धनकुटा नगरपालिका-५ मा नयाँ वर्ष २०८० को अवसरमा शुक्रबारदेखि पहिलो कोप्चे महोत्सव सुरु भएको छ । ‘मौलिकता संरक्षण, पर्यटन प्रवर्द्धन’ भन्ने नाराका साथ ऐतिहासिक बिहीबारे हाटस्थलमा तीनदिने महोत्सव धनकुटा नगरपालिकाका प्रमुख चिन्तन तामाङले शुभारम्भ गरे । उक्त अवसरमा मौलिक नेवारी र आठपहरिया जातिको कला, संस्कृति, भेषभुषा, रहनसहन र परिकार विशेष आकर्षण रहेको महोत्सव संयोजक संस्था सामाजिक विकासका लागि युवाहरुको प्रयास (यस्ड)का अध्यक्ष रिजन पोखरेलले जानकारी दिए ।
