नेकपा एमालेका सांसद एवम् प्रदेश १ का पूर्वमुख्यमन्त्री भीम आचार्यले संघीय सरकारले अधिकार नदिएका कारण प्रदेश सरकारले काम गर्न नसकेको बताएका छन् । उनले संघीय सरकार निकम्मा बन्दा प्रदेश सरकारको औचित्यमाथि प्रश्न उठिरहेको बताए ।
मधेस प्रदेशका पूर्वमुख्यमन्त्री लालबाबु राउतले संघीय सरकार र पार्टीको गुणगान गाएर प्रदेशको अधिकार प्राप्त हुन नसक्ने बताएका छन् । ‘संघीय सरकारको गुणगान गाएर सडकको हवल्दारले समेत टेर्दैनन्,’ राउतले भने,‘संघीय सरकार र पार्टीको गुणगान पार्टीको मञ्चमा गर्नुस् । प्रदेशसभामा पार्टीको गुणगान गाउनुको औचित्य छैन ।’
