आगामी जनवरी १ अर्थात् पौष १७ गतेबाट
पोखरा क्षेत्रीय अन्तर्राष्ट्रिय विमानस्थल सञ्चालनमा ल्याउने दाबी नागरिक उड्डयन
प्राधिकरणको छ । प्राधिकरणले जहाज उडान र अवतरणमा कुनै वाधा नआओस् भनेर नजिकैको
रिठ्ठेपानी डाँडाको १४ मिटर उचाइ काट्ने प्रक्रिया सुरु गरिसकेको छ ।यद्यपी, यसमा मिलेमतो देखिएको दाबीसहित बिजपाटी डटकमले निरन्तर फलोअप गरिरहेको
छ । विमानस्थलको ९८ प्रतिशत जति निर्माण सकिएपछि उक्त डाँडा कटान गर्नुपर्ने बहस
एकाएक कसरी सुरु गरियो भन्ने प्रश्न पनि अनुत्तरित नै छ ।तथापि, प्राधिकरणले मन्त्रिपरिषदबाट निर्णय गराएर विमानस्थल बनाइरहेको
चिनियाँ कम्पनीलाई नै डाँडा कटानको काम दिने प्रयास गरेपनि चौतर्फी दबाबपछि रोकिएको
ठेक्का केही दिनअघि मात्र आह्वान गरेको छ ।आन्तरिक विमानस्थलको ११ सय ५६ रोपनी
जग्गामा माफियाका नजरविमानस्थल पुसबाट अपरेशनमा आउने
भनिएता पनि त्यसको सुरसार अहिलेसम्म देखिएको छैन । तर छिटै नै विमानस्थल सञ्चालनमा
आउने दाबी सरकारी अधिकारीहरूले गरिरहेका छन् । विमानस्थल सञ्चालनमा आएपछि अहिले
पोखराको केन्द्र भागमा रहेको आन्तरिक विमानस्थल बन्द हुन्छ । किनकी, आन्तरिक र अन्तर्राष्ट्रिय सबै उडान नयाँ विमानस्थलबाटै
हुने बताइएको छ । ‘एउटै सीटीमा २ वटा विमानस्थल एकै
समयमा सञ्चालन हुने कुरा हुँदैन, यहाँबाट
अब अन्तर्राष्ट्रिय एयरपोर्टमै सबै कुरा सिफ्ट हुन्छ, तैपनि अहिले निर्णय भइसकेको छैन’ क्यान स्रोतले भन्यो ।आन्तरिक उडान पनि अन्तर्राष्ट्रिय
विमानस्थलबाटै हुने भएपछि पोखरा आन्तरिक एयरपोर्टको जग्गा के प्रयोजनमा लाग्ला
भन्ने चासो सुरु भएको छ । पोखरा आन्तरिक विमानस्थलले ओगटेको कुल क्षेत्रफल १ हजार
१ सय ५६ रोपनी छ । १४ सय ४७ मिटर लामो रनवे भएको यो विमानस्थल अब खालि हुने भएकाले
जग्गा के होला भन्ने चासो सुरु भएको हो । उक्त जग्गा खालि हुने भएपछि निजी
प्रयोजनका लागि केही स्वार्थ समूहले आँखा लगाउन थालेको पोखरेली जनताको गुनासो छ । व्यापार
गर्ने मनासयले उक्त जमिन हडप्ने दाउमा स्वार्थ समूह शक्ति केन्द्र धाउन थालिसकेका
छन् । डलर अर्बपति बिनोद चौधरीदेखि
पोखराबाटै उदाएको बतास समूहसम्मले उक्त जग्गामा आँखा लगाएको स्रोत बताउँछ । नेपाल
उद्योग वाणिज्य महासंघका वरिष्ठ उपाध्यक्ष चन्द्र ढकालले समेत सक्रियता देखाएको
हल्ला चलेको भएपनि यसमा उनले चासो नदेखाएको पोखराका व्यवसायीहरुको भनाइ छ । सँगै, काठमाडौँका प्रतिष्ठित कर्पोरेट हाउसका मालिक श्रेष्ठ दाजुभाइले पनि
भित्रैभित्रै चासो देखाइरहेको बताइन्छ ।‘अपार्टमेन्टवालाहरुले पनि लिन
खोज्या छन् भन्ने सुनिएको छ,’ हाउजिङ र अपार्टमेन्ट डेभलपर्सहरुप्रति लक्षित गर्दै
स्रोतले भन्यो, ‘यताका कसैले लिने आँट गर्दैनन्,
लिन खोज्ने बाहिरकै हुन् ।’सरकारले चुनावअगाडि यसबारे निर्णय
नगरी चुनावपछि अर्को सरकार आउने बेलामा खुसुक्क निर्णय गर्ने गरी बालुवाटारमा
यसबारे छलफल हुने गरेको स्रोतले बिजपाटीलाई बताएको छ ।‘नेपाली सेनालाई उसका हेलिकप्टरहरु
राख्न दिने गरी उसैलाई केही समय चलाउन दिने भनेर कुरा उठेका छन्, आर्मीले खोजेको पनि छ भन्ने सुनिन्छ’ स्रोत भन्छ,
‘तर आर्मीलाई दिँदा त आर्मीले कमिशन दिँदैन,
कमिशन कताबाट धेरै आउँछ उसैलाई यति वर्षका लागि
भनेर दिन सक्छन् । विस्तारै त्यत्रो विशाल खालि ठाउँ माफियाहरुले सेटिङ गरेर
बेचेरै सिध्याउँलान् भन्ने चिन्ता छ ।’के भन्छन् पोखरेली ?पोखरेली जनताहरु पनि उक्त जमिन
व्यवसायिक प्रयोजनका लागि निजी क्षेत्रलाई दिन नहुनेमा एकमत देखिएका छन् । पोखराबाटै व्यवसायिक करियर सुरु
गरेका नाडा अटोमोबाइल्स एसोसियसन अफ नेपालका अध्यक्ष ध्रुब थापा, पदयात्रा व्यवसायीहरुको संगठन ट्रेकिङ एजेन्सिज
एसोसियसन अप नेपाल (टान) पोखराका अध्यक्ष सुशिल पौडेल, टान पोखराका निवर्तमान अध्यक्ष हरि भुजेल लगायतले सरकारले कुनै
ब्यापारिक घरानालाई उक्त जमिन दिने निर्णय गरेपनि पोखरेली जनताले त्यो भूमीमा
ब्यापारिक गतिविधि हुन नदिने बताउँछन् । थापाले पोखराकै व्यवसायीले नभई
काठमाडौँ केन्द्रित कर्पोरेट हाउसहरुले नै यो जमिन खालि हुन्छ भन्ने थाहा पाएपछि
केही वर्ष अघिबाटै हडप्न शक्ति केन्द्र धाइरहेको सुन्नमा आएपनि त्यो सफल नहुने
बताएका छन् ।टान पोखराका अध्यक्ष पौडेलले उक्त
जग्गामा सर्वसधारण जनताले सहजै उपभोग गर्न पाउने र सक्ने गरी अन्तर्राष्ट्रिय
स्तरको सुन्दर पार्क बनाउनुपर्ने राय दिएका छन् ।
पर्यटन व्यवसायी नै रहेका टान
पोखराका निवर्तमान अध्यक्ष भुजेलले पनि व्यवसायिक गतिविधिका लागि नभई पार्क सहितको
अन्तर्राष्ट्रिय स्तरको कन्फ्रेन्स हल बनाउँदा उपर्युक्त हुने कुरा सुझाएका छन् ।
