४८ वर्षदेखि समस्याग्रस्त जडिबुटी–कोटेश्वर–तीनकुने सडक विस्तारमा सरकार रमिते भएर नबस्ने भौतिक पूर्वाधार तथा यातायातमन्त्री प्रकाश ज्वालाले बताएका छन् । बिहान र साँझको समयमा अत्यधिक ट्राफिक जामका कारण नागरिकले सास्ती खेप्नु परे पनि यो समस्या सुल्झाउन सरकारले ४८ वर्षअघि पहल थालेको थियो । तर अहिलेसम्म समस्या समाधान नहुनुको मुख्य कारण मुआब्जा समस्या रहेको मन्त्रालयले जनाएको छ ।
