कम राजस्व र यसको असर

आन्तरिक राजस्व कार्यालय भरतपुर: लक्ष्यभन्दा ४६ प्रतिशत कम राजस्व असुली

चितवन। कोभिडपछि तँगिन थालेको उद्योग व्यवसाय पछिल्लो समय पुन: शिथिल बन्दा यसको असर राजस्व संकलनमा समेत परेको छ । नयाँ व्यवसाय नथपिनु, भएका व्यवसाय टाट पल्टिँदै जानु, देशमा उत्पादन तथा उपभोग कम हुनु र क्रयशक्तिमा ह्रास आउँदा लक्ष्य अनुसार राजस्व संकलन हुन नसकेको हो । आर्थिक सुस्तीका कारण चितवनमा उद्योग व्यवसाय बन्द हुन थालेका छन् । भएका पनि कम क्षमतामा चलेका छन् । यस्तै बैंकको ब्याजदर नघटेको र उत्पादित वस्तु समेत विक्री नभएकाले राजस्व असुलीमा ह्रास आएको आन्तरिक राजस्व कार्यालय, भरतपुरले बताएको छ । कार्यालयका अनुसार चालू आर्थिक वर्ष २०८०/८१ को साउन महीनामा लक्ष्यभन्दा ३७ प्रतिशतले कम कर असुली भएको थियो । राजस्व असुली भदौमा झनै खस्किएको छ । गत महीना लक्ष्यभन्दा ४६ प्रतिशत कम राजस्व उठेको कार्यालयले बताएको छ । कार्यालयका अनुसार गत साउनमा २ अर्ब २ करोड ७५ लाख रुपैयाँ राजस्व संकलनको लक्ष्य रहेकोमा १ अर्ब २७ करोड ५३ लाख रुपैयाँ असुल भएको थियो । यस्तै भदौमा २ अर्ब ४ करोड ८ लाख रुपैयाँ राजस्व असुलीको लक्ष्य रहेकोमा १ अर्ब ११ करोड १६ लाख रुपैयाँ मात्र उठेको थियो । साउनमा कार्यालयले सबै शीर्षकमा गरी ६२ दशमलव ९ प्रतिशत राजस्व असुली गरेको थियो । यस्तै भदौमा ५४ दशमलव ४७ प्रतिशत मात्र राजस्व असुली गरेको छ । कार्यालयले आयकर, ब्याजकर, मूल्यअभिवृद्धि कर, अन्त:शुल्क, घर बहाल कर, स्वास्थ्य सेवा कर र शिक्षा सेवा कर शीर्षकमा कर संकलन गर्दै आएको छ । यीमध्ये भदौमा आयकर शीर्षकमा लक्ष्यभन्दा बढी कर असुली भएको छ भने अन्य कुनै शीर्षकमा लक्ष्य भेट्टाउन सकेको छैन । कार्यालयका अनुसार भदौ महीनामा आयकर शीर्षकमा १८९ दशमलव शून्य ९ प्रतिशत राजस्व असुली गरेको छ । यस्तै ब्याजकरमा ३१ दशमलव ४१ प्रतिशत, घर बहाल करमा ६५ दशमलव ६४ प्रतिशत, मूल्य अभिवृद्धि करमा ५७ दशमलब ९२ प्रतिशत, अन्त:शुल्क शीर्षकमा ४७ दशमलव ३५ प्रतिशत र स्वास्थ्य सेवा करमा ५८ दशमलव १५ प्रतिशत कर असुली गरेको छ भने शिक्षा सेवा करमा कुनै कर असुली भएको छैन । कार्यालयका कर अधिकृत विष्णुबहादुर रावतले राजस्व असुलीको अनुपात हरेक महीना क्रमश: घट्दै गएको बताए । ‘अहिले नयाँ व्यवसाय गर्ने घटेका छन्, पुराना कम्पनी नवीकरण गर्ने पनि कम छन्,’ उनले भने, ‘मुख्य त आर्थिक गतिविधि नै सुस्त छ ।’ चितवनको राजस्व असुली अन्त:शुल्कमा निर्भर हुने भएकाले पछिल्लो समय मदिराजन्य वस्तुको विक्रीमा ठूलो कमी आउँदा सो शीर्षकको राजस्व असुली समेत प्रभावित भएको उनको भनाइ छ । ‘अधिकांश मानिसलाई दैनिक खर्च चलाउनै समस्या छ । व्यापार छैन, उपभोग पनि छैन,’ रावतले भने । कतिपय उद्योग व्यवसाय धराशयी भएको र व्यवसायी विस्थापित भई अन्य पेशा तथा विकल्प रोजेकाले पनि यसको असर राजस्व असुलीमा परेको उनले बताए । कार्यालयका अनुसार गत आर्थिक वर्ष २०७९/८० को साउन र भदौमा गरी १ हजार ३२७ ओटा नयाँ व्यवसाय दर्ता भएकोमा चालू आर्थिक वर्षको पहिलो दुई महीनामा ९२३ ओटा नयाँ व्यवसाय मात्र दर्ता भएका छन् । यस्तै गत आर्थिक वर्षको पहिलो दुई महीनामा ५ हजार ३९१ ओटा व्यक्तिगत प्यान जारी भएकोमा यो चालू वर्षको सोही अवधिमा ५ हजार ९ ओटा जारी भएका छन् ।

Aarthik Abhiyan भाद्र २०८०

लक्ष्यभन्दा कम राजस्व असुली

झापा, १० जेठ । आन्तरिक राजस्व कार्यालयले लक्ष्य अनुसारको राजस्व सङ्कलन गर्न नसकिएको जनाएको छ । जिल्लाका उद्योगधन्दा, कलकारखाना तथा व्यापार व्यवसायमा आएको मन्दीको असर राजस्वमा पनि परेको कार्यालयका प्रमुख कर अधिकृत सुभप्रसाद रिजालले बताए । उक्त कार्यालयले चालु आर्थिक वर्षको १० महिनामा रु दुई अर्ब ८५ करोड ३५ लाख ५० हजार राजस्व सङ्कलन गर्ने […]

Reporters Nepal बैशाख २०८०

साढे ३ खर्ब कम राजस्व संकलन

काठमाडौं । मुलुकको अर्थतन्त्रमा देखिएको समस्याको असर राजस्व संकलनमा परेको छ । सरकारले चालु आर्थिक वर्षको नौ महिनामा लक्ष्यभन्दा करिब साढे ३ खर्ब रूपैयाँ कम राजस्व संकलन गरेको छ। राजस्व नउठेपछि सरकारले चालु खर्च चलाउन पनि ऋण लिनुपरेको छ । सरकारले चालु आवमा १४ खर्ब ३ अर्ब १४ करोड राजस्व संकलनको लक्ष्य लिएको थियो । […]

Image Khabar चैत्र २०७९

लक्ष्यभन्दा २० प्रतिशत कम राजस्व

काठमाडौं । चालू आर्थिक वर्ष २०७९/८० को शुरूदेखि नै निराशाजनक रहेको राजस्व संकलन ७ महीना बित्दा पनि उस्तै छ । आयातमा कमी र आर्थिक गतिविधिमा आएको संकुचनका कारण सरकारले यस वर्ष राजस्व लक्ष्य प्राप्त गर्न नसक्ने निश्चितजस्तै देखिएको छ । आन्तरिक राजस्व विभागले गत फागुनसम्ममा लक्ष्यको ७९ दशमलव ६८ प्रतिशत मात्र राजस्व संकलन गरेको छ । सोही अवधिमा भन्सार विभागले लक्ष्यको ५७ दशमलव ९ प्रतिशत राजस्व संकलन गरेको देखिन्छ । आन्तरिक राजस्व विभागले फागुन मसान्तसम्ममा ३ खर्ब ५९ अर्ब रुपैयाँ राजस्व संकलन गर्ने लक्ष्य राखेको थियो । यस अवधिमा उसले २ खर्ब ८१ अर्ब रुपैयाँ संकलन गरेको देखिन्छ । यो लक्ष्यको ७९ दशमलव ६८ प्रतिशत हो । फागुनमा लक्ष्यको ८७ प्रतिशत मात्रै राजस्व संकलन भए पनि गतवर्ष भन्दा २ प्रतिशत बढी उठेको तथ्यांकले देखाउँछ । विभागले फागुनमा ३३ अर्ब ११ करोड रुपैयाँ राजस्व उठाउने लक्ष्य लिएकोमा २८ अर्ब ९८ करोड रुपैयाँ संकलन भएको छ । गतवर्ष फागुनमा विभागले २८ अर्ब ४८ करोड रुपैयाँ संकलन गरेको थियो । गतवर्षको तुलनामा आयकर ९ प्रतिशत, घर बहालकर १० प्रतिशत र आन्तरिकतर्फको मूल्य अभिवृद्धिकर ३ प्रतिशत कम संकलन भएको विभागको भनाइ छ । यसले समग्र राजस्व लक्ष्य प्रभावित भएको अधिकारीहरू बताउँछन् । फागुन मसान्तसम्ममा विभागले आयकर लक्ष्यको ७३ दशमलव ९८, घर बहालकर ७८ दशमलव ८१, ब्याजकर ८४ दशमलव ३६, मूल्य अभिवृद्धिकर ८३ दशमलव ३२ र अन्त:शुल्क ८४ दशमलव ३६ प्रतिशत संकलन गरेको छ । फागुनसम्मको ब्याजकर गतवर्षको तुलनामा ४० प्रतिशत बढी छ । विभागले साउनदेखि फागुनसम्म ब्याजकर २३ अर्ब ८६ करोड ८५ लाख ३५ हजार रुपैयाँ उठाएको छ । विभागका महानिर्देशक दीर्घराज मैनालीले अर्थतन्त्रमा देखिएको केही संकुचन र बाह्य प्रभावले लक्ष्यअनुसार राजस्व संकलन गर्न नसकेको बताए । वार्षिक लक्ष्य जहिले पनि महत्त्वाकांक्षी हुने गरेकाले त्यसमा आफूहरूको कुनै गुनासो नभएको पनि उनले बताए । अघिल्ला महीनामा भन्दा फागुनमा राजस्व संकलनमा देखिएको सुधारले उत्साहित भएको महानिर्देशक मैनालीको भनाइ छ । ‘अब सूचकहरू नकारात्मकतिर जाँदैनन् । पछिल्ला महीनामा राजस्व संकलन सकारात्मक छ र आगामी दिनमा नकारात्मकतिर नजानेमा हामी पूर्णरूपले विश्वस्त छौं,’ मैनालीले भने । भन्सारको हालत झन् खराब भन्सारको उपलब्धि झन् खराब छ । भन्सार विभागले फागुनसम्ममा ४ खर्ब ३२ अर्ब ९२ करोड रुपैयाँ संकलन गर्ने लक्ष्य लिएकोमा २ खर्ब ५० अर्ब ६४ करोड रुपैयाँमात्रै संकलन गरेको छ । यो लक्ष्यको ५७ दशमलव ९ प्रतिशत हो । गतवर्ष फागुनसम्ममा भन्सारले ३ खर्ब ३३ अर्ब रुपैयाँ राजस्व संकलन गरेको थियो । गतवर्ष साउनदेखि फागुनसम्ममा १३ खर्ब ८ अर्ब रुपैयाँको वस्तु आयात भएकोमा चालू आवको सोही अवधिमा १० खर्ब ५७ अर्ब रुपैयाँ मात्रैको आयात भएको छ । यो पोहोरको तुलनामा १९ दशमलव १८ प्रतिशत कम हो । आयात घट्दा भन्सार विन्दुमा राजस्व संकलन घट्नु स्वाभाविक भएको बताउँछन् विभागका निर्देशक पुण्यविक्रम खड्का । ‘बढी राजस्व प्राप्त हुने सवारीसाधन, मदिरालगायत वस्तुको आयातमा प्रतिबन्ध लागेकाले आयातको परिमाणभन्दा राजस्व संकलन धेरैले घटेको हो,’ निर्देशक खड्काले बताए । भन्सारले फागुनमा ५९ अर्ब ३ करोड रुपैयाँ राजस्व संकलन गर्ने लक्ष्य लिएकोमा ३१ अर्ब ८१ करोड मात्रै संकलन गरेको छ । यो लक्ष्यको ५४ प्रतिशत हो । फागुनमा सार्वजनिक बिदा धेरै भएकाले लक्ष्यभन्दा कम राजस्व संकलन भएको भन्सारका अधिकारीको भनाइ छ । पुसदेखि आयात प्रतिबन्ध खुला भएको र माघदेखि प्रतीतपत्र (एलसी) खोल्दा नगद मार्जिन हटाएको प्रभाव चैतदेखि देखिने र आयात बढ्ने अपेक्षा रहेको उनले बताए । गत आवमा ५ खर्ब ६ अर्ब रुपैयाँ राजस्व संकलन गरेको भन्सारलाई चालू आवमा ६ खर्ब ६८ अर्ब रुपैयाँको लक्ष्य दिइएको छ । यो पोहोरको भन्दा ३२ प्रतिशत बढी हो । यसपालि पोहोर बराबर आयात नहुने संकेत देखिएकाले राजस्व संकलन पनि त्यसैअनुसार नहुन सक्ने भन्सार अधिकारीहरूको भनाइ छ । केही दिनअघि आर्थिक अभियानसँगको कुराकानीमा अर्थ मन्त्रालयका राजस्व सचिव रामप्रसाद घिमिरेले पनि यो आर्थिक वर्षमा राजस्व संकलनको लक्ष्य पूरा गर्न कठिन हुने बताएका थिए । उनले पनि आर्थिक संकुचनदेखि अर्थतन्त्रमा देखिएको बाह्य असरलाई राजस्व संकलन कम हुनुको कारण भनेका थिए । आम्दानी र खर्चको खाडल बढ्यो फागुनसम्मको तथ्यांकमा सरकारको आम्दानी र खर्चबीच १ खर्ब ५७ अर्ब रुपैयाँको खाडल देखिएको छ । सरकारी खर्च र आम्दानीको हिसाब राख्ने महालेखा नियन्त्रक कार्यालयका अनुसार फागुन मसान्तसम्म सरकारले राजस्व, अनुदान र अन्य शीर्षकमा ६ खर्ब २२ अर्ब रुपैयाँ आम्दानी गरेको छ । उक्त अवधिमा सरकारी खर्च ७ खर्ब ७९ अर्ब रुपैयाँ नाघेको छ । सरकारको चालू खर्च ६ खर्ब ८ अर्ब र पूँजीगत खर्च ८४ अर्ब रुपैयाँ छ । राजस्वबाट सरकारले फागुनसम्म ५ खर्ब ८२ अर्ब रुपैयाँ आम्दानी गर्दा यस अवधिमा चालू खर्च ६ खर्ब ८ अर्ब पुगेको छ । यसले पछिल्लो समय सरकारी राजस्वले चालू खर्च पनि नधानेको देखाउँछ । पछिल्लो समय सरकारी आम्दानी सन्तोषजनक नहुनु र अनिवार्य दायित्व बढेका कारण अर्थतन्त्रमा समस्या बल्झिएको अर्थसचिव तोयम रायाले मंगलवार संसदीय समितिमा बताएका थिए । यसको असर आगामी वर्ष अझ बढी पर्ने उनको भनाइ छ । सरकारको आम्दानी घटे पनि कर्मचारीलाई तलब खुवाउन आगामी असारसम्म धौधौ नपर्ने उनको दाबी थियो ।

Aarthik Abhiyan फाल्गुन २०७९

भद्रपुर भन्सार कार्यालयमा लक्ष्यभन्दा कम राजस्व असुली

भद्रपुर भन्सार कार्यालयले आर्थिक वर्ष २०७८/७९ मा लक्ष्यको तुलनामा ५६ दशमलव ६७ प्रतिशतमात्र राजस्व असुली भएको जनाएको छ । सूचना अधिकारी प्रभुनारायण मेहताले एक वर्षको अवधिमा भन्सारले ४२ करोड ५८ लाख ३३ हजार राजस्व सङ्कलन गर्ने लक्ष्य लिएकामा २४ करोड १३ लाख ३६ हजार ६०४ रकम असुली गरेको बताए ।उनका अनुसार कोभिड–१९ को असर र ठूला व्यापारीले यो नाकाको प्रयोग नगर्ने, साना व्यापारीले मात्र सामान आयात गर्ने हुँदा पनि राजस्व असुलीमा प्रभाव परेको हो । उनले कोभिड–१९ का कारण लामो समय नाका बन्द हु

Ratopati आषाढ २०७९

लक्ष्यभन्दा १९ प्रतिशत कम राजस्व

चितवन । चालू आर्थिक वर्ष २०७८/७९ को चैतमा चितवनस्थित आन्तरिक राजस्व कार्यालयले लक्ष्यभन्दा १९ प्रतिशत कम राजस्व संकलन गरेको छ । कार्यालयका अनुसार विभागले चैतका लागि २ अर्ब २४ करोडभन्दा केही बढीको लक्ष्य दिएकामा १ अर्ब ८० करोड रुपैयाँभन्दा केही बढी संकलन भएको छ । स्वास्थ्य सेवा करबाहेक अन्य कुनै पनि शीर्षकमा कार्यालयले लक्ष्य भेटेको छैन । स्वास्थ्य सेवा कर शीर्षकमा चैतको लक्ष्य २४ लाख १६ हजार रहेकामा २७ लाख ७ हजार रुपैयाँ संकलन भएको छ । कार्यालयका अनुुसार सबैभन्दा बढी राजस्व अन्त:शुल्क शीर्षकमा उठेको छ । शिक्षा सेवा कर शीर्षकमा राजस्व असुली भएको छैन । चैतमा १ अर्ब ४० करोड अन्त:शुल्क उठेको छ । यो शीर्षकमा १ अर्ब ६३ करोड उठाउने लक्ष्य थियो । शिक्षा सेवा करमा विभागले ४ लाख ६७ हजार रुपैयाँको लक्ष्य दिएको थियो । यस्तै, आयकर शीर्षकमा ३७ करोड ९ लाख लक्ष्य रहेकोमा २५ करोड ९ लाख, बहालकरमा ६१ लाख ७८ हजार लक्ष्य रहेकामा ३५ लाख २६ हजार, ब्याजकरमा १ करोड ११ लाख लक्ष्यमा २६ लाख ४७ हजार रुपैयाँ संकलन भएको छ । मूल्य अभिवृद्धिकर शीर्षकमा २१ करोड ८६ लाख लक्ष्यमा १३ करोड ७० लाख रुपैयाँ संकलन भएको छ । कार्यालयका कर अधिकृत सुशील लम्सालले देशभरका आन्तरिक राजस्व कार्यालयले लक्ष्यभन्दा कम राजस्व संकलन गरेको बताए । ‘कच्चा पदार्थको मूल्य वृद्धि हुँदा फाइदा कम हुन्छ, आयकर पनि कम हुन्छ,’ उनले भने, ‘तरलता अभावको असर र सरकारी बजेट खर्च नभएको कारण पनि राजस्वमा असर पर्ने गर्छ ।’ भरतपुरको आन्तरिक राजस्व कार्यालयको मुख्य स्रोत मदिराजन्य वस्तु भएकोले यसको उत्पादन र खपत कम हुँदा समग्र असुलीमा असर पर्ने लम्सालले बताए । वैशाखदेखि चुनावी चहलपहलसँगै अन्य आर्थिक गतिविधि बढ्ने हुनाले राजस्व संकलन बढ्ने उनको भनाइ छ । कार्यालयका अनुसार विभागले चैतसम्मका लागि १५ अर्ब ३ करोडको लक्ष्य दिएकोमा हालसम्म १४ अर्ब ३० करोड संकलन भएको छ । चालू आर्थिक वर्षको लागि विभागले कार्यालयलाई २१ अर्ब ७२ करोड रुपैयाँ संकलन गर्ने लक्ष्य दिएको छ ।

Aarthik Abhiyan चैत्र २०७८

लक्ष्यभन्दा कम राजस्व संकलन

चितवन । पुस महिनामा आन्तरिक राजस्व कार्यालय, भरतपुरको राजस्व संकलन घटेको छ । आन्तरिक राजस्व विभागले पुुसका लागि २ अर्ब ५१ करोड ७८ लाख ३९ हजार लक्ष्य दिएकोमा कार्यालयले १ अर्ब ७९ करोड ३४ लाख ६० हजार रुपैयाँ मात्र असुली गरेको हो, जुन लक्ष्यभन्दा २९ प्रतिशत कम हो । कार्यालयको राजस्व संकलनको अधिकांश हिस्सा ओगटेको अन्तःशुल्क शीर्षकमा पुसमा ठूलो कमी आएको छ । यस शीर्षकमा लक्ष्यको ५९ दशमलब शून्य १ प्रतिशत मात्र राजस्व संकलन गरेको छ । अन्तःशुल्कतर्फ विभागले १ अर्ब ७७ करोड १९ लाख ७६ हजार असुलीको लक्ष्य दिएकोमा कार्यालयले १ अर्ब ४ करोड ५६ लाख ९१ हजार रुपैयाँ मात्र उठेको हो । कार्यालयले आयकर, बहालकर र स्वास्थ्य सेवा करबाहेक अन्य शीर्षकमा लक्ष्य भेट्टाएको छैन, जसअनुसार आयकर शीर्षकमा ५१ करोड ७७ लाख ५४ हजार लक्ष्य दिइएकोमा ५३ करोड ७८ लाख १५ हजार, बहालकर शीर्षकमा १ करोड ४ लाख ६८ हजार लक्ष्य दिएकोमा १ करोड २६ लाख ३३ हजार र स्वास्थ्य सेवा कर शीर्षकमा ६ लाख ६८ हजार लक्ष्य रहेकोमा १८ लाख ७४ हजार रुपैयाँ राजस्व संकलन भएको छ । यसैगरी मूल्य अभिवृद्धि कर र ब्याजकरमा पनि लक्ष्य अनुसार राजस्व असुली भएको छैन । मूअक शीर्षकमा विभागले २० करोड ३२ लाख ६९ हजार असुलीको लक्ष्य दिएकोमा १८ करोड ३० लाख ८७ हजार र ब्याजकर शीर्षकमा १ करोड ३२ लाख ६६ हजार लक्ष्य दिइएकोमा १ करोड २६ लाख ३३ हजार रुपैयाँ असुली भएको छ । कार्यालयका सूचना अधिकारी एवं कर अधिकृत हरि ढकालले पछिल्ला महिनामा मदिरालगायत वस्तुको कारोबार कम भई राजस्व संकलनमा पनि असर परेको बताए । ‘कोरोनाले गर्दा अझै पनि बजार सामान्य अवस्थामा फर्किएको छैन,’ उनले भने, ‘सबै क्षेत्रको कारोबार सुस्त हुँदा अन्तःशुल्कमा ठूलो असर पर्छ ।’ कार्यालयको राजस्व अन्तःशुल्कमा निर्भर रहने भएकाले पुसको कुल राजस्व संकलन प्रभावित भएको उनको भनाइ छ । ‘अन्य शीर्षकमा जतिसुकै राजस्व असुली भए पनि अन्तःशुल्कमा लक्ष्य अनुसार राजस्व संकलन भएन भने समग्र असुलीमा असर पर्छ,’ उनले भने । विभागले चालू आवको पुस महिनासम्ममा ९ अर्ब ६५ करोड ५१ लाख २ हजार राजस्व असुलीको लक्ष्य दिएकोमा कार्यालयले ९ अर्ब ८४ करोड ८३ लाख ६७ हजार रुपैयाँ संकलन गरेको छ । विभागले यस वर्ष कार्यालयलाई २१ अर्ब ७२ करोड २१ लाख ७९ हजार रुपैयाँ राजस्व संकलनको लक्ष्य दिएको छ ।

Aarthik Abhiyan पौष २०७८

आन्तरिक राजस्व कार्यालय चितवन : लक्ष्यभन्दा १५ प्रतिशत कम राजस्व असुली

चितवन । आन्तरिक राजस्व कार्यालय भरतपुरले वैशाख महीनामा लक्ष्यभन्दा कम राजस्व असुली गरेको छ । कोरोना संक्रमण नियन्त्रणका लागि वैशाख दोस्रो सातादेखि निषेधाज्ञा लागू गरिएपछि यसको असर राजस्व असुलीमा परेको हो । वैशाख महीनामा कार्यालयले २ अर्ब ३३ करोड ७ लाख रुपैयाँ राजस्व असुलीको लक्ष्य पाएकोमा १ अर्ब ८९ करोड २३ लाख १२ हजार रुपैयाँ राजस्व संकलन गरेको हो, जुन लक्ष्यभन्दा १५ दशमलव १७ प्रतिशत कम हो । कार्यालयले वैशाखमा अन्तःशुल्कतर्फ सबैभन्दा बढी राजस्व असुली गरेको छ भने स्वास्थ्य सेवा शीर्षकमा राजस्व असुली शून्य छ । आन्तरिक राजस्व विभागले अन्तःशुल्क शीर्षकमा १ अर्ब ९६ करोड १३ लाख ४ हजार रुपैयाँ राजस्व असुलीको लक्ष्य दिएकोमा कार्यालयले १ अर्ब ५५ करोड ८७ लाख ६२ हजार रुपैयाँ असुली गरेको हो । कार्यालयले आयकर, बहालकर, ब्याजकर र मूल्य अभिवृद्धि कर शीर्षकमा मात्रे लक्ष्यभन्दा बढी राजस्व असुली गरेको छ भने मूल्य अभिवृद्धि कर, शिक्षा सेवा करमा लक्ष्य भेट्न सकेको छैन । आयकर शीर्षकमा ११ करोड ४५ लाख ३५ हजार रुपैयाँको लक्ष्य दिइएकोमा १२ करोड ९३ लाख ४५ हजार, मूल्य अभिवृद्धि करतर्फ १५ करोड १५ लाख ३८ हजार रुपैयाँको लक्ष्य रहेकोमा १९ करोड ८७ लाख ६२ हजार र ब्याज कर शीर्षकमा ९६ लाख ५२ हजार रुपैयाँ असुली गर्ने लक्ष्य पाएकोमा कार्यालयले १५ लाख ९२ हजार रुपैयाँ मात्र असुली गर्न सकेको छ । यस्तै बहाल कर शीर्षकमा १ लाख ८९ हजार रुपैयाँको लक्ष्यमा २२ लाख ३५ हजार रुपैयाँ र शिक्षा सेवा करमा १ लाख ७१ हजार रुपैयाँ लक्ष्य रहेकोमा ७ हजार रुपैयाँ राजस्व असुली भएको छ । कार्यालयका सूचना अधिकारी कपिलराज नेपालले कार्यालयको कर असुलीको मुख्य स्रोत नै अन्तःशुल्क भएको र यस शीर्षकमै कम राजस्व असुली भएकाले लक्ष्य भेट्न नसकिएको बताए । ‘वैशाख लागेदेखि नै निषेधाज्ञाको हल्ला र त्रास फैलियो,’ उनले भने, ‘निषेधाज्ञापछि मदिरा पदार्थको विक्रीवितरण रोकियोे, जसको प्रत्यक्ष असर अन्तःशुल्कतर्फको राजस्व संकलनमा पर्‍यो ।’ अन्य शीर्षकमा लक्ष्यभन्दा बढी संकलन भए पनि अन्तःशुल्क शीर्षकको कर असुलीमा असर परेकाले राजस्व संकलन लक्ष्यभन्दा कम भएको उनको भनाइ छ । चालू आवको १० महीना अवधिमा विभागले १५ अर्ब ६ करोड ३१ हजार रुपैयाँ राजस्व संकलनको लक्ष्य दिएकोमा १४ अर्ब ४ करोड ८७ लाख ३१ हजार रुपैयाँ असुली भएको छ । विभागले कार्यालयलाई चालू आवमा १८ अर्ब ९१ करोड ५८ लाख ८१ हजार रुपैयाँ राजस्व असुलीको लक्ष्य दिएको छ ।

Aarthik Abhiyan बैशाख २०७८

आन्तरिक राजस्व कार्यालयमा निषेधाज्ञाको असर : लक्ष्यभन्दा १५ % कम राजस्व असुली

जेठ ३, चितवन । आन्तरिक राजस्व कार्यालय भरतपुरले चालू आर्थिक वर्ष ०७७ /०७८ को वैशाख महीनामा लक्ष्यभन्दा कम राजस्व असुली गरेको छ । कोरोना संक्रमणका कारण वैशाख महीनाको दोस्रो सातादेखि निषेधाज्ञा लागू गरिएपछि यसको असर राजस्व असुलीमा परेको हो । उक्त महीनामा २ अर्ब ३३ करोड ७ लाख रुपैयाँ लक्ष्य रहेपछि उक्त कार्यालयले १ अर्ब ८९ करोड २३ लाख १२ हजार रुपैयाँ राजस्व असुल गरेको हो । जसअनुसार कार्यालयको राजस्व असुली सबै शिर्षकमा गरी १५ दशमलव १७ प्रतिशत कम भएको छ । कार्यालयले वैशाख महीनामा सबै शिर्षकमध्ये सवैभन्दा बढी अन्तःशुल्कबाट कर असुली गरेको छ भने स्वास्थ्य सेवा करमा कुनै कर असुली गरेको छैन । वैशाख महीनामा आन्तरिक राजस्व विभागले अन्तः शुल्क शिर्षकमा १ अर्ब ९६ करोड १३ लाख ४ हजार रुपैयाँ लक्ष्य दिएपनि १ अर्ब ५५ करोड ८७ लाख ६२ हजार रुपैयाँ कर असुली भएको छ । स्वास्थ्य सेवा कर शिर्षकमा १४ लाख ५१ हजार रुपैयाँ लक्ष्य दिएपनि कार्यालयले कुनै कर असुलेको छैन । वैशाख महीनामा विभागले दिएको लक्ष्य भन्दा बढी कर असुली कार्यालयले आयकर, बहालकर, ब्याजकर र मूल्य अभिवृद्धि कर शिर्षकमा मात्र गरेको छ भने मुल्य अभिवृद्धि कर, शिक्षा सेवा कर र स्वास्थ्य सेवा करमा लक्ष्य अनुसार कर असुली भएको छैन । जसअनुसार आयकर शिर्षकमा ११ करोड ४५ लाख ३५ हजार लक्ष्य लिइएकोमा १२ करोड ९३ लाख ४५ हजार रुपैयाँ राजस्व असुली भएको छ । मुल्य अभिवृद्धि करतर्फ १५ करोड १५ लाख ३८ हजार रुपैयाँ लक्ष्य दिइएकोमा १९ करोड ८७ लाख ६२ हजार रुपैयाँ कर असुली भएको छ । ब्याज कर शिर्षकमा १५ लाख ९२ हजार रुपैयाँ कर असुली भएको छ । उक्त शिर्षकमा ९६ लाख ५२ हजार रुपैयाँ कर असुली गर्ने लक्ष्य दिइएको थियो । यस्तै बहाल कर शिर्षकमा १ लाख ८९ हजार रुपैयाँ लक्ष्य दिइएकोमा २२ लाख ३५ हजार रुपैयाँ राजस्व असुली भएको छ भने शिक्षा सेवा करमा १ लाख ७१ हजार रुपैयाँ लक्ष्य दिइएकोमा जम्मा ७ हजार रुपैयाँ राजस्व असुली भएको छ । कार्यालयका सूचना अधिकारी कपिलराज नेपालले भरतपुर आन्तरिक राजस्व कार्यालयको मुख्य कर असुलीको श्रोत नै अन्तःशुल्क भएको र यस शिर्षकमानै कम राजस्व असुली भएकोले लक्ष्यभन्दा कम असुली भएको बताए । ‘निषेधाज्ञाको हल्ला र त्रास वैशाख लागेपछि नै भयो’, उनले भने, ‘त्यसपछि मदिराजन्य उत्पादनको विक्री वितरण पनि रोकियोे ।’ अन्य शिर्षकमा लक्ष्यभन्दा बढी संकलन भएपनि अन्तःशुल्क शिर्षकको कर असुलीमा असर परेका कारण लक्ष्यभन्दा कम राजस्व असुली भएको उनको भनाइ छ । ‘बजारमा आर्थिक गतिविधि पनि कम भयो, मदिराजन्य वस्तुको माग र आपूर्ति पनि घट्यो’, उनले भने । वैशाख महीनासम्म १० महीनाको अवधिमा विभागले १५ अर्ब ६ करोड ३१ हजार रुपैयाँ लक्ष्य दिएकोमा १४ अर्ब ४ करोड ८७ लाख ३१ हजार रुपैयाँ राजस्व असुली भएको छ । विभागले कार्यालयलाई यसवर्ष १८ अर्ब ९१ करोड ५८ लाख ८१ हजार रुपैयाँ राजस्व असुली गर्ने लक्ष्य दिएको छ ।

Aarthik Abhiyan बैशाख २०७८

सहसचिवको सरुवाले राजस्व असुलीमा समस्या - Karobar National Economic Daily

काठमाडौंः अर्थ मन्त्रालयले सरकार परिवर्तनसँगै उच्चतहका अधिकृतको सरुवा गर्दा राजस्व प्रशासनमा असर परेको जनाएको छ । चालु आर्थिक वर्षको पहिलो महिनामा लक्ष्यभन्दा ७ अर्ब कम राजस्व संकलन भएपछि अर्थले यस्तो…

Karobar Daily श्रावण २०७४

कम राजस्व र यसको असर

सम्बन्धित सामग्री