नेकपा एमाले पर्साको ८ औँ जिल्ला अधिवेशनबाट संविधानसभा सदस्य जयप्रकाश थारु सर्वसम्मतिले अध्यक्षमा चयन भएका छन् । अधिवेशन सुरु भएको झण्डै तीन महिनापछि शनिबार वीरगन्जको एक होटलमा आयोजित बन्द सत्रबाट अध्यक्ष, पदाधिकारीसहित एक सय ३५ सदस्यीय जिल्ला समिति सर्वसम्मतिले चयन गरिएको हो । अध्यक्षमा निर्वाचित थारु दोस्रो संविधानसभा निर्वाचनमा पर्सा क्षेत्र नं. ४ बाट निर्वाचित भएका थिए ।
