हिंसाले हिंसा नै जन्माउँछ । मानिसले स्वादको बसमा परेर भगवानलाई खुसी पार्ने बहानामा सयौं निर्दोष पशुको बलि चढाउँछ र पशुभन्दा आफू बलवान् भएको उदाहरण प्रस्तुत गर्छ । हत्या प्रायः अबोधको नै हुन्छ । अलिकति बलवान् र हिंस्रक जनावर रहेछ भने त्यसको हत्या गर्न हिच्किचाउँछ । निर्धोलाई बाँच्ने अधिकारबाट वञ्चित गराउँछ । यस प्रवृत्तिले समाजमा नकारात्मक सञ्चार फैलिँदै जान्छ, काटमार सामान्य बन्दै जान्छ।
