भत्केका गल्ली; नखनेका पहाडी बाटा
र खाद्यान्नको लाइनमा खोज्नु !
मेरा लास पनि समाचार हुन्नन्
समाचार बिचरो ख्वामित वरिपरी घुम्छ
कानुनले प्रभुका पाउ चुम्छ
आकाश खसेर के हुन्छ ? खस्छ, रुन्छ
म अर्को पाइला झरिदिन्छु
पंख छैन मेरो, उत्तानो परिदिन्छु
म जिउँदा जिउंदै कतिचोटी मरिदिन्छु
र पनि सलाम ठोक्न उठेको हुन्छु ख्वामितलाई
सडकपेटीको म बिचरो !
धिक्कार ! अधुरो रैती अधमरो !
बा ! म तिम्रो नालायक छोरो !
