४ साउन, काठमाडौं । नेपाल धितोपत्र बोर्डले सामलिङ पावर कम्पनीलाई आईपीओ जारी गर्न अनुमति दिएको छ । बोर्डले १२ करोड ३० लाख रुपैयाँ बराबरको १२ लाख ३० हजार कित्ता सेयर बिक्री गर्न अनुमति दिएको हो …
माघ १०, काठमाडौं । नेपाल धितोपत्र बोर्ड (सेवोन) ले ५ महीनापछि एकै पटक ६ ओटा कम्पनीलाई आईपीओ निष्कासनको अनुमति दिएको छ ।
गत साउन १४ गते बुद्धभुमि नेपाल हाइड्रोपावरलाई आईपीओ निष्कासन गर्न अनुमति दिएपछि रोकिएको आईपीओ स्वीकृतिको प्रकृयाले निरन्तरता पाएको हो । बोर्डले माघ ९ गते बलेफी हाइड्रोपावर, ग्रीन भेन्चरस् लिमिटेड, जाल्पा सामुदायिक लघुवित्त वित्तीय संस्था, राष्ट्र उत्थान लघुवित्त वित्तीय संस्था, नेष्डो समृद्ध लघुवित्त वित्तीय संस्था र इमर्जिङ नेपाललाई आईपीओ निष्कासनको अनुमति दिएको हो ।
बलेफि हाइड्रोपावरले आयोजना प्रभावित स्थानीय र सर्वसाधारण समेतमा कुल ३६ लाख ५५ हजार ९४० कित्ता आईपीओ निष्कासन गर्ने तयारी गरेको छ । बोर्डले यो कम्पनीलाई स्थानीयका लागि रू. ३६ करोड ५५ लाख ९४ हजार बराबरको शेयर निष्कासन गर्न अनुमति दिएको छ । कम्पनीले उक्त शेयर निष्कासन गर्न बोर्डमा २०७७ साल फागुन २५ गते निवेदन दर्ता गराएको थियो ।
त्यस्तै, ग्रीन भेन्चरस् लिमिटेडले पनि आयोजना प्रभावित स्थानीय र सर्वसाधारणमा कुल ६२ लाख ५० हजार कित्ता आईपीओ निष्कासनका लागि २०७७ साल फागुन २८ गते बोर्डमा निवेदन दिएको थियो । यो कपनीलाई रू. ६२ करोड ५० लाख बराबरको शेयर स्थानीयका लागि निष्कासन गर्न अनुमति दिइएको छ ।
त्यसैगरी, जाल्पा सामुदायिक लघुवित्तलाई रू. ५ करोड २२ लाख बराबरको ५ लाख २२ हजार कित्ता र राष्ट्र उत्थान लघुवित्तलाई रू. ८ करोड ५० लाख बराबरको ८ लाख ५० हजार कित्ता आईपीओ जारी गर्न स्वीकृति दिइएको हो । जाल्पा सामुदायिक लघुवित्तले २०७८ साल असार २० गते र राष्ट्र उत्थान लघुवित्तले २०७८ साल असार २४ गते बोर्डमा निवेदन दिएका थिए ।
नेष्डो समृद्ध लघुवित्तले रू. ८ करोड २८ लाख ७५ हजार बराबरको ८ लाख २८ हजार ७५० कित्ता आईपीओ निष्कासन गर्न अनुमति पाएको छ । यो कम्पनीले २०७८ असार ६ गते बोर्डमा निवेदन दिएको थियो । त्यसैगरी इमर्जिङ नेपाललाई रू. ५ करोड ५५ लाख ६० हजार बराबरको ५ लाख ५५ हजार ६०० कित्ता आईपीओ निष्कासनका लागि अनुमति दिइएको छ । यो कम्पनीले गत असार १७ गते आईपीओ निष्कासन गर्नका लागि बोर्डमा निवेदन दिएको थियो ।
प्राथमिक बजारमा सामलिङ पावर कम्पनी लिमिटेडको आईपीओ पश्चात पछिल्लो समय आईपीओ निष्कासन भएको छैन । सामलिङ पावरले कात्तिक ४ गतेदेखि ८ गतेसम्म सर्वसाधारणमा आईपीओ विक्री गरेको थियो । नियामक निकाय नेपाल धितोपत्र बोर्डमा अध्यक्ष पद रिक्त रहँदा आईपीओ स्वीकृति प्रक्रियामा पनि ढिलाई भएको हो ।
बोर्डका अध्यक्ष भिष्मराज ढुङ्गानालाई सरकारले बुक विल्डिङ विधिमार्फत आईपीओ जारी गर्ने तयारीमा रहेको सर्वोत्तम सिमेण्टको शेयर गैरकानूनी रुपमा खरीद गरेको आरोपमा गत असोज १९ गते बर्खास्त गरेको थियो । सो पश्चात बोर्डमा अध्यक्ष पद रिक्त रहेको छ ।
आईपीओका लागि बोर्डले स्वीकृति प्रदान गरेका कम्पनीहरु :
स्रोतः नेपाल धितोपत्र बोर्ड
पुस १७, काठमाडौं । प्राथमिक बजारमा पछिल्लो समय आईपीओ निष्कासन हुन सकेको छैन ।
विगत दुई महीनादेखि आईपीओ निष्कासन नभएको हो । प्राथमिक बजारमा सामलिङ पावर कम्पनी लिमिटेडको आईपीओ पछि पछिल्लो समय आईपीओ निष्कासन भएको छैन । सामलिङ पावरले कात्तिक ४ गते देखि ८ गतेसम्म सर्वसाधारणलाई आईपीओ विक्री गरेको थियो ।
उक्त कम्पनीले असार ३१ गते बोर्डबाट आईपीओ निष्कासनको लागि अनुमति पाएको थियो । नियामक निकाय नेपाल धितोपत्र बोर्डमा अध्यक्ष नियुक्त नभएकाले कम्पनीहरुले आईपीओ निष्कासनका लागि स्वीकृति पाउन ढिलाई भइरहेको छ ।
धितोपत्र बोर्डको वेबसाइटलाई आधार मान्दा विभिन्न २८ ओटा कम्पनीहरु आईपीओ स्वीकृतिको पखाइमा रहेका छन् । १८ ओटा जलविद्युत् कम्पनी, दुई ओटा बीमा कम्पनी, छ ओटा लघुवित्त कम्पनी र दुई ओटा अन्य समूहका कम्पनीहरुले आईपीओ निष्कासनका लागि नियामक निकाय नेपाल धितोपत्र बोर्डमा निवेदन दिएका हुन् । नियामक निकाय नेपाल धितोपत्र बोर्डमा अध्यक्ष नियुक्ती प्रक्रिया लम्बिदा आईपीओको स्वीकृति प्रक्रियासमेत लम्बिएको छ ।
सरकारले धितोपत्र बोर्डका तत्कालिन अध्यक्ष भिष्मराज ढुङ्गानालाई बुक विल्डिङ्ग बिधिमार्फत आईपीओ जारी गर्ने तयारीमा रहेको सर्वोत्तम सिमेण्टको शेयर गैरकानूनी रुपमा खरीद गरेको आरोपमा गत असोज १९ गते बर्खास्त गरेको थियो ।
सो पछि बोर्डमा अध्यक्ष पद रिक्त भएकोले समयमै आईपीओका लागि स्वीकृति दिन नसकिएको बोर्डका कार्यकारी निर्देशक निरज गिरीले बताए । बोर्डको निमित्त अध्यक्षको जिम्मेवारी पुरा गरिरहेका गिरीले पाइपलाईनमा रहेका कम्पनीहरुको आईपीओ स्वीकृतिका लागि प्रक्रिया अघि बढीरहेको समेत बताएका छन् ।
अध्यक्ष हुँदा दैनिक रुपमा हुने काम पछिल्लो समय सञ्चालक समितिको बैठक हुँदा मात्र हुने भएकाले प्रक्रियामा ढिलाई भएको उनको भनाइ छ । यसअघि कम्पनीहरुलाई आईपीओ निष्कासनको अनुमति दिंदा शर्त राखेर दिइने गरिएको थियो भने अब ती शर्त पुरा भएपछि मात्र दिने सञ्चालक समितिको निर्देशन बमोजिम काम भइरहेको समेत उनले जानकारी दिए ।
आईपीओको स्वीकृतिको पर्खाइमा डिस मिडिया नेटवर्कसमेत रहेको छ । उक्त कम्पनीद्वारा सञ्चालित डिसहोमले सर्वसाधरणका लागि रू. २३ करोड ८५ लाख ९२ हजार ९०० बराबरको २३ लाख ८५ हजार ९२९ कित्ता आईपीओ विक्रीको अनुमति माग्दै असार ३० गते नेपाल धितोपत्र बोर्डमा निवेदन दिइसकेको छ । हाल उक्त कम्पनीको चुक्तापूँजी रू. २ अर्ब १ करोड रहेको छ ।
सन् २००९ मा स्थापना भएको उक्त कम्पनी बिसं २०७४ असार १८ गते पब्लिक कम्पनीको रुपमा रूपान्तरण भई आईपीओ निष्कासनको तयारीमा जुटेको हो । डिसहोम नेपालमा उच्च डिजिटल प्रविधिको टेलिभिजन च्यानलहरुको प्रशारण गर्ने कम्पनी हो ।उक्त कम्पनीको आईपीओ स्वीकृति प्रक्रिया समिक्षा र टिप्पणी पठाइसकिएको अवस्थामा रहेको छ ।
त्यस्तै, रिलायबल लाइफ इन्स्योरेन्सले प्रिमियमसहित आईपीओ जारी गर्न निवेदन दर्ता गराएको छ । कम्पनीले अंकित मूल्यमा रू. ११२ प्रिमियम थप गरी प्रतिकित्ता रू. २१२ मा ६० लाख कित्ता आईपीओ जारी गर्न गत साउन १२ गते निवेदन दर्ता गराएको हो । आइएमई लाइफ इन्स्योरेन्सले भने अंकित मूल्यमै ६० लाख कित्ता आईपीओ विक्रीको लागि गत जेठ ३१ गते बोर्डमा निवेदन दिएको हो ।
रिलायबल लाइफको आईपीओ स्वीकृति प्रक्रिया प्रारम्भिक चरणमा रहेको छ भने आइएमई लाइफको समिक्षा र टिप्पणी पठाइसकिएको अवस्थामा रहेको छ । धितोपत्र बोर्डमा आईपीओ विक्रीको स्वीकृति माग्नेमा धेरैजसो जलविद्युत कम्पनीहरु रहेका छन् ।
पुस ८, काठमाडौं । धितोपत्र कारोबारका लागि अनिवार्य रहेको हितग्राही खाता (डिम्याट) को संख्या पुस ७ गतेसम्म ४७ लाख ५४ हजार ९५५ पुगेको छ । यो संख्या साउन मसान्तसम्म ४० लाख ८७ हजार ५५ रहेको थियो ।
साउन मसान्तपछि ६ लाख ६७ हजार ९०० हितग्राही खाता थप भएको सिडिएस एण्ड क्लियरिङ्ग लिमिटेडले जानकारी दिएको छ । पछिल्लो समय आईपीओ निष्कासन नहुँदा हितग्राही खाता खोल्नेको संख्यामा कमि आएको छ ।
केहि समय अघिसम्म दैनिक १५ हजारसम्म हितग्राही खाता खोलिने गरिएकोमा पछिल्लो समय यो संख्यामा निकै कमि आएको सिडिएससीको भनाइ छ । गत साउन मसान्तसम्मको तथ्यांकलाई गत वर्षको सोही अवधिसम्मको तथ्यांकसँग तुलना गर्दा ३९ लाखभन्दा बढी हितग्राही खाता थपिएका थिए । २०७७ साल साउन मसान्तसम्म १८ लाख ५ हजार ६०७ हितग्राही खाता रहेको थियो ।
नयाँ बीमा कम्पनीहरु र धेरै जसो जलविद्युत कम्पनीहरुसँगै केहि लघुवित्त कम्पनीहरुले पनि गत वर्ष आईपीओ जारी गरेका थिए । गत वर्ष २२ कम्पनीहरुले आईपीओ निष्कासनका लागि नेपाल धितोपत्र बोर्डबाट स्वीकृति पाएका थिए ।
चालू आर्थिक वर्षयता भने जम्मा तीन ओटा कम्पनीहरुले मात्र आईपीओ निष्कासनको स्वीकृति पाएका हुन् । यसअघि क्रमश : आईपीओ निष्कासन भइरहनु र धितोपत्र दोस्रो बजारले ऐतिहासिक विन्दु कायम गरेको कारणले पनि हितग्राही खाता खोल्नेको संख्या बढी रहेको सिडिएससीका प्रबक्ता सुरेश न्यौपानेले जानकारी दिए ।
पछिल्लो समय आईपीओ निष्कासन नहुनु र दोस्रो बजारमा पनि लगानीकर्ताहरु पर्ख र हेरको अवस्थामा रहेका कारण पनि कारोबारका लागि अनिवार्य रहेको हितग्राही खाताको संख्यामा कमी भएको उनको भनाइ छ ।
दुई महीनादेखि बजारमा छैन आईपीओ
प्राथमिक बजारमा पछिल्लो समय हकप्रद शेयर र ऋणपत्रहरु निष्कासन भइरहे पनि विगत दुई महीनादेखि आईपीओ भने निष्कासन भएको छैन । प्राथमिक बजारमा सामलिङ पावर कम्पनी लिमिटेडको आईपीओ निष्कासनपश्चात अन्य कम्पनीको आईपीओ निष्कासन भएको छैन ।
सामलिङ पावरले कात्तिक ४ गतेदेखि ८ गतेसम्म सर्वसाधारणमा आईपीओ विक्री गरेको थियो । उक्त कम्पनीले असार ३१ गते धितोपत्र बोर्डबाट आईपीओ निष्कासनको लागि अनुमति पाएको थियो । नियामक निकाय नेपाल धितोपत्र बोर्डमा अध्यक्ष नियुक्त नभएकाले कम्पनीहरुले आईपीओ निष्कासनका लागि स्वीकृति पाउन ढिलाइ भइरहेको छ ।
सरकारले धितोपत्र बोर्डका अध्यक्ष भिष्मराज ढुङ्गानालाई बुक विल्डिङ्ग विधिमार्फत आईपीओ जारी गर्ने तयारीमा रहेको सर्वोत्तम सिमेण्टको शेयर गैरकानूनी रुपमा खरीद गरेको आरोपमा गत असोज १९ गते बर्खास्त गरेको थियो । सो पश्चात निमित्त अध्यक्षको जिम्मेवारी बोर्डका कार्यकारी निर्देशक निरज गिरीले पाएका छन् ।
उनले आईपीओ स्वीकृतिका लागि प्रक्रिया अघि बढीरहेको जानकारी दिए । अध्यक्षहुँदा दैनिक रुपमा हुने काम पछिल्लो समय सञ्चालक समितिको बैठक हुँदा मात्र हुने भएकाले अनुमति दिने प्रक्रियामा ढिला हुन गएकोसमेत उनले बताए ।
यसअघि कम्पनीहरुलाई आईपीओ निष्कासनको अनुमति दिंदा शर्त राखेर दिइने गरिएको थियो भने अब ती शर्त पुरा भएपछि मात्र दिने सञ्चालक समितिको निर्देशन बमोजिम काम भइरहेको समेत उनले बताए ।
आर्थिक अभियान दैनिकको प्रिन्टबाट
कात्तिक ८, काठमाडौं । कात्तिक ४ गतेदेखि सार्वजनिक निष्कासनमा आएको सामलिङ पावर कम्पनी लिमिटेडको आईपीओ अन्तिम दिन सोमवारसम्म २२ लाख ६५ हजार ६९८ जनाले भरेका छन् ।
सिडिएस एण्ड क्लियरिङ लिमिटेडले दिएको जानकारी अनुसार यी आवेदकहरुबाट सोमवार साँझ ५ बजेसम्म २ करोड ६९ लाख ३३ हजार ५०० कित्ताको लागि आवेदन परेको हो । जुन आवेदन मागभन्दा ३९ दशमलव ६७ गुणा बढी हो ।
कम्पनीले सर्वसाधारणका लागि छुट्याएको रू. ७ करोड ३० लाख बराबरको ७ लाख ३० हजार कित्ता शेयरमध्य २ प्रतिशत अर्थात् १४ हजार ६०० कित्ता कम्पनीका कर्मचारीहरुका लागि र ५ प्रतिशत अर्थात् ३६ हजार ५०० कित्ता सामूहिक लगानी कोषका लागि सुरक्षित गरी बाँकी ६ लाख ७८ हजार ९०० कित्ता सार्वजनिक निष्कासनमा ल्याएको हो ।
यो शेयर खरीदका लागि न्यूनतम १० कित्तादेखि अधिकतम २० हजार कित्तासम्म माग गर्न सकिने व्यवस्था थियो । कम्पनीको आईपीओलाई इक्रा नेपालले वित्तीय दायित्व पूरा गर्ने सम्बन्धमा मध्यम जोखिम संकेत गर्ने इक्राएनपी आईआर डबल बी माईनस रेटिङ प्रदान गरेको छ ।
सर्वसाधारणलाई आईपीओ जारी गर्नुअघि कम्पनीले पहिलो चरणमा आयोजना प्रभावित स्थानीयलाई रू. ५ करोड बराबरको ५ लाख कित्ता शेयर वितरण गरिसकेको छ । सर्वसाधारणका लागि रू. १२ करोड ३० लाख बराबरको १२ लाख ३० हजार कित्ता आईपीओ विक्री गर्न असार ३१ गते बोर्डको अनुमति पाएको कम्पनीले पहिलो चरणमा स्थानीयमा शेयर जारी गरिसकेको हो ।
आयोजना प्रभावितहरुका लागि छुट्याएको कुल कित्तामध्ये पनि कम्पनीले ईलाम जिल्लाभरीका वासिन्दाहरुका लागि ६० प्रतिशत अर्थात ३ लाख कित्ता र अति प्रभावित क्षेत्र इलामा नगरपालिका वडा नम्बर ८ र १० तथा माईजोगमाई गाउँपालिका वडा नम्बर ४ र ५ का वासिन्दाहरुका लागि ४० प्रतिशत अर्थात् २ लाख कित्ता शेयर विक्री गरेको हो ।
यस कम्पनीले इलाम जिल्लामा ९ दशमलव ५१ मेगावाट क्षमताको माईबेनी जलविद्युत् आयोजनाको निर्माण कार्य सम्पन्न गरी असोज १ गतेदेखिनै व्यापारिक उत्पादन शुरु गरिसकेको छ । उक्त आयोजनाको अनुमानित कुल लागत प्रतिमेगावाट रू. २१ करोड ३ लाख ५ हजार रहेको छ ।
हाल कम्पनीको चुक्तापूँजी रू. ३७ करोड ७० लाख रहेको छ । कम्पनीको अधिकृत पूँजी रू. ५० करोड रहेको छ । कम्पनीको तत्काल जारी पूँजी पनि रू. ५० करोडनै रहेको छ । हाल संस्थापक तर्फ कम्पनीमा ७५ दशमलव ४० प्रतिशत शेयर स्वामित्व कायम रहेको छ । सर्वसाधारणमा कम्पनीले २४ दशमलव ६० प्रतिशत शेयर विक्री गर्न लागेको हो ।
यसमध्येपनि स्थानीयमा १० प्रतिशत र कर्मचारी सहित सर्वसाधारणमा १४ दशमलव ६० प्रतिशत शेयर स्वामित्व रहनेछ । सर्वसाधारणमा आईपीओ विक्रीपछि कम्पनीको चुक्तापूँजी रू. ५० करोड पुग्नेछ । कम्पनीको आर्थिक वर्ष ०७६/७७ सम्मको वास्तविक वित्तीय अवस्था अनुसार उक्त अवधिसम्म कम्पनी रू. १० लाख ३५ हजार खुद नोक्सानीमा रहेको छ ।
आर्थिक वर्ष ०७७/७८ मा रू. २ करोड ४० लाख खुद नाफा आर्जन गर्ने प्रक्षेपण गरेको छ । आर्थिक वर्ष ०७६/७७ सम्म कम्पनीको वास्तविक प्रतिशेयर नेटवर्थ रू. ९८ दशमलव ७७ रहेको छ भने प्रतिशेयर आम्दानी रू. शून्य दशमलव २७ ऋणात्मक छ । दोस्रो बजारमा पहिलो कारोबारका लागि कम्पनीले प्रतिकित्ता रू. ९८ दशमलव ७७ देखि तीन गुणासम्म रू. २९६ दशमलव ३१ सम्मको मूल्य रेञ्ज पाउने देखिन्छ ।
साउन २०, काठमाडौं । सामलिङ पावर कम्पनी लिमिटेडको आईपीओ निष्कासन हाललाई स्थगित भएको छ ।
कम्पनीले साउन २२ गतेदेखि आयोजना प्रभावित स्थानियका लागि आईपीओ निष्कासन गर्ने मिति तय गरेको थियो । यसअघि इलाममा कोभिड संक्रमणलाई रोक्न साउन १८ गनेसम्म जारी भएको निषेधाज्ञा साउन २५ गतेसम्म लागू गरिएकाले आईपीओ निष्कासन प्रकृया हाललाई स्थगित गरिएको हो । परिस्थिति सहज भएपछि पुनः अर्को सूचना प्रकाशित गरी सार्वजनि निष्कासन तथा विक्री खुला गरिने जानकारी कम्पनीले दिएको छ ।
कम्पनीले पहिलो चरणमा स्थानीयलाई रू. ५ करोड बराबरको ५ लाख कित्ता शेयर विक्री गर्न लागेको हो । सर्वसाधारणका लागि रू. १२ करोड ३० लाख बराबरको १२ लाख ३० हजार कित्ता आईपीओ विक्री गर्न असार ३१ गते बोर्डको अनुमति पाएको कम्पनीले पहिलो चरणमा स्थानीयमा शेयर जारी गर्न लागेको हो ।
आयोजना प्रभावितहरुका लागि छुट्याएको कुल कित्तामध्ये पनि कम्पनीले ईलाम जिल्लाभरीका वासिन्दाहरुका लागि ६० प्रतिशत अर्थात ३ लाख कित्ता र अति प्रभावित क्षेत्र इलामा नगरपालिका वडा नम्बर ८ र १० तथा माईजोगमाई गाउँपालिका वडा नम्बर ४ र ५ का वासिन्दाहरुका लागि ४० प्रतिशत अर्थात २ लाख कित्ता शेयर विक्री गर्नेछ ।
यो शेयर विक्री प्रबन्धकमा नेपाल एसबिआई मर्चेण्ट बैैंकिङ लिमिटेड रहेको छ । यस पावर कम्पनीले इलाम जिल्लामा ९ दशमलव ५१ मेगावाट क्षमताको माईबेनी जलविद्युत् आयोजना निर्माण गरिरहेको छ । उक्त आयोजन निर्माणका लागि थप पूँजी जुटाउन कम्पनीले आईपीओ जारी गर्न लागेको हो । उक्त आयोजनाको अनुमानित कुल लाग प्रतिमेगावाट रू. २१ करोड ३ लाख ५ हजार रहेको छ ।
हाल कम्पनीको चुक्तापूँजी रू. ३७ करोड ७० लाख रहेको छ । संस्थापक तर्फ कम्पनीमा ७५ दशमलव ४० प्रतिशत शेयर स्वामित्व कायम रहेको छ । सर्वसाधारणमा कम्पनीले २४ दशमलव ६० प्रतिशत शेयर विक्री गर्न लागेको हो । यसमध्ये पनि स्थानीयमा १० प्रतिशत र कर्मचारी सहित सर्वसाधारणमा १४ दशमलव ६० प्रतिशत शेयर स्वामित्व रहनेछ ।
सर्वसाधारणमा आईपीओ विक्रीपछि कम्पनीको चुक्तापूँजी रू. ५० करोड पुग्नेछ । आर्थिक वर्ष ०७६/७७ सम्म कम्पनीको वास्तविक प्रतिशेयर नेटवर्थ रू. ९८ दशमलव ७७ रहेको छ भने उक्त अवधिसम्म कम्पनी १० लाख नोक्सानीमा रहेको छ ।
