आगामी आर्थिक वर्ष (२०७६÷७७) का लागि संघीय सरकारले वित्तीय हस्तान्तरणको निम्ति प्रदेश तहको लागि ९९ अर्ब ८४ करोड ४४ लाख रुपैयाँ विनियोजन भएकामा वित्तीय समानीकरण अनुदान भने कर्णाली प्रदेशले सबैभन्दा बढी पाएको छ । कर्णालीले ९ अर्ब १३ करोड १४ लाख रुपैयाँ पाएको हो । विकासमा पिछडिएको कर्णाली प्रदेशको लागि संघीय सरकारले सबैभन्दा धेरै समानीकरण अनुदान हस्तान्तरण गर्ने भएपछि स्थानीयस्तरमा उत्साह देखिएको छ ।
