विन नेपाल लघुवित्तसहित ५ ओटा कम्पनीको शेयरमूल्यमा उच्च गिरावट, कुन - कुन कम्पनीको मूल्य घट्यो ?

माघ २३,काठमाडौं । साताको पहिलो कारोबार दिन आइतवार नेप्से परिसूचक अघिल्लो कारोबार दिनको तुलनामा ४० दशमलव ५७ अंकले घटेको छ । यो दिन नेप्से परिसूचक २ हजार ८३६ दशमलव १७ विन्दुमा झरेको हो । यो दिन कारोबारमा आएका २२८ ओटा धितोपत्रमध्ये पाँच ओटा धितोपत्रको मूल्यमा उच्च गिरावट आएको छ । विन नेपाल लघुवित्त वित्तीय संस्था,नेपाल लाइफ इन्स्योरेन्स,बुद्धभुमि नेपाल हाइड्रोपावर,तेह्रथुम पावर कम्पनी र छ्याङ्दी हाइड्रोपावर कम्पनीको शेयरमूल्य उच्च दरले घटेको हो । ती पाँच ओटा कम्पनीमध्ये विन नेपाल लघुवित्तको शेयरमूल्यमा नकारात्मक सर्किट लागेको छ । कम्पनीको शेयरमूल्य अघिल्लो कारोबार दिनको तुलनामा आज १० प्रतिशत घटेसँगै नकारात्मक सर्किट लागेको हो । कम्पनीको शेयरमूल्य प्रतिकित्ता रू. १ हजार ७६३ मा झरेको छ । उक्त कम्पनीको शेयरमूल्य विगत १० दिनदेखि सकारात्मक सर्किट लाग्दै आएको थियो  । पुन : यो दिन बजार घटेसँगै उक्त कम्पनीको शेयरमा क्रेताभन्दा विक्रेता धेरै हुँदा शेयरमूल्य घटेको हो । त्यसैगरी नेपाल लाइफ इन्स्योरेन्सको शेयरमूल्य ७ दशमलव ६१ प्रतिशत घटेर रू. १ हजार ५०६ मा झरेको छ । त्यसैगरी बुद्धभुमि नेपाल हाइड्रोपावरको शेयरमूल्य ६ दशमलव ४५ प्रतिशत,तेह्रथुम पावरको ४ दशमलव ४१ प्रतिशत र छ्याङदी हाइड्रोपावरको शेयरमूल्य ४ दशमलव ३९ प्रतिशतका दरले घटेको हो ।  बुद्धभुमि नेपालको शेयरमूल्य प्रतिकित्ता रू.६९६,तेह्रथुम पावरको रू.६०७ र छ्याङदी हाइड्रोपावरको शेयरमूल्य रू.४९० दशमलव ५० कायम भएको छ । आइतवार समग्र बजार घटेसँगै ती कम्पनीहरुको शेयरमा पनि क्रेताभन्दा विक्रेता हावी भएकाले शेयरमूल्य घटेको हो ।