असोज १४, काठमाडौं । कुमारी क्यापिटलको उत्सवलाई महाउत्सव बनाउने योजना सार्वजनिक गरेको छ । पूँजी बजार भन्दा बाहिर रहेका नयाँ लगानीकर्ताहरुलाई हितग्राहीखाताको पहुँच वृद्धि गर्ने उदेश्यसहित योजना उक्त योजना सार्वजनिक गरेको कम्पनीले जानकारी दिएको छ ।
डिम्याट खाता सम्बन्धि समस्यामा रहेक खातावालले समेत यो योजनाबाट लाभान्वित हुने अपेक्षा कम्पनीले गरेको छ । कम्पनीका अनुसार सरकारको ‘एक नेपाली एक डिम्याट खाता’ अभियान अन्तर्गत नि:शुल्क हितग्राही खाता खोल्न सकिनेछ ।
खाता खोल्नका लागि अनलाइनमार्फत निवेदन दिन सकिने कम्पनीले जानकारी दिएको छ । उक्त खाता कुमारी बैंकका सबै शाखा र क्यापिटलका कार्यालयबाट खाता खोल्न सकिनेछ ।
नि:शुल्क लगानी परामर्श, खाता खोल्ने ग्राहकलाई पोर्टफोलियो म्यानेजमेन्ट सेवामा वार्षिक २५ प्रतिशत छूट, आफूसँग भएको भौतिक शेयरलाई तुरुन्तै डिम्याट खातामा ल्याउने व्यवस्था लगायतका सुविधा रहेको कम्पनीले जानकारी दिएको छ ।
