घाटामा नुन कारोबार गर्दै साल्ट ट्रेडिङ

काठमाडौं । साल्ट ट्रेडिङ  कर्पोरेशन लिमिटेडका प्रमुख कार्यकारी अधिकृत (सीईओ) उर्मिला श्रेष्ठले कम्पनीले घाटा सहेर नुनको कारोबार गरिरहेको बताएकी छन् । आर्थिक अभियानसँगको कुराकानीमा उनले भनिन्, ‘नुनको कारोबारमा धेरै घाटा छ । दुर्गममा त झन् बढी घाटा छ ।’ नुनको घाटा कम्पनीले अन्य व्यवसायबाट परिपूर्ति गर्ने गरेको श्रेष्ठको भनाइ छ । साल्ट ट्रेडिङ नेपालमा सबैभन्दा पहिले खुलेको पब्लिक कम्पनी हो । देशभर आयोडिनयुक्त नुनको आपूर्ति साल्ट टे«डिङमार्पmत भइरहेको छ । अहिले ६ महीनालाई पुग्ने नुन मौज्दात रहेको पनि श्रेष्ठले बताइन् । साल्ट ट्रेडिङले अनुदान र गैरअनुदानको मल पनि आयात गर्छ । नेपालमा वार्षिक ५ लाख मेट्रिक टन मल आवश्यक पर्छ । अहिले ६०/७० हजार मेट्रिक टन मात्रै मौग्दात छ । तर, सीईओ श्रेष्ठले सबै किसानले मल पाउने भन्दै ढुक्क हुन आग्रह गरिन् । सीईओ श्रेष्ठका अनुसार सरकारले विभिन्न जिल्लामा मलको कोटा छुट्ट्याएको हुन्छ । त्यही अनुसार कर्पोरेशनले मल पुर्‍याउँछ । उनी भन्छिन्, ‘मलका लागि सहज र सरल नाका भनेको वीरगञ्ज हो । कोलकाताबाट यहाँ मल आयात हुन्छ । भारतले पहिला कोलकाताबाट मात्रै मल आयात गर्ने अनुमति दिएकोमा अहिले विशाखापत्तनम्बाट पनि अनुमति दिएको छ । त्यहाँबाट पनि आयात थाल्नुपर्छ ।’  मल वितरणको समानुपातिक प्रणालीले समस्या सृजना गरेको गुनासो पनि उनले गर्न भ्याइन् । सबै ठाउँमा मल पठाउनुपर्दा अनावश्यक ठाउँमा पनि जाने गरेकोले अतिआवश्यक ठाउँमा कम हुने स्थिति रहेको श्रेष्ठको दाबी छ । अग्र्यानिक खेतीमा जानुपर्ने भन्दै उनले थपिन्, ‘अग्र्यानिक खेतीको लागि नेपालमा अध्ययन पुगेको छैन । हामीले अहिले अग्र्यानिक रासायनिक मिश्रित खेती गर्ने सोच लिएर काम गरिरहेका छौं ।’  साल्ट ट्रेडिङले चामल, दाल, तेलको व्यवसाय पनि गरिरहेको छ । गहुँ व्यापार र करार खेती पनि कम्पनीमार्फत भइरहेको छ । आपूmहरूले उखु किसानका मुद्दा पनि उठाइरहेको बताउँदै श्रेष्ठले भनिन्, ‘उखु किसानको मुद्दामा हामीले मन्त्री र सचिवसँग आवाज उठायौं । अहिले चिनी मिलको त्यस्तो समस्या छैन । अहिले किसानको पैसा नतिरेको भनेको केही मिलले मात्रै हो ।’ साल्ट ट्रेडिङमा सबै गरी लगभग हजार कर्मचारी छन् । प्याकिङका काममा ९० प्रतिशतजति महिला छन् । नेपाल चेम्बर अफ कमर्सका उपाध्यक्ष एवं महिला चेम्बरको अध्यक्ष समेत रहेकी श्रेष्ठले चेम्बरमार्पmत मुख्य रूपमा महिलाका लागि बंैकिङ, फाइनान्स र करसम्बन्धी शिक्षा दिइरहेको बताइन् ।