नयाँ आर्थिक वर्ष सुरु भएसँगै बैंक वित्तीय संस्थाले अन्तर बैंक एटीएम कारोबारमा शुल्क लिने भएका छन् । कोरोना भाइरसका कारण लकडाउन भएको समयमा बैंक तथा वित्तीय संस्थाहरुले ग्राहकको सहजताका लागि निःशुल्क एटीएम तथा विद्युतीय कारोबार गरेका थिए ।
असारको पहिलो सातादेखि लकडाउन खुकुलो भएसँगै बैंक तथा वित्तीय संस्थाका शाखा खुल्न थालेको र सर्वसाधारणको आवतजावत पनि बढ्दै गएकाले खाता भएकै संस्था भन्दा अन्य वित्तीय संस्थाका एटीएम प्रयोग गर्दा लाग्ने शुल्क पुनः बिहीबारदेखि सुरु गर्ने भएको हो । त्यसका साथै कनेक्ट आइपीएसमार्फत कारोबार गर्दा समेत शुल्क लाग्ने भएको छ ।
