देश गरीब भएपनि नेपालीहरू धनी भएको प्रमाण ! सस्तो छोडेर महँगो एप्पलका ट्याब किन्ने बढे

वैशाख २२, काठमाडौं। नेपालमा विक्री हुने ट्यावलेटहरुको बजार हिस्सामा दुई कम्पनीको मात्रै रजगज रहेको पाईन्छ । नेपाली ट्यावलेट बजारको ८६ प्रतिशत बजार दुई ब्राण्ड सामसङ र एप्पलले ओगटेका छन् । अन्य ब्राण्डका ट्यावलेटको बजार हिस्सा भने मात्रै १४ प्रतिशत रहेको छ । बिश्व बजारमा पनि यी दुई ब्राण्डकै राज रहेको छ। यी दुई कम्पनीले बिश्व बजारमा सबैभन्दा बढी ८० प्रतिशत हिस्सा ओगटेका छन  भने बाँकी २० प्रतिशत बजार अन्य ब्राण्डको रहेको छ । जसमा सबै भन्दा बढी बजार हिस्सा एप्पलको रहेको छ । यसले एक्लैले बिश्व बजारको ५३ प्रतिशत बजार हिस्सा बोकेको छ । त्यस्तै सामसङले २७ प्रतिशत मात्रै बजार पाएको छ । नेपालमा अत्याधिक विक्री हुने ट्यावलेटहरु मध्ये सामसङ ब्राण्डको रहेका छन । यो ब्राण्डका ट्यावलेटले नेपाली बजारको आधा हिस्सा एक्लैले ओगटेको छ । यस ब्राण्डले ४९.७२ प्रतिशत बजार ओगटेको छ । यस्तै अर्को ब्राण्ड एप्पलले पनि नेपाली बजारको ठूलो हिस्सा पाएको छ । यो ब्राण्ड एक्लैले नेपाली बजारको ३६.५ प्रतिशत बजार ओगटेको छ  भने बाँकी १४ प्रतिशत अन्य ब्राण्डका ट्यावलेट नेपाली बजारमा रहेका छन । नेपालको ठूलो मार्केट ओगटेको सामसङको पछिल्लो केहि महीना देखि आफ्नो बजार हिस्सा भने कम हुँदै गएको छ । गत फेब्रुअरीमा नेपाली बजारको ६४ प्रतिशत हिस्सा पाएको कम्पनीले एप्रीलमा भने १५ प्रतिशतले बजार गूमाउदै ४९.७२ मात्रै बजार पाएको छ । यता सामसङले बजार गुमाईरहँदा एप्पलले भने आफ्नो बजार बढाएको छ। अर्थात एप्पलले सामसङको बजार खोसेको छ । एप्पलले नेपाली बजारको ३६.५ प्रतिशत बजारहिस्सा पाएको छ। गत जनवरीमा २७.२२ प्रतिशत मात्रै बजार भएको एप्पलले करिव १० प्रतिशत बजार बढाउँदै ३६.५ प्रतिशत पुर्‍याएको छ।  हाल नेपाली बजारमा सामसङका १२ हजार देखि ५० हजार सम्मका ट्यावलेट रहेका छन भने एफ्पलका ८० हजार देखि ३ लाख ५५ हजार  मूल्य सम्मका ट्यावलेट रहेका छन् । तर नेपालीउपभोक्ताको रोजाईमा यस्तै महँगा ट्यावलेट पर्नेगरेका छन् । नेपालमा विक्रीहुने अन्य ब्राण्ड मध्ये तेस्रोमा हुवाई छ । यसको बजार हिस्सा ३.७९ प्रतिशत रहेको छ भने अन्य ब्राण्को बजार हिस्सा नगन्य रहेको छ । नेपालमा बिक्री हुने अन्य ट्यावलेट ब्राण्डमा अमेजन, टेक्नो, साओमी, सोनि लगायत रहेका छन् ।