नेपाली रुपैयाँ भारतीय रुपैयाँसँग पेग भएको परिस्थितिमा भारतीय रुपैयाँ कमजोर हुँदा हाल नेपाली रुपैयाँ पनि कमजोर हुँदै गएको छ । भारतीय रुपैयाँको गिरावटलाई नजिकबाट नियालिरहेका सञ्जीव सन्याल भारतको वित्त मन्त्रालयका प्रमुख सल्लाहकार हुन् । भारतीय इतिहास तथा अर्थतन्त्रमाथि उनले चारवटा पुस्तक लेखेका छन् । डच बैंकका पूर्व अर्थशास्त्री सन्याल भारतीय अर्थनीति निर्माणको क्षेत्रमा महत्वपूर्ण व्यक्ति रहँदै आएका छन् ।
