वैशाख २८, काठमाडौं । साताको चौथो करोबार दिन बुधवार बजार खुलेको १० मिनेटको अवधिमा कारोबारमा आएका ११३ ओटा धितोपत्रमध्ये फरवार्ड लघुवित्त वित्तीय संस्थाको शेयरमूल्यमा सकारात्मक सर्किट लागेको छ ।
कम्पनीको शेयरमूल्य अघिल्लो कारोबार दिनको तुलनामा बुधवार १० प्रतिशतले वृद्धि भएसँगै सकारात्मक सर्किट लागेको हो । कम्पनीको शेयरमूल्य प्रतिकित्ता रू.२ हजार ४४८ दशमलव ६० पुगेको हो ।
चालू आवको तेस्रो त्रैमाससम्ममा कम्पनीले आकर्षक मुनाफा आर्जन गरेसँगै लगानीकर्ताको आकर्षण बढेको हो । कम्पनीले चालू आवको तेस्रो त्रैमाससम्ममा रू. ७० करोड ९१ लाखभन्दा बढी नाफा कमाएको छ ।
यो नाफा गत आवको तेस्रो त्रैमासको तुलनामा ९६ प्रतिशतले वृद्धि भएको हो । सोही कारण पनि कम्पनीको शेयरमा विक्रेताभन्दा क्रेता धेरै भएसँगै शेयरमूल्य बढेको हो ।
