एक महिलासँग ९० हजार रूपैयाँ घुस लिएको आरोपमा असई र जवान पक्राउ परेका छन् ।
प्रहरी वृत्त बौद्धको टोलीले असई सञ्जीव बस्नेत र जवान सुरज खड्कालाई पक्राउ गरेको महानगरीय प्रहरी परिसर काठमाडौंका प्रवक्ता एसपी रमेश बस्नेतले जानकारी दिए ।
उनका अनुसार उनीहरूलाई त्रिभुवन अन्तर्राष्ट्रिय विमानस्थलबाट पक्राउ गरिएको हो ।
बौद्धकी एक महिलालाई लागूऔषधमा रहेको सूचना आफूहरूसँग रहेको र पैसा नदिए पक्राउ गर्ने धम्कीसहित घुस रकम लिएको प्रहरी अनुसन्धानबाट खुलेको छ । थप अनुसन्धान भइरहेको एसपी बस्नेतले जानकारी दिए ।
