बिदा दिने विषय मन्त्रिपरिषद बैठकमा छलफलको विषय बनिरहेको छ । शुक्रबार सरकारका निर्णय सार्वजनिक गर्न आयोजित पत्रकार सम्मेलनमा सरकारका प्रवक्तासमेत रहेका सञ्चार तथा सूचना प्रविधिमन्त्री ज्ञानेन्द्र बहादुर कार्कीले यो विषय बहसको विषय भएकाले निर्णय भईनसकेको बताएका छन् ।तर, आयाल निगम र अन्य सरोकारवालाहरु पेट्रोलियम पदार्थको खपत घटाउन हप्तामा २ दिन बिदा दिनुपर्ने विषय जोडतोडले उठाईरहेका छन् । यसमा अर्थ मन्त्रालय पनि सहमत छ । विश्व बजारमा इन्धनको भाउ निरन्तर बढिरहेको अवस्थामा नेपालले आयातमार्फत गर्ने खर्चको सबैभन्दा बढी हिस्सा पेट्रोलियम पदार्थमै खर्च गरिरहेको छ । त्यसैले पनि इन्धनको खपत घटाउन हप्तामा २ दिन बिदा दिने विषयमा अहिले सरकारले विभिन्न छलफल गरिरहेको अर्थमन्त्री जनार्दन शर्माले नै पुष्टि गरिसकेका छन् । उनका अनुसार शनिबार र अरु सार्वजनिक बिदाको दिन सरकारी सवारी साधन नचलाउने नियम बनाउने र कडाईका साथ अनुगमन गरिने तयारी छ । शनिबार र आइतबार सार्वजनिक बिदा दिँदा पेट्रोलियम पदार्थ खपत घट्ने र खपत घट्दा विदेशी मुद्रा सञ्चिति जोगिने भन्दै यस्तो ‘आईडीया’ आयाल निगमले नै निकालेको हो । अहिले कति छ खपत ?निगमका अनुसार नेपालमा गत वर्ष (सन् २०२१ मा) ६३ हजार किलोलिटर पेट्रोल र १ लाख ६० हजार किलोलिटर डिजेल खपत भएको थियो । २०२२ को मार्चमा दैनिक औसत २५ सय किलोलिटर पेट्रोल र ६४ सय किलोटिलर डिजेल खपत भएको तथ्यांक निगमले निकालेको छ । १ किलोलिटरमा १ हजार लिटर हुन्छ ।मार्चमा कुल ६३ हजार किलोलिटर पेट्रोललाई २५ दिन (४ शनिबार र २ सार्वजनिक बिदा बाहेकका दिन)लाई भाग लगाउँदा दैनिक औसतमा २५.२० सय किलोटिलर हुन आउँछ । मार्चमै खपत भएको कूल १ लाख ६० हजार किलोलिटर डिजेललाई पनि सोही अनुसार भाग लगाउँदा दैनिक ६४ सय किलोलिटर डिजेल खपत भएको छ ।२ दिन बिदा दिँदा कति घट्छ खपत ?अहिले प्रतिलिटर पेट्रोलको खरिद लागत मूल्य १८२.९२ रुपैयाँ छ । डिजेलको खरिद लागत मूल्य १६९ रुपैयाँ छ । निगमले निकालेको हिसाब अनुसार आइतबार बिदा थप गर्दा २५ सय २० किलोटिर पेट्रोलको खपत कम हुन्छ । जसअनुसार २५ सय २० किलोटिर भनेको २५ लाख २० हजार लिटर हो । २५ लाख २० हजार लिटरलाई प्रतिलिटर लागत मूल्य १८२.९२ रुपैयाँले गुणान गर्दा ४६ करोड ९ लाख ५८ हजार ४ सय रुपैयाँ बराबरको पेट्रोलको खपत कम हुन्छ । भन्नुको अर्थ, एक दिन बिदा थप गर्दा ४६ करोड ९ लाख ५८ हजार ४ सय रुपैयाँ बराबरको पेट्रोलको खपत कम हुन्छ । अब महिनामा ४ वटा आइतबार हुन्छन् । यी ४ आइतबार सार्वजनिक बिदा दिँदा १ अर्ब ८४ करोड ३८ लाख ३३ हजार ६ सय रुपैयाँ बराबरको पेट्रोलको खपत घट्छ ।यसैगरी, एक दिनमा औसतमा खपत हुने ६ हजार ४ सय किलोलिटर डिजेल भनेको ६४ लाख लिटर हो । अब यसलाई प्रतिलिटर लागत मूल्य १६९ रुपैयाँले गुणान गर्दा १ अर्ब ८१ करोड ६ लाख रुपैयाँ हुन आउँछ । यसको अर्थ, एक दिन सार्वजनिक बिदा थप गर्दा १ अर्ब ८१ करोड ६ लाख रुपैयाँ बराबरको डिजेलको खपत कम हुन्छ । अब महिनाको ४ दिन बिदा थप हुँदा महिनामा ४ अर्ब ३२ करोड ६४ लाखको खपत कम हुन्छ । यसको मतलब महिनामा अहिलेकै अवस्थामा थप ४ दिन बिदा थप हुँदा १ अर्ब ८४ करोड ३८ लाख ३३ हजार ६ सय रुपैयाँ बराबरको पेट्रोल र ४ अर्ब ३२ करोड ६४ लाख रुपैयाँ बराबरको डिजेलको आयात घट्छ । डिजेल र पेट्रोल गरी मासिक कुल ६ अर्ब १७ करोड २ लाख ३३ हजार ६ सय रुपैयाँको आयात घटी निगमको अहिलेको चाप कम हुने दाबी निगम र अर्थ मन्त्रालयको छ । यो आइतबार बिदा थप गर्दाको हिसाब हो ।शनिबार बिदाको दिन पनि अन्य दिनको तुलनामा सोही बराबरको इन्धनको खपत कम हुँदै आएको छ ।

Bizpati चैत्र २०७८

इन्धनको मूल्य समायोजन तयारीः ग्यास प्रतिसिलिण्डर २५ सय २८, पेट्रोल प्रतिलिटर १८२ रुपैयाँ

Bizpati फाल्गुन २०७८

कमिसन बढाउन माग गर्दै व्यवसायीले पट्रोलियम पदार्थ उठाउन छाडे

काठमाडौं, १८ चैत्र । कमिसन बढाउन दबाब दिँदै आजदेखि सबै प्रकारका पेट्रोलियम पदार्थ व्यवसायीहरुले उठाउन छाडेका छन् । सरकारलाई कमिसन बढाउन दबाब स्वरुप खाना पकाउने एलपी ग्यास, पेट्रोल र डिजेल उठाउन छाडेका हुन् । व्यवसायीहरुले नेपाल आयल निगमले पेट्रोल र डिजेलको भाउ बढाएपछि ढुवानी लागत बढ्ने भन्दै कमिसन बढाउन माग गरेका छन् । हाल दैनिक […]

Reporters Nepal फाल्गुन २०७८

कमिसन बढाउन दबाब दिँदै व्यवसायीले आजदेखि उठाउन छाडे पेट्रोलियम पदार्थ

व्यवसायीले शुक्रबार (आज) देखि सबै प्रकारका पेट्रोलियम पदार्थ उठाउन छाडेका छन । सरकारलाई कमिसन बढाउन दबाब दिँदै आजदेखि खाना पकाउने एलपी ग्यास, पेट्रोल र डिजेल उठाउन छाडेका हुन् ।पेट्रोल र डिजेलको भाउ बढेपछि ढुवानी लागत बढेको भन्दै नेपाल आयल निगमले भाडा नबढाएको उनीहरूको आरोप छ । व्यवसायीले आज देखी पेट्रोलियम पदार्थको आयत र बिक्री बितरण पुर्णरुपमा रोकेको एलपी ग्यास उत्पादक एसोसिएसनका अध्यक्ष कुस मल्लीले रातोपाटीलाई बताए ।हाल नेपालमा दैनिक १ लाख सिलिन्डर ग्यास खपत हुँदै आएको छ । यसैगरी दैनिक ६ करोड

Ratopati फाल्गुन २०७८

भारतमा विगत ९ मध्ये ८ दिनमा बढ्यो डिजेल र पेट्रोलको भाउ, के होला नेपालमा ?

चैत १६, काठमाडौं । भारतमा विगत ९ दिनमध्ये ८ दिनमा पेट्रोलियम पदार्थको मूल्य बढेको छ । बुधवार पनि त्यहाँ पेट्रोल र डिजेल दुबैको भाउ ८०/ ८० पैसा बढाइएको छ । यो विगत ९ दिनमा भएको आठौं मूल्य वृद्धि हो । पछिल्लो भाउ वृद्धिसँगै दिल्लीसमेत देशका प्रमुख शहरहरुमा पेट्रोलको खुद्रा मूल्य प्रतिलिटर १०० रुपया नाघेको छ । दिल्लीमा एक लिटर पेट्रोलको खुद्रा मूल्य १०१ रुपैया १ पैसा कायम भएको छ । अर्थात् दिल्लीबासीहरुले एक लिटर पेट्रोलका लागि १०१ रुपैयाभन्दा धेरै खर्च गर्नु पर्नेछ । त्यस्तैगरी, डिजेलको भाउ पनि लिटरकै ९२ रुपैया २७ पैसा पुगेको छ । देशभरमा पेट्रोलियम पदार्थ सबैभन्दा महँगो मुम्बईमा छ । त्यहाँ एक लिटर पेट्रोलको भाउ ११५ रुपया ८८ पैसा पुगेको छ । डिजेलको भाउ पनि १०० रुपैया १० पैसा कायम भएको छ । पेट्रोल र डिजेल दुबैको भाउ क्रमशः ७५ र ७६ पैसा बढाइएको चेन्नईमा यी दुई इन्धनको भाउ क्रमशः १०६ रुपया ६९ पैसा र ९६ रुपया ७६ पैसा पुगेको छ । मार्च २२ यता भारतमा इन्धनको भाउ लिटरमा करीब ५ रुपैया ६० पैसा बढिसकेको छ । केही राज्यमा विधान सभाको निर्वाचनलाई लक्षित गरेर सरकारले १३७ दिनसम्म पेट्रोलियम पदार्थको दैनिक मूल्य संशोधन स्थगित गरेको थियो । मूल्य संशोधन स्थगन शुरुमा बताइएकोभन्दा २ हप्ता धेरैसम्म गरिएको छ । पछिल्लो समय दैनिक रुपमा भइरहेको पेट्रोलियम पदार्थको मूल्य बढ्न थालेपछि झन्डै साढे चार महीनासम्म रोकिएको मूल्य वृद्धि संसोधनको विरोध बढेको छ । यस्तोमा अर्थमन्त्री निर्मला सितारमणले भने सरकारको सो निर्णयको बचाउ गर्दै युक्रेनमाथि रुसले गरेको आक्रमणका कारण विश्व भर आपूर्ति शृङ्खलामा देखिएको अवरोध र विश्व बजारमा कच्चा तेलको भाउमा भएको वृद्धिका कारण भाउ बढेको र यो अस्थायी प्रवृत्ति भएको बताएकी थिइन् । युक्रेनमाथिको आक्रमणपछि विश्व बजारमा कच्चा तेलको भाउमा तीव्र उतारचढाव आइरहेको छ । बुधवार कच्चा तेलको भाउ बढेको छ । पेट्रोलियम तेल निर्यातकर्ता देशहरुको समूह ओपेक र समूह बाहिरका शीर्ष तेल उत्पादकहरुबीचको बैठकअगाडि आपूर्ति चिन्ताबीच बुधवार विश्व बजारमा कच्चा तेलको भाउ बढेर प्रतिब्यारेल ११३ डलरमाथि उक्लिएको छ । यो समाचार तयार पार्दाखेरि नेपाली समयअनुसार साँझ ८ः२० बजे लन्डनस्थित आईसीईको कोमेक्स डिभिजनमा ब्रेन्ट क्रुडको भाउ प्रतिब्यारेल ३ दशमलव ५ प्रतिशतले बढेर शून्य ९ सेन्टमा पुगेको थियो । सोही समयमा न्यूयोर्क मर्कन्टाइल एक्सचेञ्जको कोमेक्स डिभिजनमा पनि वेष्ट टेक्सस इन्टरमिडियटको भाउ प्रतिब्यारेल २ दशमलव २४ प्रतिशतले बढी १०७ डलर ६५ सेन्टमा किनबेच भइरहेको थियो ।अघिल्लो दिनको कारोबारमा भने दुबै बेञ्चमार्क २ प्रतिशतले घटेका थिए । रुसले किभमा सैन्य गतिविधि घटाउने वाचा गरेपछि तेल बजारमा सुधार आएको छ भने शेयर बजार पनि हरियालीमा आएका थिए । विश्व बजारमा कच्चा तेलको भाउ बढेसँगै हालैका दिनमा नेपालमा पेट्रोलियम पदार्थको मूल्य आकाशिएको छ । इण्डियन आयल कर्पोरेशनले नयाँ मूल्य सूची पठाउँदा पेट्रोलियम पदार्थको भाउ बढाएर नेपाल आयल निगमलाई पठाउने देखिएको छ । यसो भयो भने नेपाली बजारमा इन्धनको भाउले नयाँ उचाई छुनेछ ।

Aarthik Abhiyan फाल्गुन २०७८

भारतमा डिजेल पेट्रोलको भाउ अहिलेसम्मकै महँगो

कात्तिक १४, नयाँ दिल्ली (भारत) । भारतमा डिजेल र पेट्रोलको भाउ अहिलेसम्मकै उच्च विन्दुमा पुगेको छ । आइतवार लगातार पाँचौ दिन पनि भाउ बढेपछि देशभर पेट्रोलियम पदार्थ महँगिएको हो । सरकारी तेल कम्पनीहरुले आइतवार डिजेल र पेट्रोल दुवैको भाउ प्रतिलिटर ३५ पैसा बढाएका छन् । योसँगै दिल्लीमा पेट्रोलको भाउ प्रतिलिटर १०९ रुपया ३४ पैसामा पुगेको छ । डिजेलको भाउ पनि ९८ रुपया ७ पैसा भएको छ । मुम्बईमा पनि डिजेल र पेट्रोल क्रमशः प्रतिलिटर ११५ रुपया १५ पैसा र १०६ रुपया २३ पैसा भएको छ । देशको बाहिरी क्षेत्रहरुमा पेट्रोल र डिजेल झनै महँगो छन् । मध्य प्रदेशको सीमा नजिक रहेको जिल्लामा पेट्रोलको भाउ १२१ रुपया माथि पुगिसकेको भन्दै प्रेस ट्रष्ट अफ इन्डिया (पीटीआई)ले समाचार छापेको थियो । बिगत ३७ दिन मध्ये २९ दिनमा डिजेल महँगो भएको छ । यस अवधिमा दिल्लीमा डिजेलको भाउ प्रतिलिटर ९ रुपया ५५ पैसाले बढेको छ । पेट्रोल पनि अघिल्ला ३३ दिनमध्ये २६ दिनमा बढेको छ । यस अवधिमा यसको भाउ प्रतिलिटर ८ रुपया १५ पैसा बढेको छ । एजेन्सी

Aarthik Abhiyan आश्विन २०७८

पेट्रोलियमको भाउ बढाउने दाउ

नेपाल आयल निगमले पेट्रोल, डिजेल र खाना पकाउने ग्यासको विक्रीबाट निगमलाई १५ दिनमा मात्रै १ अर्ब ५० करोड ७३ लाख रुपैयाँ नोक्सान हुने भनी बताउन थालेको छ । अन्तरराष्ट्रिय बजारमा मूल्य बढेकाले निगम घाटामा गई टाट पल्टन लागेको भन्नेसम्मका समाचार प्रवाह भएका छन् । किनेको मूल्यभन्दा बढीमा विक्री गर्दा कसरी घाटा हुन्छ भन्ने कुरा सर्वसाधारणले बुझेका छैनन् र उनीहरू निगमको भनाइसँग सहमत देखिँदैनन् । घाटाको प्रक्षेपण गरेर तथा बजारमा केही दिन आपूर्ति रोकेर मूल्य बढाउने रणनीति निगमले पहिलेदेखि नै लिँदै आएको पाइन्छ । अहिले पनि भाउ बढाउन र मानिसहरूको विरोध कम गर्न उसले घाटाको प्रक्षेपण सार्वजनिक गरेको देखिन्छ । सरकारले आयात गरिएको ऊर्जामा अनुदान दिने तर आप्mनै देशको बिजुली खपत बढाउन भने यस्तो अनुदान नदिने नीति लिएको छ जुन विडम्बनापूर्ण र विरोधाभासयुक्त छ । नेपाल आयल निगमले पेट्रोलियम पदार्थको आपूर्तिको व्यवस्थापन राम्ररी गर्न सकेको छैन । सरकारी निकाय भएकाले लागत घटाएर नाफा कमाउनुपर्ने बाध्यता पनि उसलाई छैन । पेट्रोलियम पदार्थको विक्रीमा एकाधिकार भएकाले सुधारमा उसको चासो छैन । निगमको व्यवस्थापनको कमजोरीकै कारण उपभोक्ताले महँगो मूल्य तिरिरहनु परेको छ । पेट्रोलियम पदार्थ महँगो पर्नुको कारण सरकारको कर पनि मुख्य कारण हो । सरकारलाई कर उठाउन सबैभन्दा सजिलो माध्यम बनेको छ, पेट्रोलियम पदार्थ । पूर्ववर्ती नेकपाको सरकारका पालामा उपभोक्तालाई मार पर्ने गरी पेट्रोलियम पदार्थमा कर बढाइयो । यसको भार उपभोक्तामाथि पर्दैन भन्दै आयल निगमले नै प्रतिक्रिया दियो तर केही समयपछि नै त्यो भार उपभोक्तामाथि थोपरियो । यसरी उपभोक्ताबाट कर असुल्ने गरिएको छ । मूल्य अभिवृद्धि कर, अन्तःशुल्क, प्रदूषण कर, पूर्वाधार निर्माण करजस्ता विभिन्न शीर्षकमा कर उठाउने गरिएको छ जसका कारण भारतसँग किनिएको मूल्यभन्दा झन्डै दोब्बर बढी मूल्य लिने गरिएको छ । निगमले पेट्रोलियमको भाउ बढेको बेलाका लागि भनेर मूल्य स्थिरीकरण कोषका लागि समेत थप मूल्य लिने गरेको छ । तर, यो मूल्य भाउ घटे पनि बढे पनि उपभोक्ताबाट उठाइरहेको छ तर त्यसका उपयोग भने गरेको छैन । यो कोषमा कति रकम जम्मा भयो र त्यो कहिले खर्च गर्ने हो त्यो पनि स्पष्ट छैन । यसलाई पारदर्शी बनाउनु आवश्यक छ । यो कोषमा रकम थप्दै जाने तर निगम घाटामा गयो भनेर उपभोक्ताको डाढ सेक्ने काम उपयुक्त मान्न सकिन्न । पेट्रोलियम पदार्थको भाउ बढ्नु भनेको समग्र बजारकै भाउ बढ्नु हो । त्यसैले यसलाई निश्चित विन्दुमा राख्न सकिएन भने त्यसले अर्थतन्त्रको लागत निकै बढाउँछ र समस्या निम्त्याउन सक्छ । मूल्य कम गराउन सरकार र निगम दुवैको चासो देखिँदैन । अन्तरराष्ट्रिय बजारमा कच्चा तेलको सर्वाधिक मूल्य प्रतिब्यारेल १५० डलर पुगेका बेलाको भाउ अहिलेको भन्दा केही बढी मात्र थियो । अहिले कच्चा तेलको मूल्य प्रतिब्यारेल ८० डलरको हाराहारीमा छ । त्यसैले अहिलेकै मूल्य निकै बढी हो । डलरको मूल्य पनि धेरै बढेको पाइ“दैन । आप्mनो अव्यवस्थापनको भारी उपभोक्तामाथि थोपर्ने काम निगमले गरिरहेको छ । नेपालमा सस्तोमा विक्री गर्दा भारततर्फ चोरी निकासी हुन्छ भन्ने तर्क गरेर समेत भाउ बढाउने गरिएको छ । भारतको मूल्य बराबर गर्नुपर्छ भन्ने भनाइ निगमको पाइन्छ । निगमले चाहने हो भने उपभोक्तासँग पैसा लिने र केही समयपछि कुनै तरीकाले त्याो फिर्ता दिने गरेर यसको समाधान गर्न सकिन्छ । प्रविधिको प्रयोगबाट यस्तो गर्न सहज हुन्छ । सरकारले खाना पकाउने ग्यासमा अनुदान दिइरहेको छ । तर, यसमा पनि निगमलाई घाटा छ भनिन्छ । सरकारले आयात गरिएको ऊर्जामा अनुदान दिने तर आफ्नै देशको बिजुली खपत बढाउन भने यस्तो अनुदान नदिने नीति लिएको छ जुन विडम्बनापूर्ण र विरोधाभासयुक्त छ । वास्तवमा सरकारी कम्पनीहरू न नाफामा जान सक्छन् न उपभोक्ताको हितमा नै काम गर्न सक्छन् । त्यसैले वस्तु र सेवा प्रवाहका क्षेत्रमा निजीक्षेत्रलाई समावेश गरी प्रतिस्पर्धी बनाउनेतिर लाग्नुपर्छ ।

Aarthik Abhiyan भाद्र २०७८

पेट्रोलियम पदार्थको भाउ फेरि बढ्यो, पेट्रोल अब लिटरकै करिब डेढ सय

सम्बन्धित सामग्री