होटल तथा पर्यटन व्यवसाय सञ्चालन गरिरहेका व्यवसायीहरूले बैंकबाट लिएको व्यावसायिक कर्जाको व्याजमा ५० प्रतिशत छुट गराईदिन माग गरेका छन् ।
कोरोना भाइरसको महामारी दिनानुदिन तीव्र गतिमा संसारभर फैलिँदो रहेको तथा यसको संक्रमणबाट सुरक्षित रहन हरेक देशका नागरिकहरू अहिले आ–आफ्नै घरभित्र बस्न बाध्य भएकाले स्वदेश तथा विदेशका पर्यटकहरूको भरमा चल्ने होटल तथा पर्यटन व्यवसाय त पूर्णरूपमा धारासायी हुने भन्दै होटल तथा पर्यटन व्यवसायी संघ नेपालले होटल तथा पर्यटन व्यवसायमा सरकारका तर्फबाट लगाइएका सम्पत्तिकर, व्यवसायकर, मूल्य अभिवृद्धि कर, विभिन्न प्रकारका राजस्वहरूमा छुटको व्यवस्था गर्नुका साथै विभिन्न दस्तुरहरू, पानी, बिजुली लगायतका महसुलमा ५० प्रतिशत प्रतिशत छुट गरी राहतको व्यवस्था गराइदिनु पनि माग गरेको छ ।
