उद्योग वाणिज्य तथा आपूर्ति मन्त्री गजेन्द्रबहादुर हमालले राजिनामा दिएका छन् । उनले आज आइतबार बिहान प्रधानमन्त्री शेरबहादुर देउवालाई राजीनामा बुझाएका हुन् ।प्रधानन्यायाधीश चोलेन्द्र शमशेर जबराको कोटाबाट मन्त्री बनेको आरोप लागेपछि उनले राजिनामा दिएका हुन् । प्रधानन्यायाधीशको कोटामा मन्त्री बनाईएको भन्दै प्रधानन्यायाधीश कै राजिनमा माग्न सुरु भएपछि हमाल पछाडी हटेका हुन् । यद्यपि उनले र सत्ता गठबन्धनका नेताहरुले भने प्रधानन्यायाधीशको कोटामा नभई कांग्रेसको कोटामा मन्त्री बनेको बताउदै आएका छन् । प्रधानन्यायाधीशले मन्त्रीमा कोटा खोजेको भन्दै बरिष्ठ अधिवक्ताहरुले पनि प्रधानन्यायधीशको राजिनामा मागेका छन् । कतिपयले उनी माथि महाभियोग लगाउनु पर्ने माग गरेका छन् ।