असार २, काठमाडौं । साताको चौथो कारोबार दिन बुधवार नेप्से परिसूचक १ दशमलव ७३ प्रतिशत घटेर बन्द भएको छ ।
यो दिन अघिल्लो कारोबार दिनको तुलनामा ५२ दशमलव ४१ अंकले नेप्से परिसूचक घटेर २ हजार ९६९ दशमलव ६९ विन्दुमा झरेको हो । २ हजार ९८९ दशमलव ५५ विन्दुदेखि खुलेको बुधवारको बजार २ हजार ९४३ दशमलव ९४ विन्दुसम्म झरेको थियो ।
मंगलवार नेपाल धितोपत्र बोर्डले ५१ ओटा कम्पनीहरुमा गरिएको लगानी जोखियुक्त भन्दै प्रेस विज्ञप्ति जारी गरेसँगै बुधवार आत्तिएर शेयर विक्री गर्नेहरु सक्रिय हुँदा बजारमा नकारात्मक असर परेको नेपाल इन्भेष्टर्स फोरममा अध्यक्ष छोटेलाल रौनियारले जानकारी दिए ।
नियामकको नियमन परिधिभन्दा बाहिर गएर धितोपत्र बोर्डले कम्पनीको नामनै तोकेर जोखिमयुक्त बताएपछि लगानीकर्तामा नकारात्मक सूचना प्रवाह भएको उनको भनाइ छ ।
बोर्डले लगानीकर्ताहरुलाई जोखिम बहन गर्ने क्षमतालाई ध्यानमा राखी लगानी गर्न सुसूचित गरेपनि तरिका गलत भएको रौनियारको भनाइ छ । विगत डेढ वर्षदेखिको बजारको अवस्थालाई अहिले आएर बोर्डकै कमजोरीका कारण असर पर्न थालेको पनि उनले बताए ।
बुधवारको बजारमा कारोबार रकमको उच्चता कायमै रहेकाले सोझासिधा लगानीकर्ताले शेयर बेचेको र बाठाले उठाएको अनुमानसमेत उनले गरेका छन् ।
बुधवार रू. १५ अर्ब ४८ करोड ४४ लाख ७९ हजार बराबरको शेयर कारोबार भएको छ । २१९ ओटा कम्पनीको १ लाख ६७ हजार ९३८ पटकको व्यापारमा उक्त रकम बराबरको २ करोड ८२ लाख ८९ हजार १२८ कित्ता शेयर कारोबार भएको हो ।
कुल कारोबारमा सर्वाधिक हिस्सा यो दिन पनि नेपाल पुनर्बीमा कम्पनीले ओगटेको छ । मंगलवारदेखिनै उक्त कम्पनीले सर्वाधिक कारोबार रकमको हिस्सा ओगट्दै आएको छ । पहिलो नम्बरमा नेपाल पुनर्बीमा कम्पनीको कारोबार भएको छ भने दोस्रोमा हिमालयन डिष्टिलरीको सर्वाधिक रकमको शेयर कारोबार भएको छ ।
नेपाल पुनर्बीमाको रू. ६० करोड ९० लाख १२ हजार बराबरको र हिमालयन डिष्टिलरीको रू. ५५ करोड ५७ लाख ५३ हजार बराबरको शेयर कारोबार भएको हो । सर्वाधिक रकमको कारोबार गर्ने यी दुबै कम्पनीको शेयरमूल्य भने यो दिन घटेको छ ।
नेपाल पुनर्बीमाको ३ दशमलव ७३ प्रतिशत अर्थात् रू. ७२ ले घटेर अन्तिम मूल्य रू. १ हजार ८५८ र हिमालयन डिष्टिलरीको ६ दशमलव शून्य ८ प्रतिशत अर्थात् प्रतिकित्ता रू. ३४९ ले घटेर अन्तिम मूल्य रू. ५ हजार ३८९ कायम भएको छ ।
बुधवार लघुवित्त समूहको परिसूचक २ दशमलव ६३ प्रतिशतले बढेको छ भने बाँकी समूहको घटेको छ । यो दिन वित्त समूहको परिसूचक सर्वाधिक ६ दशमलव ८ प्रतिशतले घटेको छ ।
त्यस्तै होटल्स तथा पर्यटन समूहको ५ दशमलव १४ प्रतिशत, बैंकिङ्गको शून्य दशमलव ४७ प्रतिशत, व्यापारिकको २ दशमलव ५४ प्रतिशत, विकास बैंकको ४ दशमलव शून्य ४ प्रतिशतले परिसूचक घटेको छ ।
त्यसैगरी जलविद्युतको ४ दशमलव ७५ प्रतिशत, निर्जीवन बीमाको २ दशमलव ६ प्रतिशत, उत्पादन तथा प्रशोधनको ३ दशमलव १७ प्रतिशत, अन्यको २ दशमलव ९८ प्रतिशत, जीवन बीमाको २ दशमलव १८ प्रतिशत, म्युचुअल फण्डको शून्य दशमलव १८ प्रतिशत र लगानी समूहको २ दशमलव ५४ प्रतिशतले परिसूचक घटेको छ ।
दोहोरो उच्च अंकले घटेको बुधवारको बजारमा सीईडीबी हाइड्रोपावर डेभलपमेण्ट कम्पनीको शेयरमूल्य भने ९ दशमलव ९० प्रतिशत बढेको छ । यस दिन उक्त कम्पनीको शेयरमूल्य प्रतिकित्ता रू. ६६ ले बढेर अन्तिम मूल्य रू. ७३३ कायम भएको हो ।
यो दिन सर्वाधिक मूल्य वृद्धि हुने पाँच ओटा कम्पनीभित्र सीईडीबी हाइड्रोपावरसँगै फष्र्ट माइक्रोफाइनान्स, युनियन हाइड्रोपावर, आरएसडिसी लघुवित्त र सामुदायिक लघुवित्त रहेका छन् ।
यो दिन फर्स्ट माइक्रोफाइनान्सको ७ दशमलव २० प्रतिशत, युनियन हाइड्रोको ६ दशमलव ४४ प्रतिशत, आरएसडिसी लघुवित्तको ५ दशमलव ६२ प्रतिशत र सामुदायिक लघुवित्तको ५ दशमलव २३ प्रतिशत शेयरमूल्य बढेको छ ।यस दिन करीब डेड दर्जन कम्पनीको शेयरमूल्यमा नकारात्मक सर्किट लागेको छ ।
यो दिन जोशी हाइड्रोपावरको ९ दशमलव ९४ प्रतिशत, गोर्खाज फाइनान्सको ९ दशमलव ९२ प्रतिशत, नेशनल हाइड्रोपावरको ९ दशमलव ९१ प्रतिशत, छ्याङ्दी हाइड्रोपावरको ९ दशमलव ८८ प्रतिशत, आँखुखोला जलविद्युतको ९ दशमलव ८५ प्रतिशत, बेष्ट फाइनान्सको ९ दशमलव ७८ प्रतिशत, पञ्चकन्यामाई हाइड्रोको ९ दशमलव ७६ प्रतिशत, घलेम्दी हाइड्रोको ९ दशमलव ७५ प्रतिशत, दिव्यश्वरी हाइड्रोको ९ दशमलव ७२ प्रतिशत, मल्टिपर्पस फिनान्सको ९ दशमलव ७२ प्रतिशत, नेपाल फाइनान्सको ९ दशमलव ७० प्रतिशतले घटेको छ ।
त्यसैगरी पोखरा फाइनान्सको ९ दशमलव ५८ प्रतिशत, प्रोग्रेसिभ फाइनान्सको ९ दशमलव ५२ प्रतिशत, समृद्धि फाइनान्सको ९ दशमलव ४१ प्रतिशत, पाँचथर पावरको ९ दशमलव २९ प्रतिशत, हिमालयन पावर पार्टनरको ९ दशमलव ११ प्रतिशत र सोल्टी होटल लिमिटेडको शेयरमूल्य ९ प्रतिशतले घटेको हो ।
धितोपत्र बोर्डले मंगलवार सार्वजनिक गरेको ५१ ओटा कम्पनीहरु भित्रकै कम्पनीहरुको शेयरमूल्यमा बुधवार नकारात्मक सर्किट लागेको हो ।
