काठमाडौं। अर्थ मन्त्रालयले देशका सातवटा अस्पतालमा अक्सिजन प्लान्ट खरिद तथा जडान, थप एचडीयू स्थापना, कम्प्युटेड रेडियोग्राफी एक्स-रे र इकोकार्डियोग्राफर खरिद गर्न ९ करोड ५ लाख ७० हजार दिने सहमति प्रदान गरेको छ। उक्त रकमबाट ओखलढुंगा अस्पताल, दार्चुला अस्पताल, मध्यविन्दु अस्पताल, चाँगुनारायण अस्पताल, टोखा चण्डेश्वरी अस्पताल, बन्दीपुर अस्पताल र बीपी कोइराला क्यान्सर अस्पताललाई ती सामाग्री खरिद गरिनेछ।
