दुई ओटा लघुवित्त कम्पनी र एक वाणिज्य बैंकको शेयरमूल्य समायोजन

पुस १२, काठमाडौं । नेपाल स्टक एक्सचेञ्ज (नेप्से) ले सोमवार तीन ओटा कम्पनीको बोनस शेयरको मूल्य समायोजन गरेको छ । नेप्सेले विजय लघुवित्त वित्तीय संस्था, नेपाल क्रेडिट एण्ड कमर्स (एनसीसी) बैंक र महुली लघुवित्त वित्तीय संस्थाको मूल्य समायोजन गरेको हो । तीनै ओटा कम्पनीले लाभांश तथा साधारण सभा प्रयोजनार्थ सोमवार बुकक्लोज गरेसँगै नेप्सेले शेयरमूल्य समायोजन गरेको हो । नेप्सेले विजय लघुवित्तको २० दशमलव शून्य ३ प्रतिशत बोनस शेयरको समायोजनपछि शेयरमूल्य रू. १ हजार २७२ दशमलव १८ तोकेको छ । कम्पनीको अघिल्लो कारोबारको दिन अर्थात् आइतवार कायम अन्तिम शेयरमूल्य रू. १ हजार ५२७ को आधारमा शेयरमूल्य समायोजन भएको हो । विजय लघुवित्तले गत आवको मुनाफाबाट शेयरधनीलाई २० दशमलव शून्य ३ प्रतिशत बोनस शेयर र १ दशमलव शून्य ६ प्रतिशत नगद लाभांश कर प्रयोजनको लागि वितरण गर्ने प्रस्ताव गरेको हो । उक्त प्रस्ताव पारित गर्नका लागि कम्पनीले पुस २४ गते साधारण सभा बोलाएको छ । कम्पनीले सभा गैडाकोट रिसोर्ट गैडाकोट-५, नवलपरासीमा बिहान ११:३० बजे शुरु हुने जानकारी दिएको छ । कम्पनीले सोमवारदेखि पुस २४ गतेसम्म बुक क्लोज गर्ने भएको छ । त्यस्तै, नेप्सेले एनसीसी बैंकको ८ प्रतिशत बोनस शेयरको समायोजनपश्चात मूल्य रू. २६३ दशमलव ४३ तोकेको छ । नेप्सेले अघिल्लो कारोबार दिनको अन्तिम मूल्यका आधारमा समायोजन गरेको हो । सोमवार कम्पनीको शेयर प्रतिकित्ता रू. २८४ दशमलव ५० मा अन्तिम कारोबार भएको थियो एनएसीसी बैंकले गत आवको मुनाफाबाट शेयरधनीलाई ८ प्रतिशत बोनस र शून्य दशमलव ४२ प्रतिशत नगद लाभांश वितरण गर्ने प्रस्ताव गरेको छ । उक्त प्रस्ताव पारित गर्नका लागि कम्पनीले पुस २९ गते साधारण सभा बोलाएको छ । कम्पनीले सभा होटल हार्दिक बागबजारमा हुने जानकारी दिएको छ । त्यसैगरी, नेप्सेले महुली लघुवित्तको २६ प्रतिशत बोनस शेयरको समायोजनपछि शेयरमूल्य रू. १ हजार ५०२ दशमलव ३८ तोकेको छ । कम्पनीको अघिल्लो कारोबारको दिन अर्थात् सोमवार कायम अन्तिम शेयरमूल्य रू. १ हजार ८९३ को आधारमा शेयरमूल्य समायोजन भएको हो । कम्पनीले गत आवको मुनाफाबाट शेयरधनीलाई २६ प्रतिशत बोनस शेयर वितरण गर्ने प्रस्ताव गरेको हो । उक्त प्रस्ताव पारित गर्नका लागि कम्पनीले पुस २४ गते साधारण सभा आयोजना गरेको छ । कम्पनीले सभा केन्द्रीय कार्यालय अग्नीसाइर कृष्णसवरण-६ मुहली, सप्तरीमा बिहान ११ बजे शुरु हुने जानकारी दिएको छ ।

पूर्ण विवरण

सम्बन्धित सामग्री

दुई लघुवित्तको २६ हजार ५०० कित्ता संस्थापक शेयर विक्रीमा, सर्वसाधारण लगानीकर्ताले खरीद गर्न पाउने

Aarthik Abhiyan 3 महिना पहिले

एक दर्जन लघुवित्त कम्पनी मर्जर प्रक्रियामा, कुन कम्पनी कोसँग मर्ज हुँदै ?

काठमाडौं । पछिल्लो समय लघुवित्त कम्पनीहरूमा मर्जरको लहर चलेको छ । नेपाल राष्ट्र बैंकले मर्जरमा जाने लघुवित्त कम्पनीलाई सुविधा दिने भएपछि मर्जरमा जान थालेका हुन् । राष्ट्र बैंकले लघुवित्त वित्तीय संस्थालाई मर्जरमा दिने सुविधालाई चालू आर्थिक वर्षको मौद्रिक नीतिमार्फत नै निरन्तरता दिएको छ । २०८१ असारसम्म एकीकृत कारोबार गरे विभिन्न सहुलियत प्रदान गर्ने व्यवस्था गरेको छ । सोही अनुसार पछिल्लो समय लघुवित्त कम्पनीहरूमा पनि मर्जरको लहर चलेको हो । पछिल्लो समय १२ वटा लघुवित्त वित्तीय संस्थाहरूले एक आपसमा गाभ्ने तथा गाभिने र प्राप्तिका लागि प्रारम्भिक सम्झौता पत्रमा हस्ताक्षर गरेका छन् । साधना र सबैको लघुवित्त, किसान र जाल्पा सामुदायिक लघुवित्त, मानुषी र श्रृजनशील लघुवित्त, मिर्मिरे र नेरुडे लघुवित्त, सामुदायिक लघुवित्त र बीपीडब्लु लघुवित्त, समता घरेलु र मनकामना स्मार्ट लघुवित्तबीच मर्जर सम्झौता भइसकेको छ । साधना लघुवित्त र सबैको लघुवित्तले गत भदौ १५ गते गाभ्ने तथा गाभिने (मर्जर)सम्बन्धी प्रारम्भिक सम्झौता गरेका हुन् । दुवै कम्पनीको शेयर स्वाप रेसियो समान अर्थात् १ः१ अनुपातमा मर्ज हुने सहमति भएको कम्पनीले बताएको छ । राष्ट्र बैंकबाट पहिलो चरणको स्वीकृति पाएको कम्पनीले जानकारी दिएको हो । दुवै कम्पनी राष्ट्रियस्तरमा कारोबार गरिरहेका छन् । सबैको लघुवित्तको केन्द्रीय कार्यालय तनहुँको बन्दीपुरमा छ भने साधना लघुवित्तको गोरखाको हरमटारीमा छ । सबैको लघुवित्तको चुक्ता पूँजी ३१ करोड ८६ लाख रुपैयाँ छ भने साधना लघुवित्तको चुक्ता पूँजी ३८ करोड २२ लाख ५८ हजार ३ सय ४५ रुपैयाँ छ । मर्जरपश्चात भने कम्पनीको चुक्ता पूँजी ७० करोड रुपैयाँ पुग्नेछ । किसान लघुवित्त र जाल्पा सामुदायिक लघुवित्तबीच मर्जरमा जान गत साउन ९ गते प्रारम्भिक सम्झौतामा हस्ताक्षर गरेका हुन् । यी दुई अहिले कम्पनीको डिडिए भइरहेको किसान लघुवित्तका सूचना अधिकारी नवराज पोखरेलले जानकारी दिए । सम्पत्ति र दायित्वको विस्तृत मूल्याङ्कन (डीडीए) भएपछि मात्रै स्वाप रेसियो निर्धारण हुनेछ । हाल किसान लघुवित्तको करीब ५० करोड रुपैयाँ चुक्ता पूँजी छ भने जाल्पा सामुदायिक लघुवित्तको १८ करोड रुपैयाँ छ । समान हैसियतमा मर्जरमा गएमा मर्जरपश्चात बन्ने कम्पनीको चुक्ता पूँजी ६८ करोड रुपैयाँ पुग्नेछ । मानुषी लघुवित्त र श्रृजनशील लघुवित्त संस्थाले मर्जरमा जान २०७९ चैत २ गते प्रारम्भिक समझदारी पत्रमा हस्ताक्षर गरेका थिए । पुस मसान्तभित्र एकीकृत कारोबार शुरु गर्ने तयारी भएको मानुषी लघुवित्तको वरिष्ठ अधिकृत मुरारी सापकोटाले बताए । डीडीए भएर आएपछि स्वाप रेशियो निर्धारण हुने उनको भनाइ छ । मानुषी लघुवित्तको केन्द्रीय कार्यालय, काभ्रे बनेपामा रहेको छ भने श्रृजनशिल लघुवित्तको केन्द्रीय कार्यालय, सिरहाको गोलबजारमा रहेको छ । मानुषी लघुवित्तको चुक्ता पूँजी १० करोड ९३ लाख रुपैयाँ रहेको छ भने श्रृजनशील लघुवित्तको १० करोड ९३ लाख रुपैयाँ छ । यी दुई कम्पनी समान हैसियतमा मर्जरमा गएमा बन्ने कम्पनीको चुक्ता पुँजी २१ करोड ८७ लाख रुपैयाँ पुग्नेछ । नेरूडे लघुवित्त र मिर्मिरे लघुवित्तबीच गत पुस १२ गते मर्जर सम्झौता भएको थियो । यी दुई कम्पनी १ः१ स्वाप रेसियो अनुपातमा मर्ज हुन लागेका हुन् । कात्तिक ३ गतेको पत्रमार्फत नेपाल राष्ट्र बैंकले यी दुई कम्पनीलाई मर्जरमा जान अन्तिम स्वीकृति प्रदान गरेको छ । अब आवश्यक प्रक्रिया पूरा गरेर एकीकृत कारोबार शुरु गर्नेछन् । मर्जरपश्चात बन्ने कम्पनीको चुक्ता पूँजी १ अर्ब ३८ करोड रुपैयाँ पुग्नेछ । सामुदायिक लघुवित्त र बीपीडब्लु लघुवित्तबीच १ः०.८५ अनुपात मर्जरमा जान लागि अन्तिम सम्झौता गरेका छन् । २०७९ फागुन २९ गते मर्जरका लागि प्रारम्भिक सम्झौता गरेका कम्पनीहरूलाई मर्जरका लागि राष्ट्र बैंकले २०८० जेठ ३ गते सैद्धान्तिक सहमति प्रदान गरेको थियो । अब आवश्यक प्रक्रिया पूरा गरेर राष्ट्र बैंकबाट अन्तिम स्वीकृति पाएपछि एकीकृत कारोबार शुरु गर्नेछन् । समता घरेलु लघुवित्तले मनकामना स्मार्ट लघुवित्तलाई प्राप्ति गर्न गत भदौ ७ गते प्रारम्भिक समझदारी पत्रमा हस्ताक्षर गरेको थियो । राष्ट्र बैंकमा मर्जर तथा प्राप्तिका लागि संयुक्त निवेदन दिइसकेको मनकामना स्मार्ट लघुवित्तले जानकारी दिएको छ । राष्ट्र बैंकले प्रारम्भिक स्वीकृति पाएपछि आवश्यक प्रक्रिया पूरा गरेर डीडीए भएपछि मात्रै शेयर स्वाप रेशियो निर्धारण हुने कम्पनीको भनाइ छ ।

Aarthik Abhiyan आश्विन २०८०

२० ओटा लघुवित्त कम्पनी मर्जर तथा प्राप्ति प्रक्रियामा, कसको कोसँग ?

काठमाडौं । पछिल्लो समय बैंक तथा वित्तीय संस्थाहरूमा मर्जरको लहर चलेको छ । बैंक तथा वित्तीय संस्थाहरूको संख्या घटाउन नेपाल राष्ट्र बैंकले मर्जरमा सेवा सुविधा प्रदान गरेपछि धमाधम गाभिन थालेका हुन् । विशेषगरी वाणिज्य बैंक र लघुवित्त वित्तीय संस्थाहरूको संख्या घटाउन मर्जरमा जोड दिइएको छ । मर्जरका माध्यमबाट वाणिज्य बैंक र लघुवित्तको संख्या घटाउन नेपाल राष्ट्र बैंकले प्रोत्साहन गर्न थालेपछि हालसम्म १० ओटा वाणिज्य बैंकको मर्जर तथा प्राप्ति सम्पन्न भई पाँच ओटा कायम भएका छन् । यससँगै वाणिज्य बैंकको संख्या २१ मा झरेको छ । राष्ट्र बैंकले बैंक तथा वित्तीय संस्थालाई मर्जरमा दिने सुविधालाई चालू आर्थिक वर्षको मौद्रिक नीतिको समीक्षामार्फत नै निरन्तरता दिएको थियो । सोहीअनुसार पछिल्लो समय लघुवित्त कम्पनीहरूमा पनि मर्जरको लहर चलेको देखिन्छ । हालसम्म २० ओटा लघुवित्त कम्पनीले मर्जरसम्बन्धी समझदारीपत्रमा हस्ताक्षर गरिसकेका छन् । तीमध्ये केहीले एकीकृत कारोबार पनि थालिसकेका छन्, केही भने मर्जरका लागि नियामक निकायको स्वीकृति पर्खिंदै छन् । लघुवित्त मर्जरका लागि राष्ट्र बैंकबाट र नेपाल धितोपत्र बोर्ड (सेबोन) बाट स्वीकृति पाउनुपर्छ । पछिल्लो पटक सिवाईसी नेपाल लघुवित्त वित्तीय संस्था र आँधिखोला लघुवित्त वित्तीय संस्थाले फागुन ३० गतेदेखि सिवाईसी नेपाल लघुवित्त वित्तीय संस्थाको नामबाट एकीकृत कारोबार शुरू गरिसकेका छन् । त्यस्तै समता घरेलु लघुवित्त वित्तीय संस्था र स्वरोजगार लघुवित्त वित्तीय संस्था एक आपसमा गाभिन सेबोनबाट पूर्वस्वीकृति लिइसकेका छन् । पुस २८ गते समान अनुपातमा मर्जरमा जान सहमति गरेका यी दुई कम्पनीले एक आपसमा गाभिने प्रस्ताव विशेष साधारण सभाबाट पारित गरी आवश्यक प्रक्रिया पूरा गरेपछि एकीकृत कारोबार शुरू गर्नेछन् । डीडीए रिपोर्ट फरक आएमा सोहीबमोजिम मर्ज हुने समता लघुवित्तले जानकारी गराएको छ । समता घरेलु लघुवित्तले साधारण मर्जरसम्बन्धी प्रस्ताव सभाबाट पारित गरिसकेको छ भने स्वरोजगार लघुवित्तको बाँकी छ । अब स्वरोजगार लघुवित्तले साधारण सभाबाट पारित गरी आवश्यक प्रक्रिया पूरा गरेपछि मात्रै एकीकृत कारोबार शुरू हुनेछ । मिर्मिरे लघुवित्त र नेरुडे लघुवित्तबीच गत पुस ११ गते एक आपसमा मर्जरमा जाने समझदारीपत्रमा हस्ताक्षर भएको छ । यी कम्पनीहरूले पनि समान हैसियतमा मर्जरमा जाने सम्झौता गरेका हुन् । मर्जरसम्बन्धी अन्तिम सम्झौता एक हप्ताभित्र हुने मिर्मिरे लघुवित्तले जानकारी दिएको छ । दुवै कम्पनीको विशेष साधारण सभाले मर्जरसम्बन्धी प्रस्ताव पारित गरेर नियामक निकायको स्वीकृतिपछि एकीकृत कारोबार शुरू हुनेछ । त्यस्तै धौलागिरी लघुवित्त र खप्तड लघुवित्त वित्तीय संस्थाले मङ्सिर १८ गते मर्जरसम्बन्धी सम्झौता गरेका हुन् । दुवै कम्पनीलाई मर्जरमा जान नेपाल राष्ट्र बैंकले पुस १८ गते सैद्धान्तिक सहमति प्रदान गरिसकेको छ । यी दुवै कम्पनीले विशेष साधारण सभाबाट मर्जरसम्बन्धी प्रस्ताव पारित गरिसकेका छन् । बाँकी प्रक्रिया पूरा गरेर नियामक निकायको अन्तिम स्वीकृतिपछि एकीकृत कारोबार शुरू हुनेछ । नेशनल माइक्रोफाइनान्स र समीट लघुवित्त वित्तीय संस्थाले एक आपसमा गाभिन असोज २६ गते सम्झौता गरेका थिए । राष्ट्र बैंकबाट मर्जरमा जान सैद्धान्तिक स्वीकृति लिइसकेका दुवै लघुवित्त प्रारम्भिक सम्झौताअनुसार १००ः८२ स्वाप रेसियोमा मर्ज हुने भएका हुन् । अब मर्जरसम्बन्धी प्रस्ताव दुवै कम्पनीले विशेष साधारण सभाले पारित गरेपछि प्रक्रिया अगाडि बढ्ने जानकारी दिइएको छ । डिप्रोक्स लघुवित्त र आदर्श लघुवित्तबीच गत असोज १४ गते प्रारम्भिक सम्झौतापत्रमा हस्ताक्षर भएको हो । डिप्रोक्स लघुवित्तले आदर्श लघुवित्त वित्तीय संस्थालाई प्राप्ति गर्ने समझदारीपत्रमा हस्ताक्षर भएको हो । दुवै कम्पनीले फागुन ३० गते सम्पन्न वार्षिक साधारण सभामार्फत प्राप्तिसम्बन्धी प्रस्ताव पारित गरेका छन् । दुवै कम्पनी समान हैसियतमा एक हुन लागेका हुन् । अन्तिम सम्झौता गरेका यी कम्पनीले एकीकृत कारोबारका लागि भने नियामक निकाय नेपाल राष्ट्र बैंक, कम्पनी रजिष्ट्रारको कार्यालय र सेबोनबाट पनि स्वीकृति लिनुपर्नेछ । नियामकको स्वीकृति लिई एकीकृत कारोबारका लागि तयारी अघि बढाइएको जानकारीसमेत कम्पनीले दिएको छ । त्यस्तै सामुदायिक लघुवित्त र बिपिडब्लु लघुवित्त वित्तीय संस्थाले एक आपसमा मर्जरमा जान पुस १ गते समझदारीपत्रमा हस्ताक्षर गरेका हुन् । यी कम्पनीले पनि आवश्यक प्रक्रिया पूरा गरेर नियामक निकायको स्वीकृतिपछि मर्जरपश्चात् विशेष साधारण सभाबाट पारित गरेपछि एकीकृत कारोबार शुरू गर्नेछन् । त्यस्तै विजय लघुवित्त वित्तीय संस्था र नयाँ सारथी लघुवित्त वित्तीय संस्थाबीच मङ्सिर २६ गते मर्जरसम्बन्धी समझदारीपत्रमा हस्ताक्षर गरेका हुन् । यी दुई कम्पनी समान अनुपातमा मर्जरमा जान लागेको हुन् । मर्जरसम्बन्धी प्रस्ताव पारित गर्न यी दुवै कम्पनीले चैत २८ गते साधारण सभा बोलाएका छन् । अब साधारण सभाबाट पारित भएपछि आवश्यक प्रक्रिया पूरा गरेर नियामक निकायबाट स्वीकृतिपछि एकीकृत कारोबार शुरू हुनेछ । साना किसान विकास लघुवित्त संस्था र आरएमडीसी लघुवित्त वित्तीय संस्थाबीचको मर्जर प्रक्रिया अघि बढेको छ । यी दुवै कम्पनीले एकआपसमा गाभ्ने÷गाभिने वा मर्जरमा जाने प्रारम्भिक सम्झौतापत्रमा हस्ताक्षर गरिसकेका छन् । साना किसानको १ शेयर बराबर १ शेयर कायम हुने तथा आरएमडीसी लघुवित्तको १ शेयर बराबर ०.८७ शेयर (शेयर अनुपात १ः०.८७) कायम हुने गरी फागुन १८ गते दुवै संस्थाका सञ्चालक समितिहरूले हस्ताक्षर गरेका हुन् । मर्जरसम्बन्धी प्रस्ताव साधारण सभाबाट दुवै कम्पनीले पारित गरिसकेका छन् । अब आवश्यक प्रक्रिया पूरा गरेर नियामक निकायको स्वीकृति पाएपछि एकीकृत कारोबार शुरू गर्नेछन् । मानुषी लघुवित्त वित्तीय संस्था र श्रृजनशील लघुवित्त वित्तीय संस्था एक आपसमा मर्जरमा जान चैत २ गते समझदारी पत्रमा हस्ताक्षर गरेका हुन् । त्यस्तै समाज लघुवित्त वित्तीय संस्था र स्वस्तिक लघुवित्त वित्तीय संस्थाले २०७७ असोज ५ गते एक आपसमा मर्जरमा जाने समझदारीपत्रमा हस्ताक्षर गरेका हुन् ।

Aarthik Abhiyan फाल्गुन २०७९

फेरि बजारमा ११ करोड ७८ लाख रुपैयाँ बराबरको आईपीओ आउँदै

धितोपत्र बजारमा फेरि ११ करोड ७८ लाख रुपैयाँ बराबरको प्राथमिक सेयर (आईपीओ) आउने भएको छ । दुई वटा लघुवित्त कम्पनी अभियान र आत्मनिर्भरले कुल ११ करोड ७८ लाख ३८ हजार रुपैयाँ बराबरको ११ लाख ७८ हजार ३८० कित्ता आईपीओ जारी गर्ने भएका हुन् । यी दुई लघुवित्तले आईपीओ निष्काशनका लागि धितोपत्र बोर्डमा निवेदन दिएका छन् । निवेदन अनुसार अभियान लघुवित्तले १०० रुपैयाँ अंकित ९ करोड ७५ लाख रुपैयाँ बराबरको ९ लाख ७५ हजार कित्ता आईपीओ जारी गर्न बोर्डसँग माग गरेको छ । यस्तै, आत्मनिर्भर लघुवित्तले २ करोड ३ लाख

Ratopati चैत्र २०७८

दुई ओटा लघुवित्त कम्पनी सहित ५ ओटा कम्पनीको शेयरमूल्य समायोजन

पुस १५, काठमाडौं । नेपाल स्टक एक्सचेञ्ज (नेप्से) ले बिहीवार पाँच ओटा कम्पनीको बोनस शेयरको मूल्य समायोजन गरेको छ । नेप्सेले चिलिमे हाइड्रोपावर कम्पनी लिमिटेड, इन्फिनिटी वित्तीय संस्था, मन्जुश्री फाइनान्स, एनआरएन इन्फ्रास्टक्चर एण्ड डेभलपमेण्ट र समिट लघुवित्त वित्तीय संस्थाको मूल्य समायोजन गरेको हो । यी ५ आटै कम्पनीले लाभांश तथा साधारण सभा प्रयोजनार्थ बिहीवार बुकक्लोज गरेसँगै नेप्सेले शेयरमूल्य समायोजन गरेको हो । नेप्सेले चिलिमे हाइड्रोपावरको ७ दशमलव ५० प्रतिशत बोनस शेयरको समायोजनपछि शेयरमूल्य रू. ४६७ दशमलव ८१ तोकेको छ । कम्पनीको अघिल्लो कारोबारको दिन अर्थात् बुधवार कायम अन्तिम शेयरमूल्य रू. ५०२ दशमलव ९० को आधारमा शेयरमूल्य समायोजन भएको हो । चिलिमे जलविद्युतले गत आर्थिक वर्षको मुनाफाबाट हाल कायम चुक्ता पूँजीको ७ दशमलव ५ प्रतिशत बोनस शेयर र सोको कर प्रयोजनको लागि सहित ७ दशमलव ५ प्रतिशत नगद लाभांश गरी कुल १५ प्रतिशत लाभांश वितरण गर्ने घोषणा गरेको छ। उक्त लाभांश प्रस्ताव पारित गर्न कम्पनीले पुस २३ गते २५ औं वार्षिक साधारण सभा बोलाएको छ । त्यस्तै, नेप्सेले इन्फिनिटी लघुवित्त वित्तीय संस्थाको २७ दशमलव ७० प्रतिशत बोनस शेयरको समायोजनपश्चात मूल्य रू. १ हजार ३०७ दशमलव ७५ तोकेको छ । नेप्सेले अघिल्लो कारोबार दिनको अन्तिम मूल्यका आधारमा समायोजन गरेको हो । बुधवार कम्पनीको शेयर प्रतिकित्ता रू. १ हजार ६७० मा अन्तिम कारोबार भएको थियो । इन्फिनिटी लघुवित्तले हाल कायम चुक्ता पूँजीको २७ दशमलव ७० प्रतिशत बोनस शेयर र कर प्रयोजनका लागि १ दशमलव ४६ प्रतिशत नगद लाभांश वितरण गर्ने घोषणा गरेको छ । सो लाभांश पारित गर्न कम्पनीले पुस २७ गते होटल द नारायणी, गैंडाकोट, नवलपरासीमा पाँचौं वार्षिक साधारण सभा बेलाएको छ । सभा बिहान १० बजे शुरु हुने कम्पनीले जानकारी दिएको छ । त्यसैगरी, नेप्सेले मन्जुश्री फाइनान्सको ४० प्रतिशत बोनस शेयरको समायोजनपछि शेयरमूल्य रू. ६७० दशमलव ७१ तोकेको छ । कम्पनीको अघिल्लो कारोबारको दिन अर्थात् बुधवार कायम अन्तिम शेयरमूल्य रू. ९३९ को आधारमा शेयरमूल्य समायोजन भएको हो । मञ्जुश्री फाइनान्सले ४० प्रतिशत बोनस शेयर र ६ प्रतिशत नगद लाभांश (करसहित) वितरण गर्ने घोषणा गरेको छ । सोही लाभांश प्रस्ताव पारित गर्न कम्पनीले आफ्नै कार्यालय, नयाँ बानेश्वरमा पुस २९ गते १४औं वार्षिक साधारण सभा बोलाएको छ । सो सभा बिहान ११ बजे शुरु हुनेछ । नेप्सेले एनआरएन इन्फ्रास्टक्चरको ५ प्रतिशत बोनस शेयरको समायोजनपछि शेयरमूल्य रू. ५११ दशमलव ४३ तोकेको छ । कम्पनीको अघिल्लो कारोबारको दिन अर्थात् बुधवार कायम अन्तिम शेयरमूल्य रू. ५३७ को आधारमा शेयरमूल्य समायोजन भएको हो । एनआरएन इन्फ्रास्टक्चर एण्ड डेभलपमेन्ट कम्पनीले लाभांश पारित गर्न पुस २९ गते बिहान ११ बजे आम्रपाली ब्यांक्वेट, काठमाडौंमा नवौं वार्षिक साधारण सभा बोलाएको छ । सभाले गत आर्थिक वर्षको मुनाफाबाट प्रस्तावित ५ प्रतिशत बोनस शेयर र कर प्रयोजनको लागि शून्य दशमलव २६ प्रतिशत नगद लाभांश पारित गर्नेछ । त्यस्तै, नेप्सेले समीट लघुवित्त वित्तीय संस्थाको २५ दशमलव २८ प्रतिशत बोनस शेयरको समायोजनपश्चात मूल्य रू. १ हजार १६५ दशमलव ३४ तोकेको छ । नेप्सेले अघिल्लो कारोबार दिनको अन्तिम मूल्यका आधारमा समायोजन गरेको हो । बुधवार कम्पनीको शेयर प्रतिकित्ता रू. १ हजार ४६० मा अन्तिम कारोबार भएको थियो । समीट लघुवित्तले गत आर्थिक वर्षको मुनाफाबाट शेयरधनीहरुलाई वितरण गर्ने घोषणा गरेको लाभांश र एफपीओ निष्कासन गर्ने प्रस्ताव पारित गर्न पुस २४ गते, आँबुखैरेनी रेष्टुराँ एण्ड पार्टी प्यालेस, आँबुखैरेनी, तनहुँमा १३औं वार्षिक साधारण सभा बोलाएको छ । उक्त सभा बिहान १० बजे शुरु हुने बताइएको छ। सभाले हाल कायम चुक्ता पूँजीको २५ दशमलव २८ प्रतिशत बोनस शेयर वितरण गर्ने, सजिलो लघुवित्त र समीट लघुवित्त एक आपसमा मर्जर र बोनस शेयर जारी गरेपश्चात संस्थापक र सर्वसाधारण शेयर पूँजीको अनुपातमा मिलान गर्दा नपुग भएको सर्वसाधारण तर्फको ७ लाख ५१ हजार ७१२ कित्ता साधारण शेयर प्रिमियममा एफपीओ जारी गर्ने, सो सम्बन्धी सम्पूर्ण कार्य गर्न सञ्चालक समितिलाई अख्तियारी दिने, अन्य लघुवित्त वित्तीय संस्थासँँग मर्जर तथा एक्विजिशन गर्न सञ्चालक समितिलाई अख्तियारी दिने लगायतका प्रस्तावहरु समेत पारित गर्नेछ ।

Aarthik Abhiyan मंसिर २०७८

३ ओटा लघुवित्त कम्पनी १६ लाख ७९ हजार कित्ता एफपीओ निष्कासन गर्ने तयारीमा

मंसिर ३, काठमाडौं । तीन ओटा लघुवित्त वित्तीय संस्था १६ लाख ७९ हजार २२४ कित्ता एफपीओ निष्कासन गर्ने तयारीमा रहेका छन् । नेपाल धितोपत्र बोर्डका अनुसार किसान लघुवित्त वित्तीय संस्था, नयाँ सारथी लघुवित्त वित्तीय संस्था र मिर्मिरे लघुवित्त वित्तीय संस्थाले उक्त एफपीओ निष्कासन गर्ने तयारीमा रहेका हुन । ती तीन ओटै कम्पनीले एफपीओ निष्कासन गर्नका लागि नियामक निकाय नेपाल धितोपत्र बोर्डमा निवेदन दिइसकेका छन् । धितोपत्र बोर्डबाट स्वीकृती पाएपछि मात्र ती कम्पनीहरुले एफपीओ निष्कासन गर्नेछन् । तीन ओटा कम्पनीहरु मध्ये सबैभन्दा बढी किसान लघुवित्तले प्रतिकित्ता रू. १२५ मा १२ लाख ९८ हजार २५९ कित्ता एफपीओ निष्कासन गर्ने छ । उक्त कम्पनीले एफपीओ निष्कासन गर्नका लागि गत असार २९ गते धितोपत्र बोर्डमा निवेदन दिइसकेको छ । एनआरएन लघुवित्त वित्तीय संस्थाले दिब्य लघुवित्त वित्तीय संस्था, किसान माइक्रोफाइनान्स लघुवित्त वित्तीय संस्थालाई गाभेपश्चात एनआरएन लघुवित्त वित्तीय संस्थाको नामबाट एकीकृत कारोबार शुरु भएको थियो । पछि कम्पनीले नेपाल राष्ट्र बैंकको निर्देशन अनुसार नाम परिवर्तन गरी किसान लघुवित्त वित्तीय संस्थाबाट कारोबार गर्दै आएको छ । त्यसैगरी नयाँ सारथी लघुवित्त वित्तीय संस्थाले प्रतिकित्ता रू. ११६ मा ३ लाख २९ हजार ६४९ कित्ता एफपीओ निष्कासन गर्नका लागि गत भदौ ९ गते धितोपत्र बोर्डमा निवेदन दिएको छ । नयाँ नेपाल लघुवित्त वित्तीय संस्था र सारथी लघुवित्त वित्तीय संस्था बीच एक आपसमा गाभिएसँगै बनेको नयाँ सारथी लघुवित्त वित्तीय संस्थाले एफपीओ निष्कासन गर्न लागेको हो । विक्री प्रबन्धकमा एनएमबि क्यापिटल लिमिटेड रहेको छ । त्यसैगरी मिर्मिरे लघुवित्तले प्रतिकित्ता रू. १७७ दशमलव ८ मा ५१ हजार ३१६ कित्ता एफपीओ निष्कासन गर्नका लागि गत कात्तिक २३ गते धितोपत्र बोर्डमा निवेदन दिएको छ । शेयर निष्कासन तथा विक्री प्रबन्धकमा नेपाल एसबिआई मर्चेण्ट बैंकिङ लिमिटेड रहेको छ । उक्त एफपीओ निष्कासन गर्नका लागि कम्पनीले इक्रा नेपालमा रेटिङ गराइसकेको छ । इक्रा नेपालले कम्पनीले निष्कासन गर्न लागेको एफपीओलाई इक्रा एनपी इस्यूआर बीबी रेटिङ प्रदान गरेको छ । यस्तो रेटिङले दायित्व बहन गर्ने क्षमतामा मध्यम जोखिम रहेको देखाँउछ । कम्पनीले नागबेली लघुवित्त वित्तीय संस्था र स्वेडा लघुवित्त वित्तीय संस्थालाई प्राप्ति गरिसकेको छ । स्वेडा लघुवित्त वित्तीय संस्था दोस्रो बजारमा सूचीकृत कम्पनी भने होइन । सूचीकृत कम्पनीले सूचीकृत नभएको कम्पनीलाई प्राप्ति गरेपश्चात शेयर संरचना मिलाउनका लागि एफपीओ निष्कासन गर्नु पर्ने कानूनी प्रावधान भएकाले ती तीन ओटा कम्पनीले एफपीओ निष्कासन गर्न लागेका हुन् ।

Aarthik Abhiyan कार्तिक २०७८

२४ लाख ६७ हजार कित्ता आईपीओ ल्याउने तयारीमा ४ ओटा लघुवित्त कम्पनी

भदौ ५, काठमाडौं । चार ओटा लघुवित्त कम्पनीले कुल २४ लाख ६७ हजार बराबरको आईपीओ निष्कासन गर्ने तयारी गरिरहेका छन् । राष्ट्र उत्थान लघुवित्त वित्तीय संस्था, नेष्डो समृद्ध लघुवित्त वित्तीय संस्था,जाल्पा लघुवित्त वित्तीय संस्था र उपकार लघुवित्त वित्तीय संस्थाले आईपीओ निष्कासन गर्नका लागि नियामक निकाय नेपाल धितोपत्र बोर्डमा निवेदन दिइसकेका छन् । ती चार ओटा कम्पनीमध्ये सबैभन्दा बढी राष्ट्र उत्थान लघुवित्त वित्तीय संस्थाले ८ लाख ५० हजार कित्ता आईपीओ निष्कासन गर्नेछ । उक्त कम्पनीले आईपीओ निष्कासनको अनुमति पाउन गत असार २४ गते धितोपत्र बोर्डमा निवेदन दिएको हो । कम्पनीको विक्री प्रबन्धकमा एनआइबिएल एस क्यापिटल लिमिटेड रहेको छ । कम्पनीले आईपीओ निष्कासन गर्नका लागि इक्रा नेपालमा रेटिङ पनि गराइसकेको छ । उक्त आईपीओलाई इक्रा नेपालले इक्रा आईआर बीबी रेटिङ प्रदान गरको छ । यस्तो रेटिङले कम्पनीले समयमा नै दायित्व पुरा गर्ने सम्बन्धमा मध्यम जोखिम रहेको देखाउँछ । कम्पनीको नाफा अघिल्लो आवको चौथो त्रैमासको तुलनामा गत आवको सोही अवधिमा १९९ प्रतिशतले वृद्धि भएको छ । कम्पनीले गत आवमा रू. १ करोड ६५ लाख खुद नाफा आर्जन गरेकोमा गत आवमा वृद्धि भएर रू. ४ करोड ९५ लाख ६९ हजार पुगेको हो । खुद ब्याज आम्दानीमा वृद्धि,सञ्चालन नाफामा वृद्धि र रू. १६ लाख २२ हजार खराब कर्जा उठाएकाले गत आवमा कम्पनीको नाफा बढ्न टेवा पुगेको हो । त्यसैगरी नेष्डो समृद्ध लघुवित्त वित्तीय संस्थाले ८ लाख २८ हजार ७५० कित्ता आईपीओ निष्कासन गर्नका धितोपत्र बोर्डमा गत असार ६ गते निवेदन दिएको छ । विक्री प्रबन्धकमा ग्लोबल आइएमई क्यापिटल लिमिटेड रहेको छ । कम्पनीको खुद नाफा गत आवमा ६६ प्रतिशतले वृद्धि भएको छ । कम्पनीले अघिल्लो आवमा रू. ९ करोड ७८ लाख ८७ हजार खुद नाफा आर्जन गरेकोमा गत आवमा वृद्धि भएर रू. १६ करोड ३३ लाख ८ हजार पुगेको हो । गत आवमा खुद ब्याज आम्दानी र सञ्चालन नाफा वृद्धि भएकाले कम्पनीको नाफामा वृद्धि भएको हो । अघिल्लो आवको तुलनामा गत आवमा खुद ब्याज आम्दानी १ दशमलव ४६ प्रतिशत र सञ्चालन नाफा ७१ प्रतिशतले वृद्धि भएको छ । त्यसैगरी जाल्पा सामुदायिक लघुवित्त वित्तीय संस्थाले ५ लाख २२ हजार कित्ता आइपीओ निष्कासन गर्नका लागि गत असार २० गते निवेदन दिएको छ । विक्री प्रबन्धकमा प्रभु क्यापिटल लिमिटेड रहेको छ । कम्पनीले निष्कासन गर्ने आईपीओलाई इक्रा नेपालले इक्रा एनपीआइआर बिबि रेटिङ प्रदान गरेको छ । यस्तो रेटिङले जोखिम मध्यम रहेको देखाउँछ । उक्त कम्पनीले ५ लाख २२ हजार कित्ता आईपीओ निष्कासन गर्नका लागि रेटिङ गराएको हो । त्यसैगरी उपकार लघुवित्त वित्तीय संस्थाले २ लाख ६६ हजार २५० कित्ता आईपीओ निष्कासन गर्न गत साउन १३ गते धितोपत्र बोर्डमा निवेदन दिइसकेको छ । विक्री प्रबन्धकमा नेपाल एसबिआई मर्चेण्ट बैंकिङ लिमिटेड रहेको छ । उक्त कम्पनीको नाफा पनि अघिल्लो आवको चौथो त्रैमासको तुलनामा गत आवमा सोही अवधिमा उल्लेख्य मात्रामा वृद्धि भएको छ । अघिल्लो आवमा रू. ४७ लाख ९० हजार खुद नाफा आर्जन गरेको उक्त कम्पनीको नाफा गत आवमा वृद्धि भएर रू. ६ करोड १३ लाख २६ हजार पुगेको छ । गत अवमा कम्पनीको खराब कर्जा संकलनमा वृद्धि भएसँगै नाफामा पनि वृद्धि भएको छ । सो अवधिमा रू. ४९ करोड ७५ लाख खराब कर्जा उठाउन कम्पनी व्यवस्थापन सफल भएको छ । उपकार लघुवित्त र नेष्डो समृद्ध लघुवित्तले रेटिङ गराएका भने छैनन् । ती चारवटै कम्पनीले नियामक निकाय नेपाल धितोपत्र बोर्डबाट स्वीकृती पाएपछि मात्र आईपीओ निष्कासन गर्नेछन् । स्रोत : सेबोन र कम्पनीद्वारा प्रकाशित चौथो त्रैमासिक वित्तीय विवरणमा आधारित

Aarthik Abhiyan श्रावण २०७८

क्रस होल्डिङ भएका लघुवित्त कम्पनी एक वर्षभित्रै मर्ज हुनुपर्ने

२९ साउन, काठमाडौं । वाणिज्य बैंक, विकास बैंक र वित्त कम्पनीहरुको दोहोरो लगानी (क्रस होल्डिङ) भएका लघुवित्त वित्तीय संस्थाहरु २०७९ असार मसान्तभित्र एक आपसमा गाभ्नु वा गाभिनु पर्ने भएको छ । नेपाल राष्ट्र बैंकका गभर्नर महाप्रसाद अधिकारीले शुक्रबार मौद्रिक नीति जारी गर्दै यस्ता लघुवित्तहरुलाई एक वर्षभित्रै मर्जरमा जाने व्यवस्था गरिने जानकारी दिए । यसैगरी थोक […]

अनलाइनखबर आषाढ २०७८

नेपाल सेवा लघुवित्तको साधारण सभा आज हुँदै

काठमाडौं, २४ जेठ । नेपाल सेवा लघुवित्त कम्पनी लिमिटेडको आज साधारणसभा हुँदैछ । लघुवित्तको सभा श्री इन्द्रावती सामुदायिक सेवा केन्द्र, फटकशीला, सिन्धुपाल्चोकमा हुने भएको हो। सभाले कम्पनीको प्रबन्धपत्र र नियमावलीमा संशोधन गर्ने, कुनै संस्थासँग गाभ्ने सम्बन्धमा त्यसको सम्पूर्ण अख्तियारी संचालक समितिलाई दिने प्रस्ताव पनि गर्ने भएको छ । आर्थिक वर्ष २०७६ र ७७ को वासलात, […]

Reporters Nepal बैशाख २०७८

तीन ओटा लघुवित्त कम्पनी २७ लाख ६० हजार कित्ता आईपीओ निष्कासन गर्ने तयारीमा

जेठ १८, काठमाडौं । तीन ओटा लघुवित्त वित्तीय संस्थाले २७ लाख ६० हजार ५० कित्ता आईपीओ निष्कासन गर्ने तयारी गरेका छन् । जीवन विकास लघुवित्त, मानुषी लघुवित्त वित्तीय संस्था र मनकामना स्मार्ट लघुवित्त वित्तीय संस्थाले आईपीओ निष्कासन गर्ने तयारी गरेका हुन् । ती तीन ओटै कम्पनीले नियामक निकाय नेपाल धितोपत्र बोर्डमा निवेदन दिइसकेका छन् । ती कम्पनीमध्ये जीवन विकास लघुवित्त वित्तीय संस्थाले सबैभन्दा बढी अर्थात् १९ लाख ७७ हजार ३०० कित्ता आईपीओ निष्कासन गर्नका लागि धितोपत्र बोर्डमा निवेदन दिएको हो ।कम्पनीले आईपीओ निष्कासन गर्नका लागि गत फागुन १७ गते धितोपत्र बोर्डमा निवेदन दिएको थियो । विक्री प्रबन्धकमा एनएमबि क्यापिटल लिमिटेड रहेको छ । त्यसैगरी मानुषी लघुवित्त वित्तीय संस्थाले ३ लाख ९३ हजार कित्ता आईपीओ निष्कासन गर्नका लागि गत गत चैत १६ गते धितोपत्र बोर्डमा निवेदन दिएको हो । विक्री प्रबन्धकमा नेपाल एसबिआई मर्चेण्ट बैकिङ लिमिटेड रहेको छ । त्यस्तै मनकामना स्मार्ट लघुवित्त वित्तीय संस्थाले ३ लाख ८९हजार कित्ता आईपीओ निष्कासन गर्ने तयारी गरिरहेको छ । कम्पनीले आईपीओ निष्कासन गर्नका लागि गत फागुन १४ गते धितोपत्र बोर्डमा निवेदन दिएको थियो । विक्री प्रबन्धकमा भने एनएमबि क्यापिटल लिमिटेड रहेको छ । ती तीन ओटै कम्पनीले चालू आवको तेस्रो त्रैमासिक वित्तीय विवरणसमेत सार्वजनिक गरिसकेका छन् । वित्तीय विवरणमा उल्लेख भएअनुसार सो अवधिमा ती तीन ओटै कम्पनीले आकर्षक नाफा कमाएका छन् । सबैभन्दा बढी जीवन विकास लघुवित्त वित्तीय संस्थाले रू. ५६ करोड ३९ लाख ३९ हजार नाफा कमाएको छ । कम्पनीको नाफा गत आवको तुलनामा नाफा चालू आवमा १०६ प्रतिशतले वृद्धि भएको छ । त्यस्तै मनकामना स्मार्ट लघुवित्त वित्तीय संस्थाको नाफा गत आवको तुलनामा चालू आवमा २५० प्रतिशतले वृद्धि भएको छ । गत आवको तेस्रो त्रैमासमा रू. ९५ लाख ६ हजार नाफा कमाएको उक्त कम्पनीले चालू आवमा वृद्धि गरेर रू. ३ करोड ३२ लाख ८३ हजार नाफा कमाएको छ । त्यसैगरी मानुुषी लघुवित्त वित्तीय संस्थाले चालू आवको तेस्रो त्रैमाससम्ममा रू. १ करोड १९ लाख ६४ हजार नाफा कमाएको छ । गत आवको तुलनामा उक्त कम्पनीको नाफा १२६ प्रतिशतले वृद्धि भएको हो । कम्पनीले गत आवमा रू. ५२ लाख ७९ हजार नाफा कमाएको थियो । तीन ओटै कम्पनीको खुद ब्याज आम्दानी सञ्चालन नाफा र खराब कर्जा संकलनमा वृद्धि भएसँगै नाफा बढेको हो । स्रोत : नेपाल धितोपत्र बोर्ड

Aarthik Abhiyan बैशाख २०७८