काठमाडौं। सरकारले गाडी, मोबाइल, मोटरसाइकल र तयारी मदिराको आयात प्रतिबन्ध मंसिर मसान्तसम्म लम्बाएको छ। उद्योग, वाणिज्य तथा आपूर्ति मन्त्रालयको सिफारिसमा शुक्रबार बसेको मन्त्रिपरिषद्को बैठकले यस्तो निर्णय गरेको हो। विदेशी मुद्राको सञ्चितीमा अझै पनि अपेक्षा गरेअनुरुप सुधार नदेखिएको भन्दै मन्त्रालयले मंसिर मसान्तसम्म आयात प्रतिबन्ध कायम राख्न मन्त्रिपरिषद्मा सिफारिस गरेको थियो।