विश्वव्यापी रूपमा नै आधुनिक पर्यटनको विकासक्रम हेर्दा पर्यटक संख्या, वैदेशिक मुद्रा आर्जन, रोजगारी सिर्जना, आय वृद्धि एवं गन्तव्य र गतिविधिका हिसाबले सधैं वृद्धि भइरहेका धेरै कम उद्योगमध्येको यो एक हो । नेपालको प्राकृतिक विशिष्टता, सांस्कृतिक वैभवता, गौरवपूर्ण ऐतिहासिकता, रूपान्तरणयोग्य आध्यात्मिकता, भू–बनोटीय सुन्दरता र रणनीतिक भौगोलिक अवस्थितिले गर्दा पर्यटनबाट समृद्धि हासिल गर्न सक्ने प्रचुर सम्भावना छ ।
