काठमाडौँ। म्यानमारमा सैनिक कू विरुद्ध आन्दोलन गरिरहेका प्रदर्शनकारीले उत्तरी छिमेकी चीनलाई निशाना बनाउँदै उसले लगानी गरेका कम्पनीहरूमा तोडफोड र आगजनी गर्न थालेका छन्। आइतबार यांगुनको लाइङथाया औद्योगिक क्षेत्रमा रहेका चिनियाँ लगानीका उद्योगमा आगजनी गरिएको छ। उद्योगमा आगजनीपछि प्रहरीले चलाएको गोली लागेर कम्तीमा २२ जना प्रदर्शनकारीको मृत्यु भएको समाचार संस्था रोयटर्सले जनाएको छ।
