मध्यपहाडी राजमार्ग निर्माण थालेको १५ वर्ष पुग्यो । दुई पटक म्याद थप्दा प्रगति ६५.३५ प्रतिशत मात्र छ । राष्ट्रिय यातायात नीति ०५८ मा पूर्व–पश्चिम राजमार्गको विकल्पका रूपमा मध्यपहाड हुँदै पूर्वदेखि पश्चिमसम्म सडक निर्माण गर्ने उल्लेख थियो । तर सरकारले आर्थिक वर्ष ०६४/६५ मा मात्र मध्यपहाडका २६ जिल्लाका २ सय १५ बस्ती जोड्ने भन्दै यो आयोजना सुरु गरेको थियो । यो आयोजना सकिएपछि १ करोड जनता लाभान्वित हुनेछन् ।
