सिन्धुपाल्चोकको मेलम्ची नगरपालिकामा रहेको सामुदायिक रेडियो मेलम्चीले सहयोग संकलनबाट भबन निर्माण गरेको छ । रेडियोले सहयोग संकलनको अभियानमा नै सञ्चालन गरी भवन निर्माण गरेको हो । समुदायको सक्रियतामा बनिरहेको भवन निर्माणका लागि हालसम्म दुई सय ८० जनाबाट बीस लाख रुपैयाँभन्दा बढी रकम प्राप्त भइसकेको रेडियो सञ्चालन समितिका अध्यक्ष डम्बर रसिक भारतीले जानकारी दिनुभयो । मेलम्ची ११ का स्थानीय श्याम खड्काले भवन निर्माणमा पाँच लाख ५५ हजार ५५५ सहयोग गर्नुभयो । भवन निर्माणका लागि व्यक्तिगतरुपमा प्रदान भएको यो नै सर्वाधिक रकम हो ।
