माघ ७, काठमाडौं । सिद्धार्थ बैंकले चालू आवको दोस्रो त्रैमासिक वित्तीय विवरण शुक्रवार सार्वजनिक गरेको छ ।
उक्त वित्तीय विवरण अनुसार कम्पनीको नाफा गत आवको दोस्रो त्रैमासको तुलनामा चालू आवको सोही अवधिमा ७१ प्रतिशत वृद्धि भएको छ । कम्पनीले गत आवको दोस्रो त्रैमाससम्ममा रू. ९१ करोड ८७ लाख नाफा कमाएकोमा चालू आवको सोही अवधिमा वृद्धि भएर रू. १ अर्ब ५७ करोड ७३ लाख १३ हजार पुगेको हो ।
चालू आवको दोस्रो त्रैमासमा कम्पनीको खुद ब्याज आम्दानी र सञ्चालन नाफामा वृद्धि भएकाले नाफा बढेको हो । खुद ब्याज आम्दानी गत आवको दोस्रो त्रैमासको तुलनामा १८ प्रतिशत र सञ्चालन नाफा ७० प्रतिशत वृद्धि भएको छ ।
कम्पनीको चुक्तापूँजी रू. १२ अर्ब ५२ करोड ४४ लाख रहेको छ । चालू आवको दोस्रो त्रैमाससम्ममा कम्पनीले जगेडामा रू. ८ अर्ब ७ करोड १० लाख ६९ हजार र रिटेन्ड अर्निङमा रू. ८५ करोड २६ लाख ७३ हजार सञ्चित गरेको हो ।
सो अवधिमा कम्पनीको वितरणयोग्य नाफा रू. ६८ करोड ८३ लाख ८९ हजार रहेको छ । चालू आवको दोस्रो त्रैमाससम्ममा कम्पनीले रू. १ खर्ब ८८ अर्ब ७९ करोड ८४ लाख निक्षेप संकलन गरेर रू. १ खर्ब ७६ अर्ब ८८ करोड १९ लाख कर्जा लगानी गरेको हो ।
चालू आवको दोस्रो त्रैमासमा नाफा बढेसँगै प्रतिशेयर आम्दानीमा पनि वृद्धि भएको छ । गत आवको दोस्रो त्रैमासमा कम्पनीको प्रतिशेयर आम्दानी रू. १४ दशमलव ७१ रहेकोमा चालू आवको सोही अवधिमा वृद्धि भएर रू. २५ दशलमव १२ पुगेको हो ।
मूल्य आम्दानी अनुपात १८ दशमलव २७ गुणा, तरलता अनुपात २० दशमलव १२ प्रतिशत र प्रतिशेयर नेटवर्थ रू. १७१ दशमलव २५ रहेको छ ।
