सेवाग्राहीसँग घुस रकम लिँदा लिँदै तनहुँका एक जना कर्मचारी बुधबार दिउँसो पक्राउ परेका छन् । पक्राउ पर्नेमा राष्ट्रिय पुननिर्माण प्राधिकरण अन्तर्गतको आयोजना कार्यान्वयन एकाई (शिक्षा) का इन्जिनियर सुरेन्द्र अधिकारी हुनुुहुन्छ । सदरमुकाम दमौली, मालपोत लाईन स्थित भिरकोट रेष्टुरेन्टबाट सेवाग्राहीसँग डेढ लाख रुपैयाँ घुस लिएको आरोपमा अख्तियार दुरुपयोग अनुसन्धान आयोग कार्यालय पोखराको टोलीले प्रकाउ गरेको हो ।
भानु नगरपालिका–५ मैबलको सरस्वती माध्यमिक विद्यालयमा १४ लाख ६९ हजारमा निर्माण गरिएको शौचालयको योजना अनुगमन पश्चात काम सम्पन्नको विवरण दिन अधिकारीले घुस मागेको अख्तियारले जनाएको छ । घुस मागेपछि प्रहरी नायव उपरीक्षक दीपेन्द्र पंजियार थारुको नेतृत्वमा आएको टोलीले अधिकारीलाई पक्राउ गरेको थियो ।
