वैशाख १६, काठमाडौं । नेरुडे लघुवित्त वित्तीय संस्थाले चालू आवको तेस्रो त्रैमासिक वित्तीय विवरण शुक्रवार सार्वजनिक गरेको छ ।
उक्त वित्तीय विवरण कम्पनीले चालू आवको तेस्रो त्रैमाससम्ममा रू. १८ करोड ४८ लाख खुद नाफा कमाएको छ । यो नाफा गत आवको तेस्रो त्रैमासको तुलनामा भने २० प्रतिशत बढेको हो ।
सो अवधिमा कम्पनीले रू. १५ करोड ३३ लाख खुद नाफा कमाएको थियो । चालू आवमा कम्पनीको खुद ब्याज आम्दानीमा वृद्धि भएकाले र रू. १२ करोड १८ लाख खराब कर्जा उठाउन कम्पनी ब्यवस्थापन सफल भएकाले नाफा बढ्न टेवा पुगेको हो । खुद ब्याज आम्दानी गत आवको तुलनामा चालू आवमा १८ प्रतिशत वृद्धि भएको छ ।
त्यसैगरी कम्पनीको चुक्ता पूँजी रू.६० करोड रहेको छ भने जगेडामा रू. ७१ करोड ५९ लाख सञ्चित गरेको हो । चालू आवको तेस्रो त्रैमाससम्ममा कम्पनीले रू. ५ अर्ब २५ करोड सापटि लिएर,रू. ३ अर्ब १० करोड निक्षेप संकलन गरेर रू. ९ अर्ब ९६ करोड कर्जा लगानी गरेको हो । सो अवधिमा कम्पनीको प्रतिशेयर आम्दानी रू. ४१ दशमलव ०७(वार्षिकीकरण),मूल्य आम्दानी अनुपात २३ दशमलव ८६ गुणा ,तरलता अनुपात ३ दशमलव ०१ प्रतिशत र प्रतिशेयर नेटवर्थ रू. २१९ दशलमव ३२ रहेको छ ।
तेस्रो त्रैमाासिक वित्तीय विरण हेर्नका लागि यहाँ क्लिक गर्नुहोला
