२०६८ सालमा आमाको मृत्यु भएपछि बुुबाको सहारामा बाँचेका छ दिदीबहिनीको यति बेला बिचल्ली भएको छ । छोरीहरु पाल्नकै लागि काठ चिर्न जानु भएको कालिकोट जिल्लाको पचाँलझरना गाउँपालिका वडा नं ३ का ध्वजविर कठायतको पहिरोले पुरिएर मृत्यु भएपछि छ जना छोरीहरु बिचल्लीमा परेका हुुन् ।
तर कालीकोट जिल्लाको पचाँलझरना गाउँपालिका वडा नं. ३ का छ दिदि वहिनी एकै पटक अभिभावक बिहिन भएका छन् । उनीहरुको आमाको क्यान्सर रोगका कारण मृत्यु भएको हो । आमाको न्यानो काखवाट विछोडिएका अवोध वालिकाको साहारा भनेकै बुुबा थिए । छोरीको लालनपालन र शरिर ढाक्ने कपडाको जोहोका लागि घरवाट माथि जङगलमा काठ चिरानीमा जानु भएका ध्वजविर कठायत फेरी कहिलै नफर्किने गरी अस्ताउनुभयो । साउन ३ गते काठ चिरानी गरिरहेका समयमा माथिबाट आएको पहिरोमा कठायत पुरिएपछि उहाँका छ छोरीको बिचल्ली भएको छ । श्रीमतीको मृत्युले निकै विक्षिप्त भएका कठायत छोरीको भविष्यका लागि पनि सुस्तरी मजदुरी गदैँ आउनु भएको उहाँलाई चिन्नेहरुको भनाई छ ।
