वैशाख ७, काठमाडौं । शिखर इन्स्योरेन्स कम्पनी लिमिटेडको हकप्रद शेयर वैशाख ५ गते बाँडफाँट भएको छ ।
कम्पनीले गत माघ २० गतेसम्मका कायम शेयरधनीहरुका लागि चैत १ गतेदेखि चैत २१ गतेसम्म प्रतिशेयर रू. १०० अंकित मूल्यमा ५२ लाख ७५ हजार ५७२ कित्ता हकप्रद शेयर विक्री खुला गरेको थियो ।
सो मध्ये रितपूर्वक आवेदन दिने २७ हजार ७१० जना शेयरधनीलाई ५१ लाख ९७ हजार ८५१ दशमलव १२ कित्ता शेयर बाँडफाँट गरेको हो ।
कम्पनीले हाल कायम चुक्तापूँजी रू. १ अर्ब ७५ करोडको आधारमा ३० प्रतिशत अर्थात् १ बराबर शून्य दशमलव ३ अनुपातमा उक्त हकप्रद शेयर विक्री गरेको हो ।
कम्पनीको विक्री प्रवन्धकमा एनआईबिएल एस क्यापिटल रहेको छ ।
