लण्डन : चेल्सीले आफ्ना मुख्य प्रशिक्षक थोमस टुचेललाई बर्खास्त गरेको छ। मंगलबार राति जारी सिजनको पहिलो च्याम्पियन्स लिग खेलमा क्रोएसियन क्लब डाइनामो जाग्रेबसँग १-० ले पराजित भएपछि टुचेल बर्खास्तीमा परेका हुन्।४९ वर्षीय टुचेलले लाम्पार्डलाई विस्थापित गर्दै २६ जनवरी २०२१ मा क्लबको कमाण्ड समालेका थिए। त्यसअघि बोरुसिया डर्टमन्ड र पिएसजीको टिम समालेका उनले पहिलो सिजनमा क्लबलाई महत्त्वपूर्ण उपाधि समेत दिलाएका थिए। चेल्सीसँग टुचेलको २०२४ सम्मको सम्झौता रहेको थियो।
