साउन २७, काठमाडौं । ग्लोबल आइएमई बैंकले पाँच वर्षभन्दा पुरानो लाभांश लिन अनुरोध गरेको छ ।
कम्पनीले आव २०७०/ ७१ सम्मको नगद लाभांश हालसम्म पनि कतिपय शेयरधनीले नलिएकोले लिन भनेको हो । कम्पनीले सूचना प्रकाशित भएको मितिले एक महीनाभित्र आफ्नो बक्यौता नगद लाभांश बुझि लिन शेयरधनीलाई भनेको हो ।
कम्पनीले सो अवधिमाभित्र नलिएमा सो लाभांश रकम कम्पनी ऐन अन्तर्गत लगानीकर्ता संरक्षण कोषमा जाने पनि बताएको छ ।
कम्पनीले एक महीनाभित्रमा शेयर रजिष्ट्रार ग्लोबल आइएमई क्यापिटल नक्सालमा सम्पर्क राखी नगद लाभांश लिन भनेको छ । कम्पनीले लाभांश रकम लिन बाँकी रहेका शेयरधनीहरुको विवरण ग्लोबल आइएमई बैंक तथा शेयर रजिष्ट्रारको वेबसाइटमा राखेको बताएको छ ।
