सकियो ट्रेड एक्स्पो, ४० करोडभन्दा बढी कारोबार

ट्रेड एक्स्पोमा ४ दिनमा ४ करोडको कारोबार

मोरङ व्यापार संघको १० दिने ट्रेड एक्स्पो-२०२३ को चौथो दिनसम्ममा ४ करोडभन्दा बढीको कारोबार भएको आयोजकले जनाएको छ । एक्स्पोमा कृषिजन्य र औद्योगिक उत्पादनदेखि भान्सारका सामानको स्टलमा उपभोक्ताको भीड बढ्दो छ ।

कान्तिपुर मंसिर २०८०

ट्रेड एक्स्पो २०२२ सम्पन्न : ३ लाख ५० हजारले गरे अवलोकन, ४० करोडको कारोबार

विराटनगर । मोरङ व्यापार संघको आयोजनामा विराटनगरमा सञ्चालित ‘ट्रेड एक्स्पो २०२२’ सम्पन्न भएको छ । चैत १८ देखि २७ गतेसम्म सञ्चालन भएको एक्स्पो ३ लाख ५० हजारले अवलोकन गरेका छन् भने ४० करोड बराबरको कारोबार भएको छ । एक्स्पोमा सबैभन्दा बढी कारोबार अटोमोबाइलको भएको छ । आइतवार एक्स्पोको समापन कार्यक्रममा प्रमुख अतिथि एवं प्रदेश १ का मुख्यमन्त्री राजेन्द्र राईले विराटनगरमा एउटा स्थायी प्रदर्शनी स्थल निर्माणमा भइरहेको अवरोधको कारण खोजेर निर्माण अघि बढाउन आफू तयार रहेको बताए । यसअघि उद्योगी व्यवसायीले विराटनगरमा स्थायी प्रदर्शनी स्थल हुनुपर्ने माग राख्दै आएका थिए । कार्यक्रममा मोरङ व्यापार संघका अध्यक्ष नवीन रिजालले मुलुकको दोस्रो ठूलो शहरको रूपमा आफ्नो पहिचान बनाएको विराटनगर अहिले छैटौं स्थानमा पुग्ने अवस्था कसको कारण भएको भन्दै नेताहरूलाई प्रश्न गरे । भौगोलिक सुन्दरता र प्रशस्त पर्यटकीय गन्तव्य भएर पनि प्रदेश १ पर्यटन प्रवर्द्धनमा पछि पर्नु विडम्बना भएको उनले बताए । उद्योग संगठन मोरङका अध्यक्ष सुयशराज प्याकुरेलले सरकारलाई जिम्मेवार बनिदिन आग्रह गरे । सरकारले प्रदर्शनी स्थल सञ्चालन गर्न दिए पनि तिनकै दलका नेताबाट अवरोध हुँदा काम अघि नबढेको उनले बताए । नेकपा एमाले, मोरङका अध्यक्ष ऋषिकेश पोखरेलले उद्योगी व्यवसायीको समस्या समाधानमा आफूहरू प्रतिबद्ध रहेको बताए । नेपाल पत्रकार महासंघ, प्रदेश १ का अध्यक्ष लीलावल्लभ घिमिरेले पत्रकारले जहिले पनि उद्योगी व्यवसायीका समस्या लेखिरहने, तर कार्यान्वयन गर्ने सरकार पक्ष भने समाचार हेरेर उदास रहनाले मुलुकको समग्र विकास नहुने बताए । नेपाल उद्योग परिसंघ, प्रदेश १ अध्यक्ष भीम घिमिरेले एक्स्पो ऐतिहासिक रूपमा सफल भएको बताए । विराटनगरमा एउटा प्रदर्शनी स्थलको आवश्यकता रहेको भन्दै उनले सबैले त्यसको कार्यान्वयनका लागि पहल गर्नुपर्नेमा जोड दिए । नेपाली कांग्रेसका केन्द्रीय सदस्य अमृत अर्यालले दोस्रो ठूलो शहरबाट छैटौं स्थानमा पुगेको विराटनगरको शाख फर्काउन सबैले पहल गर्नुपर्ने बताए । कार्यक्रममा विराटनगर महानगरपालिकाका मेयर भीम पराजुलीले विराटनगर विमानस्थल विस्तार र विराटनगरमा स्थायी प्रदर्शनीस्थल निर्माणका लागि महानगरपालिकाको सक्रिय सहयोग रहने बताए । प्रदेश सरकारका पूर्वमन्त्री तथा एमालेका केन्द्रीय सदस्य हिक्मत कार्कीले विराटनगरको विमानस्थल निर्माणमा अहिलेको सरकारका पर्यटन मन्त्रीको उदासीनताले काम ढिला भइरहेको बताए । कार्यक्रममा एक्स्पो संयोजक विकास वेगवानीले स्थानीय अर्थतन्त्र चलायमान हुनेगरी मेलामा स्थानीयको सहभागिता भएकोमा सबैप्रति आभार व्यक्त गरे । मोरङ व्यापार संघका पूर्वअध्यक्ष ताराचन्द खेतानले अहिलेको विषम परिस्थितिमा सरकार निजीक्षेत्रसँग मिलेर अघि बढ्नुपर्ने बताए ।

Aarthik Abhiyan फाल्गुन २०७८

विराट एक्स्पो सकियो, ४० करोडको कारोबार

कोरोना महामारीपछि विराटनगरमा आयोजना गरिएको ‘विराट ट्रेड एक्स्पो’सफल भएको आयोजकले दाबी गरेको छ । एक्स्पोमा ४० करोड बराबरको कारोबार भएको र २ लाख ५० हजारले अवलोकन गरेको आयोजक मोरङ व्यापार संघका अध्यक्ष नविन रिजालले जानकारी दिए । चैत १८ देखि २७ गतेसम्म संचालन भएको एक्स्पोको आज समापन गरिएको छ । एक्स्पोमा सबैभन्दा बढी इलोक्टे«निक र अटोमावाइलको सामानहरू बिक्री भएको मेलाका संयोजक विकास बेगवानीले बताए । एक्स्पोमा ८० वटा एसीसहितका, ६० वटा कुलरसहितका र १०६ वटा सामान्य स्टल

Ratopati फाल्गुन २०७८

‘ट्रेड एक्स्पो २०२२’ आइतवारसम्म सञ्चालन हुने, पौने २ लाख बढीले गरे अवलोकन

विराटनगर । मोरङ व्यापार संघले आयोजना गरेको ट्रेड एक्स्पो २०२२ मा छैटौं दिन (बुधवार)सम्ममा १५ करोड रुपैयाँको व्यावसायिक कारोबार भएको छ । एक्स्पो १ लाख ८० हजारले अवलोकन गरेका छन् । स्थानीयको रुचि र मागका कारण एक्स्पोको अवधि एक दिन थप गरिएको छ । यसअघि निर्धारित तालिका अनुसार शनिवार सम्पन्न हुने भनिएको एक्स्पो अब आइतवार समापन हुनेछ । अपेक्षा गरिएको भन्दा बढी दर्शक आएपछि उनीहरूको इच्छा अनुसार एक्स्पो एक दिन थप गर्ने निर्णय गरिएको संयोजक विकास बेगवानीले जानकारी दिए । चैत १८ देखि २६ गतेसम्म एक्स्पो सञ्चालन गर्ने भनिएको थियो । ‘दर्शकको माग अनुसार मेला बढाउनुपर्ने भयो,’ उनले भने, ‘उनीहरूको चाहना बमोजिम चैत २७ गतेसम्म सञ्चालन गर्ने निर्णय गरिएको छ ।’ एक्स्पोमा आउने दर्शक संख्या बढेको मोरङ व्यापार संघका अध्यक्ष नवीन रिजालले बताए । ‘हामीले सोचेभन्दा धेरै दर्शक आएका छन् । एक्स्पोलाई दर्शकले मन पराइदिनुभएको छ,’ उनले भने । उनका अनुसार एक्स्पोमा विद्युतीय सामग्री र अटोमोबाइल बढी विक्री भएको छ । एक्स्पोमा ८० ओटा एसीसहितका, ६० ओटा कुलरसहितका र १०६ ओटा सामान्य स्टल रहेका छन् । ‘सबै स्टलहरू दर्शकको रोजाइमा परेका छन्,’ संयोजक बेगवानीले भने । एसीसहितका स्टलका लागि ६० हजार, कुलर स्टलका लागि ४० र सामान्य स्टलका लागि ३० हजार रुपैयाँ शुल्क तोकिएको थियो । यस्तै अटो स्टलका लागि ७० हजार शुल्क निर्धारण गरिएको थियो । एक्स्पोमा अटोमोबाइलका १० र फूड स्टल १० ओटा छन् । संघका वरिष्ठ उपाध्यक्ष अनुपम राठीले एक्स्पोमा राखिएका साहसिक खेलहरूमा उपभोक्ताको आकर्षण देखिएको बताए । साहसिक खेल खेल्न टाढा र निकै दिनको यात्रा गरेर पुग्नुपर्ने भएकाले पनि एक्स्पो उनीहरूका लागि उपयुक्त स्थल भएको उनको भनाइ छ । आम सर्वसाधारणले एकपटक भए पनि खेलून् भन्ने सोचले एक्स्पो स्थलमा जिपलाइन, रिभर्स बन्जी र जिप साइक्लिङ लगायत साहसिक खेलको व्यवस्था गरिएको उनले बताए । एक्स्पोमा दर्शकलाई मनोरञ्जन प्रदान गर्न दैनिकजसो विभिन्न राष्ट्रिय कलाकारहरूले प्रस्तुति दिँदै आएका छन् । सोही क्रममा आउँदो शुक्रवार गायक डम्बर नेपाली र गायिका इन्दिरा जोशीले सांगीतिक प्रस्तुति दिँदै छन् । एक्स्पोमा राखिएका लण्डन ब्रिज, बुर्ज खलिफा, बुर्ज अल अरब, सेन्ट बेसिल जस्ता अन्तरराष्ट्रिय संरचनाको नमूनाले आकर्षण थपेका छन् । यस्तै सेल्फी जोनमा फोटो खिच्नेको भीड लाग्ने गरेको छ । एक्स्पोमा नेपालसँगै भारत, बंगलादेश र पाकिस्तानका उत्पादन समेत विक्रीका लागि राखिएका छन् ।

Aarthik Abhiyan फाल्गुन २०७८

विराट ट्रेड एक्स्पो– ६ दिनमा १५ करोडको कारोबार

मोरङ व्यापार संघको आयोजनामा ६ दिनदेखि सञ्चालन भइरहेको विराट ट्रेड एक्स्पो–२०७८ मा १५ करोडको कारोबार भएको छ । एक्स्पो आयोजक संस्था व्यापार संघले आज पत्रकार सम्मेलन गरी १ लाख ६० हजार बढीले मेला अवलोकन गरेको र १५ करोडको कारोबार भएको जानकारी दिएको हो । आयोजकले मेलाको समयावधि पनि बढाएको छ । अब मेला चैत २७ गतेसम्म सञ्चालन हुनेछ । यसअघि चैत २६ गतेसम्म मेला सञ्चालन हुने बताइएको थियो । पत्रकार सम्मेलनमा बोल्दै मेलाका संयोजक विकास बेगवानीले अपेक्षाभन्दा बढी दर्शक आएपछि उनीहरूको इच्छाअनुसार एक्स

Ratopati फाल्गुन २०७८

मोरङ व्यापार संघको ट्रेड एक्सपोमा १५ करोडको कारोबार

विराटनगर । मोरङ व्यापार संघले विराटनगरमा लगाएको ‘ट्रेड एक्स्पो’ मा १५ करोड बराबरको आर्थिक कारोबार भएको छ । ६ दिनमा अवधिमा १ लाख ८० हजार जनाले एक्सपो अवलोकन गरेको र १५ करोड रुपैयाँ बराबरको आर्थिक कारोबार भएको संघले जनाएको छ । बुधबार मेलास्थलमै आयोजना गरिएको पत्रकार सम्मेलनमा एक्सपो संयोजक विकास बेगवानीले एक...

बाह्रखरी फाल्गुन २०७८

विराट ट्रेड एक्स्पो सुरु, ४० करोडको कारोबार हुने अनुमान

विराटनगर । विराटनगरमा विराट ट्रेड एक्स्पो सुरु भएको छ । मोरङ व्यापार संघको आयोजनामा सो एक्स्पो सुरु भएको सो एक्स्पोको उद्घाटन संस्कृति पर्यटन तथा नागरिक उड्डयनमन्त्री प्रेम आलेले शुक्रबार उद्घाटन गरेका हुन् । चैत २६ गतेसम्म चल्ने एक्स्पो उद्घाटन गर्दै मन्त्री आलेले औद्योगिक क्षेत्रमा देखिएका समस्या समाधान गर्न सरकार गम्भीर रहेको...

बाह्रखरी फाल्गुन २०७८

‘मोरङ व्यापार संघ ट्रेड एक्स्पो २०२२’को तयारी पूरा

विराटनगर (अस) । प्रदेश नं १ को राजधानी विराटनगरमा आयोजना हुने ‘मोरङ व्यापार संघ ट्रेड एक्स्पो–२०२२’ को सम्पूर्ण तयारी पूरा भएको छ । चैत १८ गतेदेखि २६ गतेसम्म विराटनगर–२ स्थित शंकरपुर मार्गमा आयोजना हुने एक्स्पोको सम्पूर्ण तयारी पूरा भएको बिहीवार पत्रकार सम्मेलनमार्फत मोरङ व्यापार संघ, एक्स्पो आयोजक समितिले जानकारी दिएको हो । आयोजक समितिका अनुसार शुक्रवार बिहान ११ बजे संघीय सरकारका संस्कृति, पर्यटन तथा नागरिक उड्डयनमन्त्री प्रेम आलेले एक्स्पोको उद्धाटन गर्नेछन् । विशेष आकर्षणसहित आयोजना हुन लागेको एक्स्पो विगतका वर्षको भन्दा फरक हुने आयोजकले बताएको छ । एक्स्पो सञ्चालनको अवधिभर १ अर्ब रुपैयाँ बराबरको कारोबार हुने आयोजकको अनुमान छ । यसपटकको एक्स्पोमा स्वदेश तथा विदेशका विभिन्न उत्पादनसहित लन्डन ब्रिज, बुर्ज खालिफा, बुर्ज अल अरब र सेन्ट बेसिल जस्ता अन्तरराष्ट्रिय ख्यातिप्राप्त संरचनाको प्रतीक आकर्षणका रूपमा रहेका छन् । ९ दिनसम्म चल्ने एक्स्पोमा नेपालसहित भारत, बंगलादेश र पाकिस्तानका उत्पादनको समेत प्रदर्शनी एवं विक्री हुनेछ । एक्स्पोमा कृषि, पर्यटन, सूचना प्रविधि, अटोमोबाइल्स, बाल उद्यान र खानाका विभिन्न परिकार उपलब्ध हुनेछ । साथै राष्ट्रिय तथा स्थानीय कलाकारको प्रस्तुति समेत रहनेछ । एक्स्पोबाट स्वदेशी उत्पादन तथा प्रविधिको प्रचारप्रसार, उत्पादक–उपभोक्ताबीच सम्बन्ध विस्तार, पर्यटन प्रवर्द्धन र लगानीमैत्री वातावरणमा समेत सहयोग पुग्ने अपेक्षा गरिएको छ । कुल २७० स्टल रहने एक्स्पो ४ लाखभन्दा बढीले अवलोकन गर्ने आयोजकले बताएको छ । एक्स्पोको प्रवेश शुल्क १०० रुपैयाँ तोकिएको छ । विद्यार्थीका लागि भने विशेष छूटको व्यवस्था गरिएको छ ।

Aarthik Abhiyan फाल्गुन २०७८

‘ट्रेड एक्स्पो २०२२’ को तयारी पूरा

विराटनगर । मोरङ व्यापार संघले चैत १८ देखि २६ गतेसम्म आयोजना गर्ने ‘रमपम ट्रेड एक्स्पो २०२२’ को तयारी पूरा भएको छ । पर्यटन तथा नागरिक उड्डयनमन्त्री प्रेम आलेले उद्घाटन गर्ने उक्त एक्स्पोको तयार पूरा भएको आयोजकले जानकारी दिएको हो । मोरङ व्यापार संघका उपाध्यक्ष एवं एक्स्पो आयोजक समितिका संयोजक विकास बेगवानीले सबै (२७० ओटा) स्टल विक्री भएर धमाधम निर्माण समेत भइरहेको बताए । अहिले ९० प्रतिशत स्टल निर्माण भइसकेको र बाँकी दुई दिनभित्र सम्पन्न हुने उनको भनाइ छ । सबै स्टल विक्री भइसकेको भए पनि अहिले २७ ओटा कम्पनी स्टलका लागि प्रतीक्षामा छन् । मेलामा पहिलोपटक एयर कन्डिसनयुक्त डोम, एयर कुलर डोमसहित साधारण स्टलहरू छन् । कोरोना महामारीपछि पूर्वी नेपालमा सबैभन्दा ठूलो प्रदर्शनी र सम्मेलनको रूपमा मेला सञ्चालन हुन लागेको संघका अध्यक्ष नवीन रिजालले जानकारी दिए । मेला नयाँ र विद्यमान स्वदेशी उत्पादन तथा सेवाको प्रदर्शन, विक्री र लगानीको सम्भावनाबारे छलफल गर्ने उत्कृष्ट थलो हुने उनले बताए । सात दिनसम्म चल्ने मेलामा करीब १ अर्बको कारोबार हुने अनुमान गरिएको संघका उपाध्यक्ष तथा एक्स्पो आयोजक समितिका संयोजक विकासकुमार बेगवानीले बताए । उनका अनुसार मेलामा एसीसहितको ८०, कुलरसहितका ६०, साधारण १०६, अटो २५ र खाद्यान्नका १० ओटा स्टल रहनेछन् । आयोजकले एसी स्टलका लागि ६० हजार, कुलर स्टलका लागि ४० हजार, साधारण स्टलका लागि ३० हजार, अटो स्टलका लागि ७० हजार र खाद्यान्नका स्टलका लागि ६० हजार रुपैयाँ शुल्क निर्धारण गरेको छ । मेला ४ लाखभन्दा बढीले अवलोकन गर्ने आयोजकको अपेक्षा छ । मेलालाई रमपम चाउचाउले मुख्य प्रायोजन गरेको छ । यस्तै सेन्चुरी मसला सहायक प्रायोजक रहेको छ भने दोस्रो र तेस्रो प्रायोजकका रूपमा रिजालको र बाबा गुड हेल्थ छन् । मेलास्थलमा प्रवेशका लागि १ सय रुपैयाँ शुल्क लाग्ने आयोजकले बताएको छ । व्यापार संघले यसअघि कोशी महोत्सव २०५३, पूर्वाञ्चल औद्योगिक व्यापार मेला २०५७, विराट महोत्सव २०६२, विराट महोत्सव २०७०, विराट टे«ड एक्स्पो २०७५ लगायत मेला आयोजना गरिसकेको छ । मेलाले प्रदेश १ को पर्यटन क्षेत्रको विकासका लागि समेत महत्त्वपूर्ण टेवा पुग्ने मोरङ व्यापार संघका पूर्वअध्यक्ष प्रकाश मुन्दडाले बताए । सरकारले प्रदर्शनीस्थल नबनाइदिएकाले आफूहरूले अस्थायी संरचना बनाएर मेला आयोजना गर्नु परेको र धेरै खर्च हुने गरेको उनले गुनासो गरे ।

Aarthik Abhiyan फाल्गुन २०७८

‘मोरङ व्यापार संघ ट्रेड एक्स्पो २०२२’ हुँदै

विराटनगर (अस) । मोरङ व्यापार संघले चैत १८ देखि २६ गतेसम्म ‘मोरङ व्यापार संघ ट्रेड एक्स्पो २०२२’ आयोजना गर्ने भएको छ । प्रदेश १ को उद्योग, व्यवसाय, कृषि, पर्यटन र सेवा क्षेत्रको विकास एवं प्रवर्द्धन गर्ने उद्देश्यले संघले अन्तरराष्ट्रिय स्तरको कृषि, पर्यटन तथा औद्योगिक प्रदर्शनी आयोजना गर्न लागेको हो । मेलाले उत्पादन तथा सेवाको प्रवर्द्धन, स्वदेशी र विदेशी उत्पादनको प्रदर्शनी, विक्रीका साथै व्यापार र लगानीका सम्भावनाको पहिचानमा मद्दत पुग्ने कार्यक्रमका संयोजक विकासकुमार बेगवानीले बताए । सुनसरी मोरङ औद्योगिक कोरिडोरको प्रवद्र्धन र अर्थतन्त्रलाई चलायमान राख्ने उद्देश्यले आयोजना गरिने प्रदर्शनीमा प्रविधियुक्त एसी र कुलर सहितका २८१ ओटा स्टल रहने आयोजकले जानकारी दिएको छ । प्रदर्शनीमा करीब ३ करोड खर्च हुने र करीब ४५ करोडसम्मको कारोबार हुने आयोजकको अनुमान छ ।

Aarthik Abhiyan माघ २०७८

सकियो ट्रेड एक्स्पो, ४० करोडभन्दा बढी कारोबार

सम्बन्धित सामग्री