Aarthik Abhiyan

बैशाख २०७९

चैत तुलनामा वैशाख महीनामा नबिल इक्वीटी फण्डको एनएभी घट्यो

जेठ १३, काठमाडौं । नबिल म्युचुअल फण्ड अन्तर्गत सञ्चालित नबिल इक्वीटी फण्डले वैशाख मसान्त सम्मको खुद सम्पत्ति मूल्य विवरण शुक्रवार सार्वजनिक गरेको छ । उक्त विवरण अनुसार फण्डको एनएभी चैत महीनाको तुलनामा वैशाख महीनामा घटेको छ । फण्डको एनएभी चैत मसान्तसम्ममा रू. १२ दशमलव २१ रहेकोमा वैशाख मसान्तमा रू. ११ दशमलव ८७ कायम भएको हो । त्यसैगरी फण्डको नोक्सानी पनि बढेको छ । चैत मसान्तसम्ममा फण्डले रू. २२ करोड १४ लाख नोक्सानीमा रहेकोमा वैशाख मसान्तसम्ममा बढेर रू. २६ करोड ३१ लाख पुगेको हो । वैशाख महीनामा फण्डको खर्चमा वृद्धि भएकाले र जम्मा आम्दानी ऋणात्मक रहेकाले नोक्सानी बढेको हो । चैत मसान्तसम्ममा फण्डको जम्मा खर्च रू. २ करोड ५२ लाख रहेकोमा वैशाख मसान्त सम्ममा बढेर रू. २ करोड ७५ लाख पुगेको छ । त्यसैगरी फण्डको जम्मा आम्दानी वैशाख मसान्त सम्ममा रू. २३ करोड ५६ लाख ऋणात्मक रहेको छ । त्यस्तै फण्डको सूचीकृत धितोपत्रमा लगानी पनि घटेको छ । चैत मसान्तसम्ममा फण्डले सूचीकृत धितोपत्रमा रू. १ अर्ब १६ करोड लगानी रहेकोमा वैशाख मसान्तसम्ममा रू. १ अर्ब ११ करोडमा झरेको हो ।

पूर्ण विवरण

सम्बन्धित सामग्री

फागुन महीनाको तुलनामा चैत महीनामा नबिल इक्वीटी फण्डको एनएभी घट्यो

वैशाख १४, काठमाडौं । नबिल इक्वीटी फण्डले चैत मसान्तसम्मको खुद सम्पत्ति मूल्य विवरण बुधवार सार्वजनिक गरेको छ । उक्त वित्तीय विवरण अनुसार फण्डको एनएभी फागुन महीनाको तुलनामा चैत महीनामा घटेको छ । फागुन मसान्तसम्ममा फण्डको एनएभी रू. १३ रहेकोमा चैत मसान्तसम्ममा रू. १२ दशमलव २१ कायम भएको छ । एनएभीसँगै फण्डको सूचीकृत धितोपत्रमा लगानी पनि घटेको छ । फागुन मसान्तसम्ममा सूचीकृत धितोपत्रमा रू. १ अर्ब २३ करोड लगानी रहेकोमा चैत मसान्त सम्ममा रू. १ अर्ब १६ करोडमा सीमित भएको हो । त्यसैगरी फण्डले नोक्सानीमा पनि वृद्धि भएको छ । फागुन मसान्तसम्ममा फण्डले रू. १२ करोड २१ लाख नोक्सानीमा रहेकोमा चैत मसान्त सम्ममा रू. २२ करोड १४ लाख पुगेको हो । चैत महिनामा फण्डको खर्चमा वृद्धि भएकाले जम्मा आम्दानी रू. १९ करोड ६२ लाख ऋणात्मक रहेकाले नोक्सानी बढेको हो । फागुन मसान्तसम्ममा फण्डको जम्मा खर्च रू. २ करोड २६ लाख रहेकोमा चैत मसान्तसम्ममा बढेर रू. २ करोड ५२ लाख पुगेको छ ।

Aarthik Abhiyan चैत्र २०७८

वैशाखमा नबिल म्युचुअल फण्डका दुबै योजनाको एनएभी घट्यो

जेठ १३, काठमाडौं । चैत मसान्तको तुलनामा वैशाख मसान्तसम्ममा नबिल म्युचुअल फण्ड अन्तर्गत सञ्चालित दुबै योजनाको एनएभी घटेको छ । नबिल ब्यालेन्स फण्ड - २ र नबिल इक्विटी फण्डको एनएभी(प्रतिइकाई खुद सम्पत्तिको मूल्य) घटेको हो । नबिल इक्वीटी फण्डको एनएभी चैत मसान्तमा रू. १७ दशमलव २४ रहेकोमा वैशाख मसान्तमा घटेर रू. १६ दशमलव ९९ मा झरेको हो । त्यसैगरी नबिल ब्यालेन्स फण्ड- २ को एनएभी वैशाख मसान्तमा रू. १६ दशमलव २६ रहेको छ । योजनाको एनएभी चैत मसान्तसम्ममा रू. १६ दशमलव ३५ थियो । ती दुबै योजनाको एनएभीसँगै नाफामा पनि कमि आएको छ । गत चैत मसान्तसम्ममा रू. ६८ करोड ६४ लाख ४४ हजार नाफा कमाएको नबिल ब्यालेन्स फण्ड २ को नाफा वैशाख मसान्तमा भने रू. ६७ करोड ६० लाख ७५ हजारमा सीमित भएको हो । यस योजनाले वैशाख मसान्तसम्ममा सूचीकृत शेयरमा रू. १ अर्ब ३९ करोड ६७ लाख ६० हजार र ऋणपत्रमा रू. २१ करोड ७४ लाख लगानी गरेको छ । त्यसैगरी गत चैत मसान्तसम्ममा रू. ९० करोड १४ लाख ३२ हजार नाफा कमाएको नबिल इक्विटी फण्डको नाफा वैशाख मसान्तमा रू. ८६ करोड ९९ लाख ६८ हजारमा सीमित भएको हो । वैशाख मसान्तसम्ममा ती दुई योजनाले शेयर बजारमा लगानी गरेका कम्पनीहरुको शेयर मूल्यमा कमि आएसँगै एनएभी र नाफामा कमि आएको हो ।

Aarthik Abhiyan बैशाख २०७८

तीन महीनामा वाणिज्य बैंकहरूले कमाए आधा खर्ब खुद नाफा

काठमाडौं । कोभिड प्रभावित वर्ष भए पनि चालू आर्थिक वर्षको तेस्रो त्रैमासिक वित्तीय विवरणअनुसार बैंकहरूले राम्रै नाफा कमाएका छन् । सञ्चालनमा रहेका २७ ओटा वाणिज्य बैंकहरूले तेस्रो त्रैमासमा रू. ५० अर्ब ७४ करोड नाफा कमाउन सफल भएका छन् । कोभिड–१९ को चुनौती हुँदाहुँदै पनि बैंकहरूले गत आवको तेस्रो त्रैमासको तुलनामा चालू आवमा खुद नाफा १२ दशमलव १४ प्रतिशत वृद्धि गरेका छन् । यसअवधिमा बैंकहरूले करीब साढे ५ अर्ब रुपैयाँ थप कमाएका छन् । बैंकले यसअघि उठ्न बाँकी ब्याज (प्रोभिजनिङ) बाट र शेयर लगानीबाट आम्दानी गर्दा समग्रमा खुद नाफा बढ्न योगदान पुगेको बैंकरहरू बताउँछन् । यो वृद्धि गत आवको तेस्रो त्रैमासको तुलनामा राम्रो भएको देखिन्छ । गत आवको तेस्रो त्रैमासमा बैंकहरूको खुद नाफा २ दशमलव ३६ प्रतिशतले मात्र बढेको थियो अर्थात रू. १ अर्ब ५ करोड मात्रा थप नाफा कमाएका थिए । त्यसअवधिमा खुद नाफा करीब रू. ४५ अर्ब थियो । यसको तुलनामा चालू आवमा सन्तोषजनक नाफा भएको बैंकरहरू बताउँछन् । बैंकहरूको आम्दानीको मुख्य स्रोत नै कर्जाको ब्याज र विभिन्न सेवा शुल्क हुन् । गत आवको तुलनामा यसपटक ब्याज आम्दानीभन्दा सेवा शुल्कको आम्दानी बढी देखिएको छ । बैंकहरूले चैतसम्ममा ९५ अर्ब ९० करोड रुपैयाँ आम्दानी गरेका छन् । गत आवको सोहीअवधिमा यस्तो आम्दानी ९८ अर्ब ८ करोड रुपैयाँ थियो । चालू आवको ९ महीनासम्ममा खुद शुल्क आम्दानी रू. १९ अर्ब ६३ करोड भएको बैंकको वित्तिय विवरणले देखीन्छ । गत आवको सोही अवधिमा यस्तो आम्दानी रू. १७ अर्ब ७५ करोड थियो । यसपटक ६ अर्ब ६८ अर्ब कर्जा प्रवाह बढे पनि बैंकहरूको ब्याज आम्दानी घट्नुको कारण कर्जा–निक्षेप ब्याजदर अन्तर कम हुने हो । बैंकहरूको बीचमा तीव्र प्रतिस्पर्धा हुँदा कर्जा–निक्षेप ब्याजदर अन्तर घटेकाले समग्रमा बैंकहरूको ब्याज आम्दानी घटेको नेपाल बैंकर्स संघका अध्यक्ष भुवनकुमार दाहाल बताउँछन् । ‘कर्जा प्रवाह बढेअनुसार ब्याज आम्दानी धेरै बढ्नुपथ्र्यो तर यसपटक बढेन ।’ सानिमा बैंकका प्रमुख कार्यकारी अधिकृत समेत रहेका दाहालका अनुसार अहिलेको नाफा बढ्नुको कारण प्रोभिजनिङमा रहेको रकम केही मात्रामा फिर्ता आउनु हो । ‘अब प्रोभिजनमा धेरै छैन, क्रमशः घट्दै छ । शेयरमा लगानी गरेकाले यसको आम्दानी बढ्दा समग्रमा नाफा बढेको देखिन्छ,’ उनले अभियानसँग भने । यसअवधिमा सानिमा बैंकले १८ अर्ब ५६ करोड रुपैयाँ खुद नाफा कमाएको छ । यो गत आवको तुलनामा १४ दशमलव ६७ प्रतिशत अर्थात् २३ करोड ७४ लाख रुपैयाँ बढी हो । गत आवको चैतमा कोभिडको प्रभाव वित्तीय विवरणमा परेको बताउँदै उनले अब वैशाख १६ गतेदेखि भएको बन्दले पनि बैंकको आम्दानीमा प्रभाव पर्ने उनको भनाइ छ । ‘कोभिड लम्बिए धेरै असर गर्छ,’ उनले भने । तेस्रो त्रैमासको वित्तीय विवरणअनुसार नाफा कमाउने मामलामा नबिल बैंक पहिलो स्थानमा रहेको छ । बैंकले ३ अर्ब ६७ करोड रुपैयाँ खुद नाफा कमाएको छ । गत आवको सोही अवधिमा पनि यो बैंक अग्र स्थानमा थियो । जनता बैंकलाई प्राप्ति गरेको ग्लोबल आईएमई बैंकले ३ अर्ब ५७ करोड रुपैयाँ खुद नाफा कमाउँदै नााफा आर्जनमा दोस्रो बनेको छ । सरकारी स्वामित्वको राष्ट्रिय वाणिज्य बैंकले ३ अर्ब २७ करोड रुपैयाँ खुद नाफा कमाएर तेस्रो स्थानमा आएको छ । कर्जा प्रवाहमा अगाडि रहेको एनआईसी एशिया बैंकले भने रू ३ अर्ब ४८ लाख रुपैयाँ खुद नाफा कमाएर चौथो स्थानमा रहेको छ । आधा दर्जन बैंकको नाफा घट्यो प्रकाशित वित्तीय विवरणअनुसार आधा दर्जन वाणिज्य बैंकको खुद नाफा घटेको छ । वित्तीय विवरणअनुसार सेञ्चुरी बैंकको नाफामा सबैभन्दा ठूलो ह्रास आएको छ । यस बैंकको नाफा ६० दशमलव ८९ प्रतिशतले घटेर ३५ करोड ८१ लखमा सीमित भएको छ । गत आवको सो अवधिमा यस्तो नाफा रू ९१ करोड ५७ लाख रहेको थियो । मर्जरको कदम चाल्न लागेको हिमालयन बैंकको खुद नाफा ४४ दशमलव ४५ प्रतिशतले खुम्चिएको छ । तेस्रो त्रैमासमा रू. १ अर्ब २८ करोड नाफा गरेको छ । गत वर्ष २ अर्ब २१ करोडको नाफा गरेको थियो । नेपाल एसबीआई बैंकको खुद नाफा वृद्धि ३८ दशमलव ९१ प्रतिशतले घटेको छ । एभरेष्ट बैंकको ३५ दशमलव ९३ प्रतिशत, स्ट्यान्डर्ड चार्टर्ड बैंकको ३४ दशमलव ३४ प्रतिशत र नेपाल क्रेडिट एन्ड कमर्श बैंकको ५ दशमलव ५५ प्रतिशतले खुद नाफा घटेको वित्तीय प्रतिवेदनले देखाएको छ । वितरणयोग्य नाफामा सुधार खुद नाफा वृद्धि घटे पनि बैंकहरूको वितरण योग्य नाफामा भने संकुचन देखिएको छैन । बैंकहरूले सार्वजनिक गरेको वित्तीय विवरण्ण अनुसार २७ ओटै बैंकको वितरणयोग्य नाफा गत आवको भन्दा सुधारीएको छ । समग्रमा वाणिज्य बैंकको वितरणयोग्य नाफा ३५ अर्ब ४३ करोड रुपैयाँ पुगेको छ । गत आव यस्तो नाफा १२ अर्ब रुपैयाँ मात्र थियो । अझ आधा दर्जन बैंकको वितरणयोग्य नाफा ऋणात्मक थियो । गतवर्ष ब्याज आम्दानी हुन नसकेपछि नाफा प्रभावित भएको थियो । उठ्न बाँकी आम्दानीलाई पनि एनएफआरएस प्रणालीमार्फत देखाउनुपर्ने भएकाले नाफा बढेको मात्र देखिएको थियो । तर, यसलाई लेखापद्धतिअनुसार वितरणयोग्य नाफामा देखाउन नमिलेर त्यस्तो देखिएको बैंकरहरूले बताएका थिए ।

Aarthik Abhiyan चैत्र २०७७

तेस्रो त्रैमास रिपोर्टःनबिल बैंकको नाफा बढ्दा प्रभुको घट्यो

१४ वैशाख, काठमाडौं । नबिल बैंकले आफ्नो नाफा ४.३१ प्रतिशतले वृद्धि गरेको छ । हालै मात्रै सार्वजनिक भएको चालु आर्थिक वर्षको तेस्रो त्रैमाससम्मको वित्तीय विवरण अनुसार नाफा गत आर्थिक वर्षको सोही अवधिको तुलनामा ४.३१ प्रतिशतले वृद्धि भएको देखिएको छ । बैंकले चालु आर्थिक वर्षको चैत मसान्त सम्ममा २ अर्ब ७९ करोड …

अनलाइनखबर चैत्र २०७४