.jpg)
फागुन २६, काठमाडौं। साल्ट ट्रेडिङ कर्पोरेसन लिमिटेडले नुन मौज्दात प्रशस्त रहेको जनाएको छ । रुस–युक्रेन युद्धको बहानामा आपूर्तिमा समस्या आउनसक्ने भन्दै अधिकांश वस्तुको मूल्य बढेको बेला साल्ट ट्रेडिङ कर्पोरेसनले नुनको मौज्दात प्रशस्त रहेको जानकारी गराएको हो।
अत्यावश्यक वस्तुको आपूर्तिमा समस्या आएको भन्दै बिभिन्न खाद्यान्न सामाग्री हरुमा चर्को मूल्य बृद्धी भएको बेला नुनको मुल्य पनि बढ्न सक्ने उपभोक्तामा त्रास थियो ।
साल्ट ट्रेडिङका प्रवक्ता कुमार राजभण्डारीले नुनको मौज्दात करिब डेढ लाख टन रहेको जानकारी गराए ।
‘हामीसँग मौज्दात रहेको, आयात भइरहेको सहित करिब डेढ लाख टन नुन मौज्दात छ’ प्रवक्ता राजभण्डारीले भने, ‘उक्त नुनले हामीलाई ८ महिनाका लागि उपभोग गर्न पुग्छ।’
‘हामीसँग मौज्दात रहेको, आयात भइरहेकोसहीत करीब डेढ लाख टन नुन मौज्दात छ’ प्रवक्ता राजभण्डारीले भने, ‘‘उक्त नुनले हामीलाई ८ महिनाका लागि उपभोग गर्न पुग्छ।’
पछिल्लो समय रुस–युक्रेन युद्धको असर भन्दै नेपाली बजारमा अन्य अत्यावश्यक वस्तुको कृत्रिम अभावसहीत अत्यधिक मूल्य वृद्धि भएको छ । रुस–युक्रेन युद्धका कारण अन्तरराष्ट्रिय बजारमा कच्चा तेलको मूल्य बढ्दा नेपाली बजारमा पनि इन्धनको मूल्य बढाइएको छ।
साथै अन्य खाद्यान्नको मूल्य समेत व्यवसायीले आँफूखुसी बढाएका छन् । तर, साल्ट ट्रेडिङ लिमिटेडले नुनको आपूर्तिमा त्यस्तो कुनैपनि किसिमको प्रभाव नदेखिने बताएको छ । नुनको आयातमा भारतसँगको मात्रै सरोकार भएकाले तत्काल नुन आपूर्तिमा कुनैपनि समस्या नआउने साल्ट ट्रेडिङले बताएको हो ।
