काठमाडौं : पछिल्लो २४ घन्टामा देशभरि ९ जना कोभिड-१९ का संक्रमित भेटिएका छन्। स्वास्थ्य तथा जनसंख्या मन्त्रालयको विवरणअनुसार ४ हजार २ सय ५५ जनामा गरिएको परीक्षणमा ९ जना संक्रमित भेटिएका हुन्। आज १८ जना संक्रमित संक्रमणमुक्त भएका छन् भने हाल देशभरि २ सय ११ जना सक्रिय संक्रमित रहेका छन्‚ जसमध्ये काठमाडौं उपत्यकामा ४४ जना रहेका छन्। हाल देशभरिका ९५ प्रतिशत लक्षित जनसंख्याले कोरोना विरुद्धको खोप लगाइसकेका छन्।
