नवनियुक्त अर्थमन्त्री जनार्दन शर्माले बजेट कार्यान्वयनमा रहेको समस्या समाधान गर्न सचिवहरूलाई गृहकार्य दिएका छन् । सोमबार विभिन्न मन्त्रालयका सचिवसँग भेटघाट गर्दै अर्थमन्त्री शर्माले विकास बजेट खर्च हुन नसक्नुका कारण सोध्दै समस्या समाधानका उपायहरू पहिल्याउन गृहकार्य दिएका हुन् ।
मन्त्रालय स्रोतका अनुसार अर्थमन्त्रीले पुँजीगत खर्च कम हुनुको कारण र त्यसको समाधान खोज्न सम्बन्धित मन्त्रालयका सचिवहरूलाई निर्देशन दिएका छन् । चालू आर्थिक वर्षमा पुँजीगत खर्च शतप्रतिशत नै हुनुपर्ने भन्दै अर्थमन्त्रीले बहाना नचल्ने पनि बताए ।
विकास खर्च धेरै भएका भौ...
