क्रिप्टो गेमबाट ह्याकरले चोरे ७२ अर्ब ७२ करोड

क्रिप्टो र सट्टेबाजीमा २ अर्ब १ करोड बढीको कारोबार, २४ वर्षीय युवक पक्राउ

पक्राउ पर्नेमा काभ्रे मण्डनदेउपुर ८ स्थायी घर भई भक्तपुर बस्दै आएका २४ वर्षका अनिल ढुंगाना रहेका छन् ।

Nepal Press बैशाख २०८१

अदालतले क्रिप्टो मुद्रा प्रकरणमा पक्राउ ५ जनामध्ये ४ जनालाई पठायो जेल

काठमाडौँ : काठमाडौँ जिल्ला अदालतले अवैध क्रिप्टो मुद्रा प्रकरणमा पक्राउ परेका ५ जनामध्ये ४ जना जेल चलान गरेको छ। जिल्ला अदालतका न्यायाधीश दुर्गाप्रसाद खनालको इजलासले आइतवार पक्राउमध्ये ४ जनालाई जेल चलानको आदेश दिएको हो।अदालतले झनिन्द्रप्रसाद खतिवडाबाहेक रूपेश श्रेष्ठ, आशिष अग्रवाल, मीनबहादुर जिसी र कुमार परियारलाई थुनामा पठाउने आदेश दिएको हो।रुपेश श्रेष्ठ, मीनबहादुर जिसी‚ आशिष अग्रवालसहितका ५ जना कुल २ खर्ब ८६ अर्ब ४ करोड बराबरको क्रिप्टो कारोबार गरेको पाइएपछि केन्द्रीय अनुसन्धान ब्यूरो (स

थाहा खबर पौष २०८०

सेकले क्रिप्टो एक्सचेञ्ज कम्पनीहरूमाथि हाल्यो मुद्दा, क्वाइनबेसको शेयर मूल्य २१ प्रतिशतले घट्यो

Aarthik Abhiyan बैशाख २०८०

नेपालमा अवैध क्रिप्टो कारोबार गर्ने फिलिपिन्सको पीडीएक्सले 'फन्डिङ राउन्ड'बाट उठायो ६ अर्ब

बीजमांडू पौष २०७८

अर्धवार्षिक समीक्षा : बजेटको आकार घट्यो,१५ खर्ब ४६ अर्ब बराबर मात्रै बजेट खर्च हुने अनुमान

Aarthik Abhiyan पौष २०७८

रेमिट्यान्स ५.५ % ले घट्यो, विदेशी विनिमय सञ्चितिमा प्रभाव

माघ २६, काठमाडौं । चालू आर्थिक वर्ष (आव) २०७८/७९ को पुस मसान्तसम्ममा विप्रेषण आप्रवाह (रेमिट्यान्स) ५ दशमलव ५ प्रतिशतले घटेको छ । नेपाल राष्ट्र बैंकले बुधवार सार्वजनिक गरेको आर्थिक तथा वित्तीय स्थिति सम्बन्धी प्रतिवेदन अनुुसार पुस मसान्तसम्मा ४ खर्ब ६८ अर्ब ४५ करोड रुपैयाँ रेमिट्यान्स भित्रिएको छ । गत आव २०७७/७८ को पुस मसान्तसम्ममा रेमिट्यान्स ११ दशमलव १ प्रतिशतले बढेको थियो । चालू आवको शुरुवातीदेखिनै रेमिट्यान्स घट्दै आएको छ । रेमिट्यान्स घट्दै जानुको प्रमुख कारणको रूपमा विश्वभर फैलिएको कोभिड–१९ को प्रभाव र क्रिप्टो करेन्सीमा नेपालीहरुको लगानी बढ्दै जानुलाई लिइएको छ । रेमिट्यान्स कम भित्रिदै जाँदा विदेशी विनिमय सञ्चितिमा प्रभाव देखिएको छ । गत असार मसान्तदेखि पुुस मसान्तसम्ममा २ खर्ब ३३ अर्ब २३ करोड रुपैयाँ विदेशी विनिमय सञ्चिति घटेको छ । पुस मसान्तसम्म विदेशी विनिमय सञ्चिति ११ खर्ब ६५ अर्ब ८० करोड रुपैयाँ कायम भएको छ । असार मसान्तसम्म विदेशी यो रकम १३ खर्ब ९९ अर्ब ३ करोड रहेको थियोे । ६ महिनाको अवधिमा १६ दशमलव ७ प्रतिशतले कमी आएको प्रतिवेदनमा उल्लेख छ । पुस मसान्तसम्म रोजगारीका लागि संस्थागत तथा व्यक्तिगत–नयाँ र वैधानिकीकरणका लागि अन्तिम श्रम स्वीकृति लिने नेपालीको संख्या १ करोड ६७ लाख ५१३ पुगेको छ । अघिल्लो वर्षको सोही अवधिमा यस्तो संख्या ८९ प्रतिशतले घटेको राष्ट्र बैंकले जारी गरेको तथ्यांकमा उल्लेख छ । त्यसैगरी, वैदेशिक रोजगारीका लागि पुनः श्रम स्वीकृति लिने नेपालीको संख्या समीक्षा अवधिमा २९८ दशमलव १ प्रतिशतले वृद्धि भई १ लाख ३० हजार २१२ पुगेको छ । अघिल्लो वर्षको सोही अवधिमा यस्तो संख्या ७५ दशमलव ५ प्रतिशतले घटेको थियो ।

Aarthik Abhiyan पौष २०७८

साइबर अपराधका लागि सुखद वर्ष बन्यो २०२१, उत्तर कोरियाली ह्याकरले चोरे ४० करोड डलर क्रिप्टो

Aarthik Abhiyan पौष २०७८

अब क्रिप्टोबारे बहस आवश्यक

गैरकानूनी भनिए तापनि क्रिप्टो मुद्राको बारेमा खुलेरै बहस हुन थालेको छ । तथ्यांकले पनि के देखाउँछ भने क्रिप्टोमा लगानी गर्ने त्यही मुलुकका धेरै छन् जहाँ यसलाई गैरकानूनी मानिएको छ । आजको प्रविधियुक्त समयमा कुनै पनि अनलाइन वस्तु वा सेवालाई रोक्न वास्तकमै कठिन कार्य हो । फलस्वरूप दक्षिण एशियाली मुलुकले यस्तो मुद्रालाई गैरकानूनी भनी पारिभाषित गरे तापनि यसको चाख उत्तिकै देखिन्छ । मुलुकको केन्द्रीय बैंकभन्दा बाहिर रहेर कारोबार गर्दा समग्र मुद्राको परिचालन नै बिग्रने डर छ भनेर विरोधीहरू तर्क गर्छन् भने क्रिप्टोको वकालत गर्नेहरू यसलाई भविष्यको मुद्रा मान्छन् । यसले महँगी नियन्त्रण मात्र गर्दैन नयाँ प्रचलन पनि सृजना गर्छ भनेर वकालत गरिन्छ । गतवर्षमात्र विश्वप्रसिद्ध संस्था टेस्लाले बिटक्वाइन नस्वीकार्ने निर्णय गर्दा समग्र क्रिप्टोको भविष्यमाथि प्रश्न उठेको थियो । तर, उसले पुनः बिटक्वाइन स्वीकार्ने सोचमा रहेको भनी १ अर्ब ५० करोड अमेरिकी डलर बराबरको करेन्सी खरीद गरेपछि विश्व मुद्रा बजार अहिले दोधारमा पर्न थालेको देखिन्छ । भारतको संसद् भवनमै भारतले पनि क्रिप्टो मुद्राको थालनी गर्नुपर्ने विषयले प्रवेश पाएको छ । भारतीय केन्द्रीय बैंकले पनि यस विषयलाई गम्भीरताका साथ लिएको छ । अहिले बिटक्वाइनबाहेक इथेरम, डोजक्वाइनलगायत क्रिप्टो मुद्राको रौनक विश्व बजारमा बढ्दै गएको देखिन्छ । गैरकानूनी भनिएको क्रिप्टो मुद्रा अहिले नेपाली र भारतीय जमातले कुनै न कुनै तरीकाले कारोबार गरिरहेको देख्न सकिन्छ । पारदर्शिता सुनिश्चित गराएर कारोबार सम्पन्न हुने हुँदा क्रिप्टो मुद्राले गरीब मुलुकमा वित्तीय सहभागितासमेत सुनिश्चित गर्ने दाबी भइरहँदा विकेन्द्रीकरणमार्फत ४०० खर्ब अमेरिकीभन्दा बढी बचत हुने विश्वास लिइएको छ । कारोबार खर्च घटाएर, पहिचानयुक्त भुक्तानी माध्यममार्फत कारोबार गर्दा विश्व मुद्राको बजार थप सुरक्षित हुने विश्वाससमेत लिइएको देखिन्छ । गोपनीयता कायम गर्दै ठूलो पहुँच सम्भव भएको हुँदा यसको प्रयोग बढेको देखिन्छ । बजारमा चल्ने हल्ला र आर्थिक गतिविधिले क्रिप्टोको मोल निर्धारण गर्ने भएकाले यसमा लगानी गर्नेहरूले खेप्नुपर्ने मुख्य जोखिम भनेको मुल्यमा देखिने उतारचडाव हो । हिजो के मूल्यमा किनिएको थियो र भोलि के मूल्य हुन्छ भन्ने कुराको सीमा हुँदैन । यस प्रकारको मुद्रालाई न सरकारले नियन्त्रण गरेको हुन्छ, न केन्द्रीय बैंकले गरेको हुन्छ । यसमा ह्याक भएर पैसा लुटिन सक्ने जोखिम छ । गतवर्ष मात्र ६० करोड अमेरिकी डलर बराबरको क्रिप्टो चोरी भएको थियो । यो मुद्रा सञ्चालनमा समस्या आउने हो, र बन्द हुने हो कि भन्ने डरसमेत रहिआएको छ । त्यसैले ठूलो मात्रामा लगानीकर्ताहरू यो एक्कासि बन्द होला कि भन्ने डरमा रहेको देखिन्छ । सहजै प्रवेश गर्न सकिने क्रिप्टो कारोबारमा बाहिरिन उस्तै कठिनसमेत छ । यसले मुलुकभित्र आपराधिक गतिविधि र आतंककारीसँग आबद्ध लगानी प्रवर्दन हुने हो कि भन्ने डर पनि रहन्छ । विश्वबजारमा क्रिप्टोको अवस्था हेर्ने हो भने एल सल्भेडरले बिटक्वाइनलाई कानूनी टेन्डरको मान्यता दिएको देखिन्छ । अमेरिका, क्यानडा, अस्ट्रेलियालगायत मुलुकमा बिटक्वाइनलाई कानूनी मान्यता प्रदान गरिएको छ । बिटक्वाइनको निर्माण गर्ने समूह आजसम्म को हो थाहा छैन । यसले तेस्रो पार्टीको भूमिकाविना नै समग्र वितरण र कारोबार सम्पन्न गरिरहँदा डर कायम हुनु स्वाभाविक हो । यो अहिले नेपालजस्तो मुलुकमा कानूनी मान्यता दिन नसकिने अवस्था होला । तर, यसको बारेमा थप अध्ययन गर्न आवश्यक छ । यसभित्र लुकेका अवसरहरू खोज्न पनि आवश्यक छ र सम्भावनाबारे थप अध्ययन गर्ने समय आएको छ । यदि यो भविष्यमा सफल भएमा नेपाल र नेपाली लगानीकर्ताले ठुलो मूल्य चुकाउनुपर्ने समेत हुन जान्छ । नाइजेरियाको राजधानीमा एउटा सफ्टवेर निर्माताले बिटक्वाइनबाट आफ्नो भुक्तानी लिन्छ । ब्राजिलमा एउटा डेन्टिस्टले मासिक तलबको केही रकम क्रिप्टोमा लगानी गर्छ । रकमान्तर गर्न सस्तो भएर मात्र होइन, यस प्रकारको मुद्राले मुद्राको भाउ कमजोर बनाउने डरसमेत पन्छाउने गरेको भेटिन्छ । नेपाल जस्तो हुन्डी अत्यधिक हुने मुलुकमा यसको जोखिम झन् बढी हुने हुन्छ । यदि क्रिप्टोलाई व्यवस्थित तरीकाले चलायमान गर्न सकियो भने उतारचडाव हुने डलरको मूल्यबाट हाम्रो अर्थतन्त्र जोगिने हुन्थ्यो । यसले बैंकलाई प्रयोग नगरी अन्तरराष्ट्रिय कारोबारसमेत सञ्चालनमा ल्याउन सहयोग गर्छ । खुला बजारको सिद्धान्त अवलम्बन गर्ने हो भने क्रिप्टोबाट हुने लाभसमेत आकलन गर्न सक्नुपर्छ । यस प्रकारको मुद्राको वितरण वा आपूर्ति निश्चित हुने हुँदा अर्को विश्वास रहने हुन्छ । यद्यपि दक्षिण एशियाली मुलुकमा रहेकाहरूले यसलाई हाल लगानी गर्ने ठाउँकै रूपमा प्रयोग बढी गरेको देखिन्छ । विदेशमा भएको कैयौं अनुसन्धानले के पुष्टि गर्छ भने यस्तो मुद्राले आज परिचालन भएको मुद्राको तत्काल विकल्पका रूपमा प्रस्तुत हुन सक्दैन । कैयौं अनुसन्धानकर्ताले यस प्रकारको मुद्रालाई कारोबार हुने मुद्राभन्दा पनि डिजिटल सम्पत्ति भनेर स्वीकारेको समेत देखिन्छ । भनिन्छ विजेता ऐतिहासिक परिवर्तन गर्न सफल हुनेबाट जन्मन्छ । हिजो प्रतिस्पर्धा को अगाडि अन्तरिक्षमा पुग्ने भन्ने थियो । त्यो परिमार्जित भयो । पछि कोसँग परमाणु शक्ति छ, त्यसमा मूल्यांकन हुन थाल्यो । बदलिँदो युगमा अहिले को सूचना प्रविधिमा अब्बल छ, उही शक्तीशाली हुने देखिन्छ । अहिलेको होडबाजीमा हामीले केही मात्रामा भए पनि यसका बारेमा परीक्षण गर्दा जोखिम त होला, जोखिम लिए बापतको मुनाफा पनि हुन सक्ने हुन्छ । बजारशास्त्रमा एउटा शब्द छ ‘लग्गार्डस’ । यसको अर्थ पछि मात्र चलायमान हुने, वा समग्र बजारले प्रयोग गरिसकेपछि अन्तिमतिर प्रयोग गर्ने भन्ने हो । वाशिङटन पोस्टमा प्रकाशित एक लेखमा जनाएअनुसार शंका गर्ने र जोखिम लिन डराउने भोलि सोहि ‘लग्गार्डस’ समूहमा परेर पछुतो मान्ने अवस्था नआओस् । यदि क्रिप्टो हाम्रो अर्थतन्त्रलाई हानिकारक छ भने त्यो पनि बहसबाट निर्धारण हुनुपर्छ, वित्तीय साक्षरताको अर्को महŒवपूर्ण बहस, अब आवश्यक भइसकेको छ । रेग्मी बैंकर हुन् ।

Aarthik Abhiyan कार्तिक २०७८

टेस्लाले बिट्क्वाइन स्वीकार गर्दैन : एलन मस्क

वैशाख ३०, सन फ्रान्सिस्को (अमेरिका) । अमेरिकी विद्युतीय सवारी साधन निर्माता कम्पनी टेस्ला इंकले बिट्क्वाइनमा भुक्तानी गरेर सवारी साधन खरीद विक्रीमा रोक लगाएको छ । जलवायु परिवर्तनसम्बन्धी चिन्ताका कारण यसो गरिएको एक ट्विटमा कम्पनीका प्रमुख कार्यकारी अधिकृत एलन मस्कले बताएका हुन् । उनको सो ट्विटपछि बिट्क्वाइनको मूल्य १० प्रतिशतभन्दा बढीले घटेको थियो भने टेस्लाको शेयरमूल्य पनि ओरालो लागेको थियो । सवारी साधन खरीद गर्ने क्रेताहरुबाट बिट्क्वाइनमा समेत भुक्तानी स्वीकार गर्ने मार्चमा कम्पनीले गरेको घोषणाप्रति केही वातावरणविद् र लगानीकर्ताहरुले आलोचना चिन्ता व्यक्त गरेका थिए । कम्पनीले डेढ अर्ब डलर बराबरको बिट्क्वाइन किनेको गत फेब्रुअरीमा सार्वजनिक गरेपछि बिट्क्वाइनको भाउमा उच्च वृद्धि भएको थियो भने समग्र क्रिप्टो बजार नै उकालो लागेको थियो । तर बिहीवार कम्पनी अघिल्लो अभिव्यक्तिबाट पछाडि हट्यो । आफूहरु बिट्क्वाइन माइनिङ र कारोबारका लागि खनिज इन्धन विशेषगरी कोइलाको तीव्र प्रयोगबारे चिन्तित रहेको ट्विटमा मस्कले भनेका छन् । क्रिप्टोकरेन्सी राम्रो अवधारणा भएपनि वातावरणमा नै क्षति पुर्‍याएर यसलाई बनाउन नसकिने उनको भनाइ छ । कम्पनीले आफूसँग भएको कुनै पनि बिट्क्वाइन नबेच्ने अनि यसलाई बिट्क्वाइन माइनिङका लागि दिगो ऊर्जाको प्रयोग गर्न थालेपछि मात्रै कारोबारका लागि प्रयोग गर्ने पनि उनले बताए । केहीले भने मस्कको पछिल्लो अभिव्यक्ति क्रिप्टो बजारलाई प्रभावित बनाउने अर्को चाल भएको पनि बताएका छन् । मस्कको ट्विटका कारण क्रिप्टो बजारबाट ३ खर्ब ६५ अर्ब ८५ करोड डलर गुमेको थियो । बिट्क्वाइन, इथर र आरएक्सपी तीन ओटै प्रमुख डिजिटल मुद्राको भाउ घटेका थिए । एजेन्सी

Aarthik Abhiyan चैत्र २०७७

४ हजार डलरमाथि उक्लियो इथरको भाउ

वैशाख २७, लन्डन (बेलायत) । विश्वको दोस्रो ठूलो क्रिप्टो करेन्सी इथरको भाउ बढेर पहिलो पटक ४ हजार डलरमाथि उक्लिएको छ । सोमवारको कारोबारमा यसको भाउ करीब ७ प्रतिशतले बढी प्रतिगोटा ४ हजार १४१ डलर ९९ सेन्टको उच्चतम् विन्दुमा पुगेको क्वाइन मेट्रिक्सले देखाएको हो । पछिल्लो वृद्धिसँगै यसको बजार पूँजीकरण पनि ४ खर्ब ७६ अर्ब ३० करोड डलरमापुगेको छ ।यो विश्वको सबैभन्दा महँगो डिजिटल मुद्रा बिट्क्वाइनको भन्दा आधाभन्दा कमहो । सोमवार बिट्क्वाइनको बजार पूँजीकरण ११ खर्ब डलरमा पुगेको थियो । बिहान ८ : ५० बजेको कारोबारमा इथरको भाउ ६ दशमलव ७ प्रतिशतले बढेर प्रतिगोटा ४ हजार १३० डलरमा पुगेको थियो । बिट्क्वाइनको भाउ पनि शून्य दशमलव ९ प्रतिशतले बढी ५७ हजार ८६१ डलर कायम भएको थियो । अप्रिलमा बिट्क्वाइनको भाउ २ प्रतिशतभन्दा धेरैले घटेको थियो भने इथरको भाउ ४० प्रतिशतभन्दा धेरैले बढ्यो । समग्र क्रिप्टो बजारको मूल्य अहिले २५ खर्ब डलर रहेको क्वाइन मार्केट क्यापले बताएको छ । एजेन्सी

Aarthik Abhiyan चैत्र २०७७

क्रिप्टो गेमबाट ह्याकरले चोरे ७२ अर्ब ७२ करोड

सम्बन्धित सामग्री

पक्राउ पर्नेमा काभ्रे मण्डनदेउपुर ८ स्थायी घर भई भक्तपुर बस्दै आएका २४ वर्षका अनिल ढुंगाना रहेका छन् ।