काठमाडौं। हाकिम जियाचको गोलमा चेल्सीले म्यानचेस्टर सिटीलाई १–० ले हराउँदै एफए कपको अन्तिम फाइनलमा पुगेको छ। चेल्सीको जितमा जियाचले ५५औं मिनेटमा गरेको गोल निर्णायक बन्यो। चेल्सीले अब फाइनलमा लेस्टर सिटी र साउथह्याम्पटनबीचको विजेतासँग प्रतिस्पर्धा गर्नेछ। चेल्सीले गत साता पोर्टोलाई हराउँदै च्याम्पियन्स लिगको अन्तिम चारमा स्थान बनाएको थियो। सिटीले भने जारी सिजन चार उपाधि जित्ने मौका गुमायो।
