कर छलीका विभिन्न शीर्षकमा ५ सयभन्दा बढी उजुरी परेका छन् । राजस्व अनुसन्धान विभागले चालू आर्थिक वर्षको ६ महिनामा कर छली शप्र्षकमा ५०८ वटा उजुरी परेको जनाएको छ । यस अवधिमा ७ अर्ब ६२ करोड रूपैयाँ कर छली गरेको आरोपमा १ सय ६४ जनाबिरुद्ध मुद्दा दर्ता गरेको विभागको दावी छ । विभागका महानिर्देशक दीर्घराज मैनालीले यस अवधिमा सुन चोरीपैठारी गरी राजस्व छली गरेको तथा विदेशी विनिमय अपचलनमा १४ मुद्दामा १८ व्यक्तिबाट ३५ किलो ७५ ग्राम सुन जफत गरिएको जानकारी दिए ।
