झापा – झापाको कन्काई नगरपालिका–१ सुकेडाँगीमा निर्माण भैरहेको बायोग्यास प्लान्टको काम अन्तिम चरणमा पुगेको छ ।
बायोग्यास प्लान्ट निर्माणको काम ९० प्रतिशत सकिएको र आउँदो मङ्सिरदेखि सञ्चालनमा ल्याउने तयारी भैरहेको कन्काई विर्ता अर्जुन नवीकरणीय ऊर्जा तथा फोहरमैला व्यवस्थापन कम्पनीका प्रबन्ध निर्देशक दीपक तिम्सिनाले जानकारी दिनुभयो ।
भौतिक पूर्वाधारअन्तर्गत घेराबारा, फोहर भण्डारणस्थल निर्माण, फोहर सेपरेटर, डाइजेस्टरलगायतका सबै काम भइसकेको छ । ग्यास फिल्टर, सिलिण्डरमा ग्यास भर्नेलगायतका उपकरण जडानको काम भने बाँकी छ ।
...
